Iyyooba Maxaafaa 11:8 - Wolaytta Bible

⁸ Eti salotuppekka xoqqa; neeni ainne oottanau danddayakka. Eti Si7ooliyaappekka aadhdhida ciimma; neeni eranau danddayakka.

Iyyooba Maxaafaa 11:8 ပူးပေါင်းရင်းမြစ်များ

Hanidabaa Odiya Naa77antto Maxaafaa 6:18

“SHin Xoossai tumu, asaara issippe ha sa7an de7aneeyye? Be7a, saloti, ubbaappe xoqqan de7iya salotikka neeyyo gidanau danddayokkona. Yaatin, ha taani keexxido Beeta Maqidasee neeyyo ai keenaa guuxxanddeeshsha!

Iyyooba Maxaafaa 11:9

Xoossaa aadhdhida eratettai biittaa zananaappe aduqqees; abbaa gomppaappekka aakkees.

Iyyooba Maxaafaa 22:12

“Xoossai bolla xoqqa saluwan uttidi, xoqqan de7iya xoolintteta duge xeellees.

Iyyooba Maxaafaa 26:6

Xoossaa sinttan Si7ooleekka qoncce; aibinne a genttanau danddayenna.

Iyyooba Maxaafaa 35:5

“Xoqqu gaada salota xeella; neeppe bollaara de7iya shaaratakka ane akeekada be7a.

Iyyooba Maxaafaa 37:23

“Nuuni Ubbaa Danddayiya Xoossaa mati shiiqanau danddayokko; a wolqqai gita. I ba tumu pirddaaninne ba gita xillotettan huqqunnenna.

Iyyooba Maxaafaa 38:17

Haiquwaa penggeta nena oonakko bessidee? Woikko sakkana xumaa penggeta be7adii?

Iyyooba Maxaafaa 7:9

“SHaarai piskki giidi xayiyoogaadan, duufuwaa wodhdhida uri simmidi kiyenna.

Mazamure Maxaafaa 103:11

Saloi sa7aappe xoqqiyoogaadan, GODAAYYO yayyiyaageetuyyo aggenna a siiqoi gita.

Mazamure Maxaafaa 148:13

Eti ubbati GODAA sunttaa galatona; aissi giikko, a sunttai ubbaappe bollaara de7iyaagaa; a bonchchoi salotuppekka sa7aappekka bollaara xoqqan de7ees.

Mazamure Maxaafaa 36:6

Ne xillotettai ubbaappe xoqqa deretu mala; ne pirddaikka ubbaappe ziqqa ciimmaa mala. Abeet GODAU, neeni asaakka do7aakka naagaasa.

Leemiso Maxaafaa 30:4

Saluwaa pude kiyidi, duge wodhdhidai oonee? Carkko ba kushen oiqqidai, haatta ba afalan yiicidai, sa7aa gaxaa a sohuwan sohuwan wottidai oonee? Ane erikko a sunttaa taayyo oda. A na7aa oona giyo?

Isiyaasa 55:9

Saloti sa7aappe xoqqiyoogaadan, ta ogee intte ogiyaappe xoqqees; ta qofaikka intte qofaappe xoqqees.

Amoxa 9:2

Eti biittaa bookkidi, Si7ooliyau duge wodhdhikkokka, taani eta hegaappe kessana. Saluwaa pude kiyikkokka, taani eta hegaappe duge wottana.