Isiyaasa 59:21 - Wolaytta Bible

²¹ Qassikka GODAI hagaadan yaagees; “Tana gidikko, taani etaara maacettiyo maachchai hagaa: intte bollan de7iya ta Ayyaanainne taani intte doonan wottido ta qaalai hachchippe doommidi, merinaa gakkanaashin, intte doonaappe, intte naatu doonaappenne intte naatu naatu doonaappe shaahettenna. Taani GODAI hagaa odais” yaagees.

Isiyaasa 59:21 ပူးပေါင်းရင်းမြစ်များ

Mazamure Maxaafaa 119:43

Taani ne pirddan ufaissaa oottiyo gishshau, ta inxxarssaappe tumatettaa qaalaa xaissoppa.

Kessaabaa 4:15

Neeni, 'Yaaga; yaaga' gaada ayyo odana; taani inttena naa77aakka haasayana maaddananne intte oottanabaa tamaarissana.

Leemiso Maxaafaa 7:3

Hassayissiyaabaadan eta ne biradhdhetun qachcha; ne wozanankka xaafa.

Isiyaasa 32:15

Hegeenne, bolla xoqqaappe nu bolli ayyaanai gukkana gakkanaassa, mela bazzoi araddana gakkanaassanne aradda biittaikka wora gidiis geetettidi qofettana gakkanaassa.

Isiyaasa 40:8

Maatai melees; ciishshaikka qoqqofettees; shin nu Xoossaa qaalai merinau eqqidi de7ees” yaagada waassa.

Isiyaasa 42:1

Taani kaafada oikkido ta ashkkarai, ta shemppoi an ufaittiyoogee, taani dooridoogee hageeho. Taani ta Ayyaanaa a bolli wottaas; i kawotettatussi suure pirddaa ehaana.

Isiyaasa 44:3

Taani saamettida biittan haattaa gussana; mela biittankka pulttuwaa gogissana. Taani ta Ayyaanaa ne naatu bolli, ta anjjuwaakka ne zerettatu bolli gussana.

Isiyaasa 49:8

GODAI hagaadan yaagees; “Taani doorido wodiyan ne oishaa zaaraas. Atotettaa gallassi taani nena maaddaas. Taani nena naagana; neeni biittaa zaarettada essana mala, asi de7enna biittatakka neeni laatissana mala, taani nena asaayyo maachcha oottada immaas.

Isiyaasa 51:16

Salota miccanaadan, biittaa baasuwaakka baasanaadan, qassi Xiyoone, 'Neeni ta asa' gaanaadan, taani ta qaalaa ne doonan wottaas; ta kushiyaa kuwan taani nena genttaas” yaagees.

Isiyaasa 55:11

ta doonaappe kiyiya qaalaikka hegaa mala. I taani halchchidoogaa polana; qassi kiittidoogaa oottanaappe attin, taakko coo simmenna.

Isiyaasa 55:3

“Ta asau, siyite; taakko haa yiite. SHemppoora paxa de7ana giikko, taani yootiyoogaa siyite. Taani inttenaara merinaa maachchaa maacettana. Taani anjjana gaada Daawita anjjidoogaadan, inttenakka anjjana.

Isiyaasa 57:19

Israa7eela biittan yeekkiyaageetu menttershshan galataa wottana. Haahuwaaninne matan de7iyaageetussi saroi gido. Taani eta pattana” yaagees.

Isiyaasa 66:22

Qassikka GODAI hagaadan yaagees; “Taani medhdhiyo ooratta salotinne ooratta sa7ai ta sinttan minnidi de7iyoogaadan, hegaadankka, intte zerettainne intte sunttai minnidi de7ana.

Ermmaasa 1:9

GODAI ba kushiyaa yeddidi, ta doonaa bochchiis. Bochchidi, “Be7a; taani ta qaalaa ne doonan wottaas.

Yohaannisa 1:33

Taani a erikke; shin haattan xammaqanau tana kiittidaagee, ‘Geeshsha Ayyaanai wodhdhidi, issi asa bolli uttishin, neeni be7ana; Geeshsha Ayyaanan xammaqanaagee a’ yaagidi taayyo yootiis.

Yohaannisa 17:8

Aissi giikko, neeni tau immido qaalaa taani etau immaas; etikka he qaalaa ekkidosona. Taani ne matappe yiidoogee tuma gidiyoogaa eroosona; eridi neeni tana kiittidoogaakka ammanidosona.

Yohaannisa 3:34

Xoossai kiittidoogee Xoossaa qaalaa yootees; aissi giikko, Xoossai ba Geeshsha Ayyaanaa palahissidi immees.

Yohaannisa 4:14

SHin taani immana haattaa uyiya ooninne mulekka saamettenna. Taani immana haattai he aawu giddon merinaa de7uwau pulttiya pultto gidana” yaagiis.

Yohaannisa 7:39

I hegaa a ammanidaageeti ekkana Geeshsha Ayyaanaabaa haasayiis. Yesuusi biron bonchchettiichchibeenna gishshau, he wode Geeshsha Ayyaanai imettiichchibeenna.

Yohaannisa 8:38

Taani ta Aawai tana bessidoogaa haasayais; qassi inttekka intte aawaappe siyidoogaa ootteeta” yaagiis.

Roome 11:27

Taani eta nagaraa atto yaagiyo wode, etaara maacettana maachchai hagaa” yaagees.

Roome 8:9

SHin Xoossaa Ayyaanai inttenan de7ikko, Geeshsha Ayyaanai giyoogaadan de7eetappe attin, intte asatettai koyiyoogaadan de7ekketa. SHin ooninne Kiristtoosa Ayyaanai bainnaagaa gidikko, he urai Kiristtoosabaa gidenna.

Naa77antto Qoronttoosa 3:8

Geeshsha Ayyaanai oottiyo oosuwaa bonchchoi ai keenaa aadhdhanee?

Ibraawe 10:16

“Taani he gallassatuppe guyyiyan, etaara maacettiyo maachchai hagaa: Taani ta higgiyaa eta qofan wottana; qassi eta wozanankka xaafana” yaagees.