Isiyaasa 63:7 - Wolaytta Bible

⁷ GODAI nuussi oottido ooso ubbaa gishshatau, GODAA aggenna siiquwaanne a galataa taani yootana; ee, ba maarotaaninne ba kehatettaa daruwan Israa7eela asaassi i immido cora lo77obaa taani yootana.

Isiyaasa 63:7 ပူးပေါင်းရင်းမြစ်များ

Kawotu Maxaafaa Koiruwaa 8:66

Wonttetta gallassi kawoi asaa moissiis; asai kawuwaa anjjidi, GODAI ba ashkkaraa Daawitayyoonne ba asaa Israa7eelayyo oottido kehatettan ufaittiiddinne wozanappe pashkkiiddi, ba soo ba soo biis.

Hanidabaa Odiya Naa77antto Maxaafaa 7:10

Hegaappe guyyiyan, Solomoni laappuntta aginan, laatamanne heezzantto gallassi asaa moissiis; GODAI Daawitayyo, Solomonayyoonne ba asaa Israa7eelayyo oottido kehatettan asai ufaittiiddinne wozanappe pashkkiiddi, ba soo ba soo biis.

Nahimiyaa Maxaafaa 9:25

Qassi eti yuushoi gimbbettido katamatanne aradda biittaa xoonidi ekkidosona; qassikka lo77obai ubbai kumido keettata, bookettida haatta ollata, woiniyaa turaa sohota, wogaratanne hara aifiyaa immiya daro mittata laattidosona. Hegaappe miidi kallidi orddidosona; ne gita kehatettan eti ufaittidosona.

Nahimiyaa Maxaafaa 9:27

Hegaappe denddidaagan eta un77ettiya morkketu kushiyan aatta immadasa; immin morkketi eta un77ettido wode neekko waassidosona. Eta waasuwaa saluwan gidada siyadasa; siyada ne maarotettaa daruwaadankka, eta eta morkketu kushiyaappe ashshiyaageeta kiittadasa.

Nahimiyaa Maxaafaa 9:31

SHin neeni kehanne maariya Xoossaa gidiyo gishshau, ne gita maarotettan eta muleera aggabaakkanne xaissabaakka.

Nahimiyaa Maxaafaa 9:35

Neeni eta kawotettan etayyo gita anjjuwaa immadasa; qassi aahonne mokkiya biittaakka etayyo immadasa; shin eti neeyyo goinnibookkonanne bantta iita oosuwaappe simmibookkona.

Mazamure Maxaafaa 103:2

Tanooshsho, GODAA galata! I neeyyo oottido kehatettaa ubbaa dogoppa.

Mazamure Maxaafaa 107:15

Aggenna a siiquwaayyoonne i asaassi oottido maalaalissiyaabaayyo eti GODAA galatona.

Mazamure Maxaafaa 107:21

Aggenna a siiquwaayyoonne i asaassi oottido maalaalissiyaabaayyo eti GODAA galatona.

Mazamure Maxaafaa 107:31

Aggenna a siiquwaayyoonne i asaassi oottido maalaalissiyaabaayyo eti GODAA galatona.

Mazamure Maxaafaa 107:8

Aggenna a siiquwaayyoonne i asaassi oottido maalaalissiyaabaayyo eti GODAA galatona.

Mazamure Maxaafaa 145:7

Eti ne kehatettaa daruwaabaa yootana; ne xillotettaabaakka yexxana.

Mazamure Maxaafaa 25:6

Abeet GODAU, beniisappe de7iya ne maarotaanne aggenna ne siiquwaa hassaya.

Mazamure Maxaafaa 51:1

Abeet Xoossau, aggenna ne siiquwaadan tana maara; ne qaretaa daruwaadan ta mooruwaa qucca.

Mazamure Maxaafaa 63:3

Aggenna ne siiqoi de7uwaappe lo77iyo gishshau, ta inxxarssai nena bonchchana.

