Isiyaasa 59:6 - Wolaytta Bible

⁶ Eti keexxido shararoote keettai maayanau eta go77enna. Eti bantta medhdhidoogan banttana kammokkona. Eta oosoi iita ooso; makkala oosoi eta kushiyan de7ees.

Isiyaasa 59:6 ပူးပေါင်းရင်းမြစ်များ

Doomettaabaa 6:11

He wode biittai sa7ai Xoossaa sinttan tuniis; sa7ai ubbai makkalan kumiis.

Iyyooba Maxaafaa 16:17

SHin ha ubbankka taani mooridobi baawa; ta woosaikka geeshsha.

Mazamure Maxaafaa 55:11

Bashshai a giddon de7ees; naaqoikka cimoikka a gutaraappe shaahettenna.

Mazamure Maxaafaa 58:2

CHii, intte wozanan iitabaa halchcheeta; biittan intte kushee makkalabaa oottiis.

Isiyaasa 30:1

GODAI hagaadan yaagees; “Makkalanchcha naatussi aayye7ana! Taani halchchabeennabaa oottiyaageetussi, ta Ayyaanaappe gidenna exaa banttau giigissiyaageetussi, nagaraa nagaraa bolli gujjiyaageetussi aayye7ana.

Isiyaasa 5:7

Ubbaappe Wolqqaama GODAA woiniyaa turaa sohoi Israa7eela asaa. Yihudaa asai i ufaittiyo darkkuwaa. Eti suure pirddoosona giidi naagiis; shin suuttaa gussidosona. Xillotettaa oottoosona giidi naagiis; shin waaso gidiis.

Isiyaasa 57:12

Taani intte xillotettaanne intte oosota awaajjana; shin inttena ainne go77okkona.

Isiyaasa 58:4

Be7ite, intte ooshshaunne waretau xoomeeta; qassi meqetti bainna deshettaa dechchanau xoomeeta. Hachchi intte xoomiyo hagaa mala xoomai, intte qaalai bollan siyettanaadan oottenna.

Isiyaasa 64:6

Nuuni ubbaikka tuna asa gidida; nu xillotetta ooso ubbaikka qita curqqa mala. Nuuni ubbaikka bonccodan shullida; nu nagarai nuna carkkodan, pittidi efiis.

Ermmaasa 6:7

Ollai ba haattaa pulttiyoogaadan, ikka ba iitatettaa pulttees. Makkalabainne bashshabai a giddon siyettees. Muletoo a sahoinne masunttai ta sinttan beettees.

Hizqqeela 18:12

i hiyyeesaanne manqquwaa huqqunnees; i asabaa bonqqees; acuwaassi oiqqidobaa zaarenna; eeqaukka goinnees; tunabaakka oottees;

Hizqqeela 7:11

Makkalaa gaasuwan iita oosoi dariis; etappe, woikko eta coratettaappe, woikko eta duretettaappe, woikko eta bonchchuwaappe attanabi baawa.

Hizqqeela 7:23

“'Biittai ubbai suuttaa gussiyaageetun kumido gishshaunne katamaikka makkala oosuwan kumido gishshau, sanssalataa giigissa.

Hizqqeela 9:9

I zaaridi, taayyo hagaadan yaagiis; “Israa7eelanne Yihudaa nagarai keehi dariis; biitta ubban suuttaa gussiyaageeti kumidosona; qassi katama ubban tumu pirddaa geellayiyaageeti kumidosona. Aissi giikko, asai, 'GODAI ha biittaa aggiis; GODAI be7enna' yaagoosona.

Amoxa 3:10

GODAI hagaadan yaagees; “Ha asati sittabaa oottiyoogaa erokkona; sugettaaninne bonqqidi ehiido miishshan bantta keettaa kuntti wottidosona” yaagees.

Amoxa 6:3

Inttenoo, iita gallassai eesuwan yeenna giidi, sugetta oosuwaa oottiyaageetoo,

Mikiyaasa 2:8

SHin mata wodiyaappe doommidi, ta asai issoi issuwaa bolli morkkedan denddiis. Intte saro asatu maayuwaa, ola qofi mulekka bainnan ammanettidi kanttiya asatu maayuwaa qaari ekkeeta;

Mikiyaasa 6:12

He katamaa dureti makkalan kumidaageeta; an de7iya asai ubbai worddanchcha. Eta doonaa giddon de7iya eta inxxarssaikka ba huuphiyau geella.

Sofonaasa 1:9

He gallassi allaga biittaa asatudan, eeqau goinniyaageetanne bantta godaa keettaa makkalaaninne cimuwan kunttiyaageeta taani qaxxayana” yaagees.

Sofonaasa 3:1

Makkalanchchaassi, tunidaagaassinne ba asaa tuggayida Yerusalaame katamaassi aayye7ana!

Milkkiyaasa 2:16

Aissi giikko, “Taani GODAI, Israa7eela Xoossai, azinai ba machchiyo yeddiyoogaa ixxais; hegee iitabaa” yaagees. Hegaa gishshau, Ubbaappe Wolqqaama GODAI, “Intte machcheera machcheera maacettido maachchaassi ammanettennaageeta gidennaadan naagettite” yaagees.