Iyyooba Maxaafaa 11:15 - Wolaytta Bible

¹⁵ yaatikko, neeni xoqqu gaada yeellai bainnan ubbabaa xeellana; yashshiyaabi bainnankka minnada eqqana.

Iyyooba Maxaafaa 11:15 ပူးပေါင်းရင်းမြစ်များ

Doomettaabaa 4:7

Neeni lo77obaa oottiyaabaa gidiyaakko, ne som77oi pashkkennee? SHin neeni lo77obaa oottana xayikko, nagarai do7adan ne penggen zuggees; i nena haarana koyees; shin neeni a xoonana bessees” yaagiis.

Iyyooba Maxaafaa 10:15

Taani mooranchcha gidikko, taayyo aayye7ana! Qassi taani xillo gidiyaakkokka, ta huuphiyaa pude xoqqu oottanau danddayikke. Aissi giikko, neeni tana yeellan kuntta wottadasanne tuggan mattoya wottadasa.

Iyyooba Maxaafaa 22:26

“Hegaappe guyyiyan, neeni Ubbaa Danddayiya Xoossan tumu ufaittana; ufaittada yeellatenna Xoossaakko pude xeellana.

Mazamure Maxaafaa 27:1

GODAI taayyo poo7onne tana ashshiyaagaa; yaatin, taani ooyyo yayyanee? GODAI ta de7oi naagettiyo miixaa; yaatin, taani ooyyo dagammanee?

Mazamure Maxaafaa 27:3

Morkkiya toorai tana dooddiyaakkokka ta wozanai yayyenna. Olai ta bolli woraajjiyaakkokka, taani GODAN ammanettais.

Mazamure Maxaafaa 46:1

Xoossai nuuni naagetti attiyo sohonne nuuyyo wolqqa. Nuna metoi gakkiyo wode, maaddanau i ubbaton matan de7ees.

Mazamure Maxaafaa 46:2

Hegaa gishshau, biittai qaaxxiyaakkokka, woi dereti abban kunddiyaakkokka, nuuni yayyokko.

Leemiso Maxaafaa 14:26

GODAASSI yayyiya urau mino qatoi de7ees. I a naatussikka baqatidi attiyo soho gidana.

Leemiso Maxaafaa 28:1

Iitati ooninne yedettennan baqatoosona; shin xilloti gaammo mala xala.

Naa77antto Qoronttoosa 1:12

Nuuni ceeqettiyoogee hagaa; ha sa7an nuuni de7iyo de7oi, ubba qassi inttenaara nuuyyo de7iya issippetettai Xoossaa aaro kehatettaanappe attin, asa aadhdhida eratettaana gidennaagaa, qassi Xoossai immido geeshshatettaaninne suuretettan nuuni de7iyoogaa nuna zoriya wozanai nuuyyo markkattees.

Koiro Ximootiyoosa 2:8

Hegaa gishshau, ubbasan de7iya attumaasai hanqqoinne palami bainnan, ba geeshsha kushiyaa pude denttidi, Xoossaa woossanaadan, taani koyais.

Koiro Yohaannisa 2:28

Ta naatoo, qassi i qoncciyo wode, nuuni yashshi bainnaageeta gidanaadaaninne, a yuussaa gallassi a sinttan nuuni yeellatennaadan, aani de7ite.