Iyyooba Maxaafaa 11:18 - Wolaytta Bible

¹⁸ Neeyyo hidootai de7iyo gishshau, neeni hirggennan de7ana. Xoossai nena naagiyo gishshau, neeni woppu gaananne shemppana.

Iyyooba Maxaafaa 11:18 ပူးပေါင်းရင်းမြစ်များ

Iyyooba Maxaafaa 11:17

Ne de7oi seetaa awaappekka aadhdhidi poo7ana; ne de7uwaa xumaikka maallado poo7uwaa mala gidana.

Iyyooba Maxaafaa 11:19

Neeni xiskkiyo wode, nena yashissana uri baawa; daroti nena auddashana.

Iyyooba Maxaafaa 6:11

Taani paxa de7anau taayyo aiba wolqqi de7ii? Taani danddayanau, ta wurssettai aibee?

Iyyooba Maxaafaa 7:6

Ta laittai shimainniyaa muhuuhaappekka aadhdhi eesotees; aiba hidootinne bainnan ta laittai wurees.

Mazamure Maxaafaa 127:2

Neeni maallado guuran denddiyoogee, omarssi qamissada zin77iyoogee, qumassi hirggada tuggatiyoogee coo mela; aissi giikko, GODAI ba siiqiyoogeetau qumaa immees.

Mazamure Maxaafaa 3:5

GODAI tana naagiyo gishshau, taani zin77ada xiskkaisinne beegottais.

Mazamure Maxaafaa 4:8

Abeet GODAU, ne xalaalai tana saruwan naaga wottiyo gishshau, taani zin77ada sarotettan xiskkais.

Mazamure Maxaafaa 43:5

Tanooshsho, taani aissi azzaniyaanaa? Qassi aissi jabbukettiyaanaa? Taani Xoossan ufaissaa wottana. Aissi giikko, taani ha77ikka tana ashshiyaagaanne ta Xoossaa galatana.

Leemiso Maxaafaa 14:32

Iitati bantta iita oosuwan kunddana; shin xilloti bantta suuretettan naagettana.

Qolasiyaasa 1:27

Xoossai Aihuda gidenna asaayyo wottido ha asaayyo qonccibeenna bonchchonne dure yohoi aibakko geeshshata erissanau koyiis; ha asaayyo qonccibeennaagee aibee giikko, Kiristtoosi inttenan de7iyoogaa; hegaa giyoogee Xoossaa bonchchuwaa aara intte ekkanaagaa.