Iyyooba Maxaafaa 12:25 - Wolaytta Bible

²⁵ Poo7oi bainna xuman eti tattaafoosona; mattottida asatudan eti ganddigaaroosona.

Iyyooba Maxaafaa 12:25 ပူးပေါင်းရင်းမြစ်များ

Doomettaabaa 19:11

Hegaappe guyyiyan, eti keettaa penggen de7iya asaa, guuttaappe gitaa gakkanaassi qooqissi aggidosona. Yaatin eti penggiyaa demmanau koyiiddi daafuridosona.

Iyyooba Maxaafaa 18:6

I xomppee bainna keetta mala; kase a matan de7iya xomppeekka to7ees.

Iyyooba Maxaafaa 5:14

Etau gallassai xumana; gallassa seetankka eti henqqeleela bilahiyaadan tattaafana.

Mazamure Maxaafaa 107:27

Eti mattottida asadan xubettidi ganddigaaridosona; eta eraikka daallamiis.

Isiyaasa 19:14

GODAI eta giddon geella ayyaanaa walakkiis; yaatin, eti mattottida asi ba cooshshan ganddigaariyoogaadan, Gibxxee ba ooso ubban ganddigaaranaadan oottidosona.

Isiyaasa 24:20

Biittai mattottida asadan ganddigaarees; carkkoi sugiyo daasedan, yonqqu gees. Makkalanchchatu mooroi a keehippe deexxido gishshau, naa77antto denddennaadan kunddees.

Isiyaasa 59:10

Nuuni aifee bainna qooqedan, dirssaa gimbbiyaakko tattaafoos. Sa7ai lem77in hemettiyaabaadan, seeta gallassi xubettoos. Qassi kumetta wolqqaara de7iya asatu giddon nuuni haiqqida asatu mala gidida.

Yesuusi Kiittidoogeetu Oosuwaa 13:11

Be7a; ha77i Godaa kushee ne bolli de7ees; neeni qooqe gidana; amarida wodee gakkanaashin, awaa poo7uwaa be7akka” yaagiis. Yaagin sohuwaara ciggaarainne xumai a aifiyaa goozin, ba kushiyaa oiqqidi, kaalettiya uraa koyiiddi yuuyiis.

Zaarettido Wogaa 28:29

Gallassa seetan neeni qooqee xuman tattaafiyoogaadan tattaafana; ne oottiyoobai ubbai neeyyo giigennan ixxana. Ne de7o laitta ubban huqqunnettadanne bonqqettada daana. Nena maaddiya asakka demmakka.

Koiro Yohaannisa 2:11

SHin ba ishaa ixxiya ooninne xuman de7ees; xuman hemettees. Xumai a aifiyaa qooqissi wottido gishshau, au biyaakkonne erenna.