Iyyooba Maxaafaa 10:8 - Wolaytta Bible

⁸ “Tana ne kushee giigissidi medhdhiis; shin ha77i he kushee simmidi, tana xaissees.

Iyyooba Maxaafaa 10:8 ပူးပေါင်းရင်းမြစ်များ

Iyyooba Maxaafaa 10:3

Neeni tana huqqunnanau bessii? Neeni ne kushiyan medhdhido uraa kariyoogee, qassi iitatu halchchuwaa polissiyoogee lo77oo?

Iyyooba Maxaafaa 13:19

“Abeet Xoossau, neeni tana mootanau yai? Neeni tana mooranchcha kessikko, taani co77u gaada haiqqana.

Iyyooba Maxaafaa 30:23

Asau ubbau wurssetta gidida haiquwau neeni tana aattada immiyoogaa taani erais.

Iyyooba Maxaafaa 9:17

I tana gotiyan mentterettees; gaasoi bainnan i ta masunttaa darissees.

Iyyooba Maxaafaa 9:22

Dummatetti baawa; hegaa gishshau, taani, 'I boree bainnaageetanne iitata naa77aakka issippe xaissees' yaagais.

Mazamure Maxaafaa 100:3

GODAI Xoossaa gidiyoogaa erite; nuna medhdhidaagee a; nuuni aageeta. Nuuni a asatanne a qooruwan de7iya dorssata.

Mazamure Maxaafaa 119:73

Tana ne kushee medhdhiisinne giigissiis. Ne azazuwaa taani tamaarana mala, taayyo akeekaa imma.

Mazamure Maxaafaa 138:8

GODAI taassi giidi qoppidoogaa polana; abeet GODAU, aggenna ne siiqoi merinaagaa. Ne kushe oosuwaa yegga aggoppa.

Mazamure Maxaafaa 139:15

Taani geema sohuwan merettiyo wode, ta meqettati neeppe geemmibookkona. Ta bollai ta aayee uluwaa ciimmaa giddon hiillan alleeqettidi oosettiyo wode,

Mazamure Maxaafaa 139:16

yelettibeenna ta bollaa ne aifee be7iis. Biron issoinne doomettennan de7iiddi, taayyo neeni bazzido gallassati ubbati ne mazggafan xaafettidosona.

Mazamure Maxaafaa 33:15

I eta ubbaa wozanaa medhdhees; eti oottiyoobaa ubbaa erees.