Isiyaasa 60:18 - Wolaytta Bible

¹⁸ Hagaappe guyyiyan, sugetta oosoi ne biittan siyettenna; ne zawankka laalettainne bashshai siyettenna. Neeni ne dirssaa gimbbiyaa, 'Atotettaa,' ne penggetakka, 'Galataa' yaagada xeesana.

Isiyaasa 60:18 ပူးပေါင်းရင်းမြစ်များ

Sameela Maxaafaa Naa77anttuwaa 7:10

Qassi taani ta asaassi Israa7eelassi soho immada, eta he sohuwan tokkana. Hegaa gishshau, eti bantta sohuwan de7ana; naa77antto eti shabbirettokkona. Beni wodiyaaninne ta asaa Israa7eela bolli daannatiyaageeta taani sunttido wodiyaadan, iitati eta zaarettidi naaqqokkona. Qassi taani nena ne morkketu ubbaappe shemppissana. “'“Hegaa bollankka GODAI ba huuphen ne zareti de7i be7anaadan oottanaagaa neessi yootees.

Mazamure Maxaafaa 147:14

I ne zawaa sarotettan naagees; nena keehippe lo77iya gisttiyaa kalssees.

Isiyaasa 11:9

Ta geeshsha deriyan ooninne qohettenna, woikko bayenna; aissi giikko, abbai haattan kumiyoogaadan, sa7ai GODAA eriyoogan kumana.

Isiyaasa 2:4

Kawotettatuppenne kawotettatuppe gidduwan i pirddananne daro asatu palamaa shaakkana. Eti bantta bisuwaa marasha, bantta tooraakka baaca kessanau qoxxana. Kawotettai kawotettaa bolli bisuwaa denttenna. Hegaappe guyyiyan eti mulekka olaa timirttiyaa tamaarokkona.

Isiyaasa 26:1

He gallassi Yihudaa biittan ha yettai yexettana. Nuuyyo mino katamai de7ees; Xoossai atotettaa a yuushuwan gimbbedaaninne qatodan essees.

Isiyaasa 26:2

Ammanuwaa naagiya xillo kawotettai gelana mala, kareta dooyite.

Isiyaasa 51:19

Dakko daro bashshai ne bollan gakkiis; yaatin, nena oonee minttanau danddayiyai? Hegeetikka kolettaa, bashshaanne bisuwaa. Yaatin, taani nena waatada minttettanee?

Isiyaasa 54:14

Neeni xillotettan minnada eqqana; sugettainne huqqunnai neeppe haakkana. Neeni aibaassikka yayyakka; dagamaikka neekko shiiqenna.

Isiyaasa 56:5

etassi taani ta Beeta Maqidasiyaa giddooninne ta dirssaa gimbbiyaa giddon, eti hassayettiyoobaa immana. Macca naatuppenne attuma naatuppe lo77iya sunttaa taani etau immana; taani etau merinau xayenna sunttaa immana.

Isiyaasa 60:11

Ne penggeti ubbatoo dooya de7ana. Kawotettatu duretettaanne omoodettida kawota neekko ehaana mala, gallassikka qammikka gorddettokkona.

Isiyaasa 60:17

Nahaasiyaa gishshaa worqqaa, birataa gishshaakka biraa, mittaa gishshaa nahaasiyaa, shuchchaa gishshaa birataa taani neeyyo ehaana. Taani nena haariyaageeta saro, ne halaqatakka xillo oottana.

Isiyaasa 61:11

Biittai carshshaa mokkiyoogaadaaninne ataakilttiyaa sohoikka tokkidobaa dichchiyoogaadan, hegaadankka, Ubbaa Haariya GODAI xillotettaanne galataa kawotetta ubbaa sinttan caarissana.

Isiyaasa 62:10

Aadhdhite! Penggiyaara kiyidi biite! Asaayyo ogiyaa kessite! Kessite, wogga ogiyaa kessite! SHuchchatakka diggite; kawotettati ogiyaa demmana mala, banddiraa essite.

Isiyaasa 62:4

Hagaappe sinttanau neeni, “Dogetta attidaaro” geetettakka. Qassi ne biittiyaakka, “Xontta attidaaro” geetettukku. SHin neeni, “Ta ufaissai in de7iyooro,” ne biittiyaakka, “Azinaa gelidaaro” geetettana. Aissi giikko, GODAI nenan ufaittana; ne biitteessikka i azina mala gidana.

Hizqqeela 42:20

Hegaadan oottidi, i oiddu baggatakka likkiis. A yuushuwan 500 wara aduqqidi, 500 wara aakkiya dirssaa gimbbee de7ees. He gimbbee geeshsha sohuwaa hankko coo sohuwaappe shaakkanaassa.

Mikiyaasa 4:3

I daro asatu gidduwan pirddana; haahuwan de7iya mino kawotettatu palamaakka shaakkana. Eti bantta bisuwaa marasha, bantta tooraakka baaca kessanau qoxxana; kawotettai kawotettaa bolli bisuwaa denttenna. Hagaappe guyyiyan, eti muleera olaa timirttiyaa tamaarokkona.

Sofonaasa 3:19

Be7a, he wode taani nena huqqunnidaageeta ubbaa qaxxayana. Taani wobbeta ashshana; laalettidaageetakka shiishshana. Taani eta kaushshaa bonchchuwau laammana; yaatobare sa7an de7iya asa ubbaa matan eta sunttai erettidaagaa gidana.

Zakkaariyaasa 2:9

Be7ite, taani ta kushiyaa eta bollan wuxaawuxana; qassi etikka kase bantta ashkkaratun omoodettana” yaagiis. He wode intte Ubbaappe Wolqqaama GODAI tana kiittidoogaa erana.

Zakkaariyaasa 9:8

Hegaappe guyyiyan, olanchchati kanttennaadan, taani ta Beeta Maqidasiyaa naagana. Taani ta huuphen naagiyo gishshau, naa77antto ooninne ta asaa huqqunnenna” yaagees.