Iyyooba Maxaafaa 11:12 - Wolaytta Bible

¹² Eeyya asai aadhdhida eranchcha gidiyoogaappe harddiidiyaa asa yeliyoogee matees.

Iyyooba Maxaafaa 11:12 ပူးပေါင်းရင်းမြစ်များ

Iyyooba Maxaafaa 15:14

Asi Xoossaa sinttan geeshsha gidanau danddayii? Woikko maccaasappe yelettida asi xillo gidanau danddayii?

Iyyooba Maxaafaa 28:28

Hegaappe guyyiyan, Xoossai asaassi odiiddi, 'Xoossaassi yayyiyoogee aadhdhida eratetta; iitaappe haakkiyoogeekka akeeka' yaagees” yaagiis.

Iyyooba Maxaafaa 5:13

Aadhdhida eranchchata i eta geniyan oiqqees; geellatu maqquwaakka aatti yeggees.

Iyyooba Maxaafaa 6:5

Haree maatai a sinttan de7ishin caaggiiyye? Woikko boorai phachchaa demmidi xaaggiiyye?

Mazamure Maxaafaa 144:4

Asi issiton carkkiya carkko mala; a gallassatikka aadhdhiya kuwaa mala.

Mazamure Maxaafaa 39:11

Neeni asa a nagaraa gishshau, seeraasanne qaxxayaasa; a al77obaakka bil77aadan wurssaasa. Tumaappe asi ubbi issiton shemppiyo carkko mala.

Mazamure Maxaafaa 39:5

Neeni ta laittaa qii takkaaro kessadasa. Ta baree ne sinttan bainnabaa mala; tumaappe asi ubbi issiton shemppiyo carkko mala.

Mazamure Maxaafaa 51:5

Taani yelettoosappekka tumu nagaranchcha; ta aayee uluwan biron attiyo wodeesappe doommadakka taani nagaranchcha.

Mazamure Maxaafaa 73:22

ainne akeekennan dammaas; taani ne sinttan miizza mala gidaas.

Mazamure Maxaafaa 92:6

Eeyya asi eranau danddayenna; damma asikka akeekanau danddayenna.

Eranchchaa Maxaafaa 1:2

He eranchchai, “Ubbabaikka hada; qassi ubbabaikka hadaappe aadhdhida hada; ubbabaikka muleera hada” yaagiis.

Eranchchaa Maxaafaa 11:10

Hegaa gishshau, simmi ne wozanaappe hirggaa, ne bollaappekka seelaa diggargga. Aissi giikko, naatettainne yelagatettai hada.

Eranchchaa Maxaafaa 3:18

Qassi taani ta wozanan, “Asai do7atuppe kehennaagaa eta bessanau, Xoossai eta paaccees” yaagaas.

Ermmaasa 2:24

Neeni bazzuwaa meezetida, ba ziitaa wode carkkuwaa singgettiya haree mala. A birassau eqqaichchin, ooni o teqqanau danddayii? O ziittiya ai wodala hareenne daafurenna; i i ceggenan o demmi aggees.

Roome 1:22

Eti banttana aadhdhida eranchcha goosona; shin eti eeyya.

Roome 12:16

asa ubbau issi mala qofaa qoppite; oottiyoobaa ubban inttena toochchidi de7iteppe attin, otorettoppite; inttena intte huuphen aadhdhida eranchcha giidi qoppoppite.

Efisoona 2:3

Nuunikka qassi ubbai he asaa mala; qassi nuuni nu meretettaa amuwaadan de7ida; nu asatettainne nu wozanai koyidobaa oottida. Nuunikka haratuugaadan, nu meretan Xoossaa hanqquwaa ekkanau de7oos.

Yaaqooba 2:20

Neeni eeyyai! Ammanoi oosuwaappe shaahettidi go77ennaagaa eranau koyai?