Mazamure Maxaafaa 86:15

SHin abeet Godau, neeni qarettiyanne maariya Xoossaa; hanqqettanau gam77iyaagaa; aggenna siiqoinne ammanettiyoobai dariyoogaa.

Mazamure Maxaafaa 86:5

Abeet Godau, neeni kehanne atto giyaagaa; nena xeegiya ubbaayyo aggenna ne siiqoi dariyoogaa.

Mazamure Maxaafaa 92:2

Tammu baqettan waaxettida diittaanne maazinqqiyaa diixxiiddi, maallado aggenna siiquwaa, qammi neeni ammanettiyaagaa gidiyoogaa awaajjiyoogee lo77o.

Kessaabaa 18:9

Israa7eela asaa Gibxxetu kushiyaappe ashshanau GODAI oottido lo77o oosotubaa siyidi, Yatiroi ufaittiis.

Isiyaasa 26:13

Abeet GODAU, nu Xoossau, neeppe harati nuna haaridosona; shin nuuni ne sunttaa xalaalaa bonchchoos.

Isiyaasa 51:2

Intte aawaa Abrahaamakkonne inttena yelida Saarikko xeellite. I barkka de7ishin, taani a xeesaas; xeesada anjjaasinne qoodan corayaas.

Isiyaasa 54:7

“Issi guutta wodiyau taani nena aggaas; shin gita maarotan nena taani shiishshana.

Isiyaasa 54:8

Suulliya hanqquwan, taani ta sinttaa neeppe guutta wodiyau genttaas; shin merinaa siiquwan taani neeyyo qarettana” yaagees. GODAI, nena Woziyaagee hagaa odees.

Isiyaasa 55:7

Iitai ba oosuwaa, nagaranchchaikka ba qofaa aggo; GODAAKKO i simmo. Simmin i a maarana. I nu Xoossaakko simmo. Simmin i ayyo coo atto gaana.

Isiyaasa 64:5

Xillotettaa ufaittidi oottiyaageetanne ne ogiyan nena hassayiyaageeta neeni gakkada maaddaasa. Be7a, neeni hanqqettadasa; shin nagaraa oottiyoogaa aggibookko. Nuuni nagaraa oottiiddi, adussa wodiyaa de7ida; yaatin, nuuni waanidi attanee?

Ermmaasa Zilaassaa 3:32

issi wode azzanuwaa ehiikkonne, i ba aggenna siiquwaa daruwaadan qarettees.

Hoose7a 2:19

“Taani nena merinau taassi giigissana; giigissaidda xillotettaaninne suure pirddan, aggenna siiquwaaninne maarotan taassi giigissana;

Zakkaariyaasa 9:17

Ee, eti waanida lo77onne puulanchcha gidanddonaashsha! Wodalla naata kattai, geela7o naatakka woine eessai anqqarissana.

Maatiyoosa 7:11

Intte iita gidiiddi, intte naatussi lo77obaa immiyoogaa erikko, yaatin, saluwan de7iya intte Aawai bana woossiyaageetussi lo77obaa waati darissidi immanddeeshsha!

Roome 2:4

Woikko Xoossaa kehatettaa, genccaa, danddayaanne duretettaa karaishsha? Xoossai nena nagaraappe zaaranau koyiyo gishshau, i keha gidiyoogaa neeni eraasa.

Roome 5:20

Mooro oosuwaa darissanau, higgee yiis; shin nagarai darido wode Xoossaa aaro kehatettai keehi dariis;

Efisoona 2:4

SHin Xoossaa maarotettai daro gidiyo gishshau, ba siiquwaa daruwaadan,

Koiro Ximootiyoosa 1:14

Qassi nu Godai zawai bainna ba aaro kehatettaa ta bollan gussidi, Kiristtoos Yesuusa baggaara nubaa gidiya ammanuwaanne siiquwaa taayyo immiis.