Isiyaasa 57:15 - Wolaytta Bible

¹⁵ Aissi giikko, merinau de7iyaagee, gitai, xoqqan de7iyaagee, a sunttaikka Geeshshaa geetettiyoogee, hagaadan yaagees; “Taani xoqqu giidanne geeshsha sohuwan de7ais; gidikkonne, bantta oottido nagarau azzanidi simmiyaageetuuranne banttana ziqqi oottiyaageetuura de7ais. Yaatada taani bantta oottido nagarau azzanidi simmiyaageetu ayyaanaanne banttana ziqqi oottiyaageetu wozanaa ooraxissais.

Isiyaasa 57:15 ပူးပေါင်းရင်းမြစ်များ

Doomettaabaa 21:33

Abrahaami Berssaabehan taamaariskki giyo mittaa tokkiis. Hegan GODAA, Merinaa Xoossaa, sunttaa xeesiis.

Kawotu Maxaafaa Koiruwaa 8:27

“SHin Xoossai tumu sa7an de7aneeyye? Be7a, saloti, ubbaappe xoqqan de7iya saloikka neeyyo gidanau danddayenna. Yaatin, ha taani keexxido Beeta Maqidasee neeyyo ai keenaa guuxxanddeeshsha!

Hanidabaa Odiya Naa77antto Maxaafaa 34:27

“Ha sohuwaa bollinne ha sohuwan de7iya asaa bolli Xoossai haasayidobaa neeni siyido wode, ne wozanai shuggin, ta sinttan ne huuphiyaa kaushshido gishshaunne ne maayuwaa pooshshada, ta sinttan yeekkido gishshau, taani ne woosaa siyaas.

Iyyooba Maxaafaa 22:29

Aissi giikko, Xoossai otorettiyaageeta kaushshees; shin banttana ziqqissiyaageeta ashshees.

Iyyooba Maxaafaa 6:10

Taani Geeshsha Xoossaa qaalaa kaddabeenna gishshau, taayyo seelai darikkonne, ta haiqoi tana minttettees.

Mazamure Maxaafaa 111:9

I ba asaa wozidi kessiis; i ba maachchaa etaara merinau wottiis. A sunttai geeshshanne, “Hoola!” giissiyaagaa.

Mazamure Maxaafaa 115:3

Nu Xoossai saluwaana; i ba dosidobaa aiba gidikkokka oottees.

Mazamure Maxaafaa 123:1

Nenoo, kawotaa araatan saluwan uttidaagoo, taani pude neekko xeellais.

Mazamure Maxaafaa 138:6

GODAI bolla xoqqan de7ikkokka, hiyyeesata keha aifiyan xeellees. SHin otoranchchata i haahuwan erees.

Mazamure Maxaafaa 138:7

Taani meto giddoora hemettikkokka, neeni tana saro ashshaasa. Ta morkketu hanqquwaa bolli ne kushiyaa miccaasa; ne ushachchan tana ashshaasa.

Mazamure Maxaafaa 147:3

Wozanai meqqidoogeeta i pattees; eta mazunttaakka i qachchees.

Mazamure Maxaafaa 34:18

GODAI wozanai me77idoogeetussi mataana; qassi bantta ayyaanan liiqidaageeta ashshees.

Mazamure Maxaafaa 34:19

Xillo asa metoi daro; shin GODAI a he ubbaappe ashshees.

Mazamure Maxaafaa 51:17

Xoossaayyo yarshshiyo yarshshoi meqqida wozanaa; abeet Xoossau, “Nagara oottennan aggarkkinaashsha” giya, meqqida wozanaa neeni karakka.

Mazamure Maxaafaa 51:19

He wode xillo yarshshuwan, xuuggiyo yarshshuwaaninne mehiyaa ashuwaa wurssi xuuggiyo yarshshuwan neeni ufaittana. Qassi korimati ne yarshshiyoosan yarshshettana.

Mazamure Maxaafaa 83:18

Ne xalaalai GODAA gidiyoogaa, ne Ubbaappe Xoqqiya Xoossai sa7aa ubbaa haariyoogaa eti erona.

