Isiyaasa 62:6 - Wolaytta Bible

^6-7 Nenoo Yerusalaamee, ne dirssaa gimbbiyaa bollan wochchiyaageeta taani wottaas; eti gallassikka qammikka co77u gookkona. Inttenoo, Yerusalaamebaa GODAA hassayissiyaageetoo, i Yerusalaame keexxana gakkanaashiininne biittaa ubbaa bollan nashettida katama oottana gakkanaashin, intteyyookka shemppoppite; akka shemppissoppite.

Isiyaasa 62:6 ပူးပေါင်းရင်းမြစ်များ

Doomettaabaa 32:12

SHin neeni tana, 'Taani neeyyo tumu lo77obaa oottana; taani ne zerettaanne qoodanau danddayettenna abbaa shafiyaa keena oottana' giidoogaa qoppa” yaagiis.

Doomettaabaa 32:26

Yaatin bitanee a, “Sa7ai wonttido gishshau, tana yedda” yaagiis. SHin Yaaqoobi a, “Neeni tana anjjennan taani nena yeddikke” yaagiis.

Hanidabaa Odiya Naa77antto Maxaafaa 8:14

A aawai Daawiti kase azazidoogaadan, qeeseta eta oosuwan oosuwan shaakkidi sunttiis; qassi gallassi gallassi mazamuriyan sabbanaunne qeeseta maaddanau Leewata shaakkidi sunttiis. Qassikka Xoossaa asa gidida Daawiti azazidoogaadan, pengge ubbaa kayan kayan naaganaadan penggiyaa naagiyaageeta shaakkidi sunttiis.

Mazamure Maxaafaa 122:7

Ne gimbbetu giddon saroi de7o! Ne qatotakka bochchiyaabai xayo!” yaagidi woossite.

Mazamure Maxaafaa 74:18

SHin abeet GODAU, ne morkketi nena waati qilliiccidaakko, qassi eeyya asati ne sunttaa waati cayidaakko hassaya.

Mazamure Maxaafaa 74:2

Neeni beni doorido asaa, neeni neeyyo buzo oottada wozido zareta hassaya. Neeni de7ido Xiyoone Deriyaa qoppa.

Siiquwaa Sabaa 3:3

Katamaa yuuyi naagiyaageeti tana demmidosona; taanikka, 'Ta siiquwaa be7idetii?' yaagada eta oichchaas.

Siiquwaa Sabaa 5:7

“Yuuyidi katamaa naagiyaageeti tana demmidi, wadhdhidosonanne masunxxissidosona; katamaa dirssaa naagiyaageeti ta qumaashaa qaari ekkidosona.

Isiyaasa 43:26

Tana hassayissa; ane issippe ha yohuwaa mootettoos. Neeni xillo gidiyoogaa be7anau ane ne yohuwaa bidda.

Isiyaasa 49:16

Be7a, taani nena ta kushiyaa gomppan xaafa wottaas; ne dirssaa gimbbetikka ubbatoo ta sinttan de7oosona.

Isiyaasa 52:8

Siyite, intte katamaa naagiyaageeti bantta qaalaa xoqqu oottidi, ufaissau issippe yexxoosona; GODAI Xiyoone simmiyo wode, a simettaa eti bantta aifiyan be7ana.

Isiyaasa 56:10

Israa7eela asaa naagiyaageeti qooqe; etau ubbaukka eri baawa. Eti ubbaikka boccanau danddayenna duude kanatu mala. Eti zin77idi aimottoosona; eti xiskko dosoosona.

Isiyaasa 62:1

Xiyoone gishshau, taani co77u giikke; Yerusalaame xillotettai gita poo7uwaadan, i atotettaikka eexxiya xomppiyaadan poo7ana gakkanaashin, taani co77u giikke.

Ermmaasa 14:21

Nuna ne sunttaa gishshau karoppa; ne bonchcho araatai de7iyo Yerusalaame kaushshoppa. Neeni nunaara maacettido maachchaa hassaya; ne maachchaa kanttoppa.

Ermmaasa 6:17

Taani naagiyaageeta intte bolli sunttada, 'Malkkatai punettiyo wode siyite!' yaagada odaas. SHin intte, 'Nuuni siyokko' yaagideta.

Ermmaasa Zilaassaa 5:1

Abeet GODAU, nu bolli gakkidabaa ubbaa hassaya; nuna xeella; nu kaushshaakka be7a!

Ermmaasa Zilaassaa 5:20

Neeni nuna aissi ubba wode dogai? Qassi hagaa keena adussa wodiyaa nuna aissi aggai?

Luqaasa 18:39

Sinttan de7iyaageeti a, “Haizza!” giidi hanqqettidosona; shin i ba qaalaa kaseegaappekka keehi xoqqu oottidi, “Daawita na7au, tana maararkkii!” yaagiis.

Yesuusi Kiittidoogeetu Oosuwaa 10:31

tana, ‘Qornneliyoosaa, Xoossai ne woosaa siyiis; neeni hiyyeesaa maaddiyoogaakka hassayiis.

Yesuusi Kiittidoogeetu Oosuwaa 10:4

Qornneliyoosi yayyidi, kiitanchchaa tishshi ootti xeellidi, “Ta Godau, i aibee?” yaagiis. Yaagin kiitanchchai zaaridi, hagaadan yaagiis; “Ne woosainne neeni hiyyeesaa maaddiyoogee Xoossaa sinttan hassayettanau saluwaa biis.

Koiro Qoronttoosa 12:28

Xoossai woosa keettan issi issi asata, koiruwan Yesuusi kiittidoogeeta, naa77anttuwan hananabaa yootiyaageeta, heezzanttuwan tamaarissiyaageeta, hegaappe guyyiyan, Xoossai oottiyo malaataa oottiyaageeta, hegaappe guyyiyan, pattiyo wolqqai de7iyoogeeta, maaddiyaageeta, woosa keettaa aissiyaageetanne, dumma dumma qaalan haasayiyaageeta oottiis.

Koiro Tasalonqqe 5:17

Ubba wode Xoossaa woossite.

Ibraawe 13:17

Inttena kaalettiyaageetuyyo azazettite; qassi eti azaziyoogaakka oottite. Eti bantta oottidobaa Xoossau yootana gishshau, intte shemppuwaa mintti naagoosona; intte etau azazettikko, bantta oosuwaa ufaittidi oottana; hegee xayikko, eti yiillotiiddi oottana; hegee inttena ainne maaddenna.

Ajjuutaa 6:10

Eti bantta qaalaa xoqqu oottidi, “Ubbaa Haariya Godau, geeshshau, tumanchchau, sa7an de7iya asaa bolli aude pirdduutee? Qassi nu suuttaa aude achchuutee?” yaagidosona.