Iyyooba Maxaafaa 12:10 - Wolaytta Bible

¹⁰ Paxa de7iya meretatu ubbaa de7oinne asa ubbaa shemppoi a kushiyaana.

Iyyooba Maxaafaa 12:10 ပူးပေါင်းရင်းမြစ်များ

Doomettaabaa 2:7

Hegaappe guyyiyan, GODAI Xoossai biittaa baanaappe issi asa medhdhiis; medhdhidi a siiriyan de7o shemppuwaa shemppi gelissiis; yaatin bitanee paxa de7iya asa gidiis.

Doomettaabaa 6:17

“Taani saloppe garssan de7o shemppoora de7iya mereta ubbaa xaissanau, ha sa7aa bollan bashshaa haattaa yeddana; yeddin ha sa7an de7iyaabai ubbai xayana.

Iyyooba Maxaafaa 27:3

Xoossai taayyo de7o shemppuwaa immido keenan,

Iyyooba Maxaafaa 27:8

Xoossai eta shemppuwaa eta ashuwaappe shaakkidi, eta laittaa qanttiyo wode, iitatuyyo sinttanaa ufaissi aibee?

Iyyooba Maxaafaa 33:4

Tana Xoossaa Ayyaanai medhdhiis; Ubbaa Danddayiya Xoossaa shemppoi taayyo de7uwaa immiis.

Mazamure Maxaafaa 104:29

Neeni ne som77uwaa genttiyo wode dagammoosona. Ne shemppuwaa neeni ekkiyo wode haiqqidi, bantta biittau simmoosona.

Mazamure Maxaafaa 104:30

SHin neeni ne shemppuwaa kiittiyo wode, harati merettoosona; biittaanne ooraxissaasa.

Eranchchaa Maxaafaa 9:1

Ha ubba yohotubaa adussa wodiyaa taani qoppidoogaappe guyyiyan, aadhdhida eranchchanne xillo gidida asatinne eta oosoti Xoossaa kushiyan de7oosona gaada qachchaas; shin siiqoi naagiya, ixoi naagiya ooninne bana naagiyaabaa kasetidi erenna.

Isiyaasa 42:5

Xoossai GODAI, salota medhdhidi miccidaagee, sa7aanne sa7aappe kiyiyaabaa ubbaa oottidaagee, sa7an de7iya asau shemppuwaa immiyaagee, an hemettiya ubbau de7uwaa immiyaagee hagaadan yaagees;

Isiyaasa 57:16

Taani merinau mootikke; ubbatonkka hanqqettikke. Hanqqettikko asaa ayyaanai, taani medhdhido asaa shemppoi daafurana.

Daaneela 5:23

Qassi Saluwaa Godaa bollan otorettada, ne huuphiyaa xoqqu xoqqu oottadasa. A Beeta Maqidasiyaappe bonqqiyan yiida worqqa miishshata neeni ehiissin, ne oosanchchati, ne keettaayetinne ne baakkoti woiniyaa eessaa etan uyidosona. Qassi xeellanau, siyanaunne eranau danddayenna xoossata, biraappe, worqqaappe, nahaasiyaappe, birataappe, mittaappenne shuchchaappe oosettidaageeta galatadasa. Ne shemppuwaanne ne gelaa kessaa ba kushiyan oiqqida Xoossaa bonchchabaakka.

Qoodaabaa 16:22

SHin Muuseenne Aarooni sa7an gufannidi, “Abeet Xoossau, asho maayida asaa ubbaa medhdhida Xoossau, issi uri nagara oottikko, neeni kumetta maabaraa hanqqettai?” yaagidosona.

Yohaannisa 3:6

Asappe yelettidaagee asa; Ayyaanaappe yelettidaagee ayyaana;

Yesuusi Kiittidoogeetu Oosuwaa 17:25

Aibakko paccido asadan, asa kushe i xeellenna; aissi giikko, i ba huuphen de7uwaa shemppuwaanne ubbabaa asa ubbaassi immees.

Yesuusi Kiittidoogeetu Oosuwaa 17:28

Aissi giikko, intteppe issi issi eranchchati, ‘Nuuni a naata’ giidoogaadan, nuuni aani paxa de7oosinne de7idi qaaxettoos.