Iyyooba Maxaafaa 12:22 - Wolaytta Bible

²² “Xuman de7iya xuura yohota qonccissees; sakkana xuma sohuwaakka poo7o kessees.

Iyyooba Maxaafaa 12:22 ပူးပေါင်းရင်းမြစ်များ

Kawotu Maxaafaa Naa77anttuwaa 6:12

A ola gadaawatuppe issoi, “Ta godau, kawuwau, nu giddon hegaa oottiyai ooninne baawa. SHin ne siirixan de7aidda neeni haasayiyoobaa ubbaa Israa7eelan de7iya hananabaa yootiya Elssaa7i Israa7eela kawuwaayyo yootees” yaagiis.

Iyyooba Maxaafaa 11:6

I neeyyo aadhdhida eratettaa xuuraa qonccisseerenneeshsha! Aissi giikko, tumu aadhdhida eratettaassi daro kifileti de7oosona. Xoossai nena ne oottido nagaraa keenaa qaxxayibeennaagaa era.

Iyyooba Maxaafaa 24:17

Eta gallassa poo7oi yashshees; shin qamma xumai eta daganttenna.

Iyyooba Maxaafaa 3:5

Leelida xumainne ciggaarai a goozo; a shaarai kammo; a poo7uwaakka xumai gentto.

Iyyooba Maxaafaa 34:22

Iitaa oottiyaageeta Xoossaappe genttanau danddayiya sakkana xumi baawa.

Mazamure Maxaafaa 139:11

Taani, “Xumau, tana gentta; poo7uwau, qammau laametta” yaagiyaakkokka,

Mazamure Maxaafaa 139:12

xumaa addiniitai neeyyo xumenna; qammai gallassaadan poo7ees; aissi giikko, neeyyo xumai poo7o mala.

Daaneela 2:22

Ciimma xuuraanne geemmida yohuwaa i qonccissees. Xuman de7iyaabaakka i erees; poo7oikka aara de7ees.

Amoxa 5:8

Piliyaadisa geetettiya laappun xoolinttetanne Ooriyoona geetettiya xoolinttetu citaa medhdhidaagee, sakkana xumaa wonttau, gallassa poo7uwaakka qammau laammiyaageenne abban de7iya haattata pude saluwaa xeesidi, sa7a micettaa bolli duge tigiyaagee, au sunttai GODAA.

Maatiyoosa 10:26

“Simmi asassi yayyoppite; aissi giikko, gentti wottidobai qoncciyaa kiyennan attenna; qottidobaikka erettennan attenna.

Luqaasa 1:79

he poo7oi nuna sarotaa ogiyaa kaalettanau, xumaaninne haiquwaa kuwan de7iyaageetussi poo7ana” yaagiis.

Koiro Qoronttoosa 2:10

Xoossai ba xuura yohuwaa ba Ayyaanan nuna erissiis; aissi giikko, Geeshsha Ayyaanai Xoossaabaa harai atto geemettida yohuwaara ubbaa qorees.

Koiro Qoronttoosa 4:5

Hegaa gishshau, Godai xuman genttidobaa poo7uwaa kessiyaagee, wozanaa qofaa qonccissiyaagee yaana wodee gakkanaassi o bollinne oonanne pirddoppite. He wode, asai ubbai huuphiyan huuphiyan Xoossaappe galataa ekkana.