Mazamure Maxaafaa 90:2

Dereti merettanaappe kase, woikko neeni sa7aa oottanaappe kase, merinaappe merinaa gakkanaayyookka neeni Xoossaa.

Mazamure Maxaafaa 93:2

Ne kawotaa araatai beniisappe eqqiis; neeni merinaasappe de7aasa.

Mazamure Maxaafaa 97:9

Abeet GODAU, neeni sa7aa ubbaappe xoqqiyaagaa; xoossatu ubbaappe neeni xoqqu giidaagaa.

Mazamure Maxaafaa 99:3

Daroppe yashshiya a gita sunttaa eti ubbai galatona. I geeshshattennee!

Kessaabaa 15:11

Abeet GODAU, Xoossatu giddon ne malai oonee? Geeshshatettan bonchchettiyaabi, bonchchuwan yayettiyaabi, garamiyaabaa oottiyaabi ne malai oonee?

Kessaabaa 15:13

“Neeni wozido asaa aggenna ne siiquwan kaalettana. Neeni ne wolqqan eta neeni de7iyo geeshsha sohuwaa gelissadasa.

Kessaabaa 15:18

GODAI merinaappe merinau kawotana” yaagidi yexxidosona.

Kessaabaa 40:34

Hegaappe guyyiyan, shaarai Xoossaa Dunkkaaniyaa kammiis; GODAA bonchchoikka a kumiis.

Kessaabaa 40:35

SHaarai Xoossaa Dunkkaaniyaa bolli uttido gishshaunne GODAA bonchchoi a giddon kumido gishshau, Muusee a giddo gelanau danddayibeenna.

Leemiso Maxaafaa 16:19

Ayyiyaageetuura zuppetidi, omooduwaa shaakki ekkanaappe ashkke gididi, hiyyeesidi de7iyoogee keha.

Leemiso Maxaafaa 8:23

Beni wode, biittai sa7ai merettanaappe kase taani sunttettaas.

Isiyaasa 18:4

Aissi giikko, GODAI taayyo hagaadan yaagiis; “Sa7ai seetiyo wode kiyiya wolqqaama mishuwaadan, qassi kattaa cakkiyo aginan hombbiya qamman xaazatiya xaazaadan, taani co77u gaada, ta de7iyo sohuwaappe duge xeellana” yaagiis.

Isiyaasa 33:5

GODAI bollan de7iyo gishshau, xoqqu xoqqu giis; i Xiyoone suure pirddaaninne xillotettan kunttana.

Isiyaasa 40:28

Erabeikkii? Siyabeikkii? GODAI merinaa Xoossaa; i biittaa ubbaakka medhdhidaagaa. I daafurenna; woikko wolqqai au wurenna; ooninne a qofaa eranau danddayenna.

Isiyaasa 52:13

GODAI hagaadan yaagees; “Be7ite, ta ashkkarai akeekan oottana; i bonchchettidi, xoqqu xoqqu gaana; i keehi gitatana.

Isiyaasa 6:1

Kawoi Ooziyaani haiqqido laitti Godai bollaaninne xoqqa araatan uttidaagaa be7aas; a maayoi Beeta Maqidasiyaa kumiis.

Isiyaasa 6:3

Issoi issuwaara, “Geeshshai, geeshshai, geeshshai Ubbaappe Wolqqaama GODAATTENNEE! Sa7a ubbai a bonchchuwan kumiis” yaagidi xeesettidosona.

Isiyaasa 63:15

Abeet GODAU, saluwaara duge xeella; xeellada neeni de7iyo geeshshanne bonchcho gidida sohuwaara be7a. Neeni mishettiyo mishoinne ne wolqqai anee? Ne wozanai nuna laamotiyo laamotainne ne qaretai nuuppe haakkiis.

Ermmaasa 10:10

SHin GODAI tumu Xoossaa; i de7o Xoossaanne merinaa Kawuwaa. A hanqquwan biittai qaaxxees; kawotettatikka a yiilluwaa danddayokkona.

Ermmaasa Zilaassaa 3:41

Ane nu wozanaanne nu kushiyaa saluwan de7iya Xoossaakko denttidi, hagaadan yaagoos;

Hizqqeela 16:63

Taani neeni oottido nagaraa ubbaa atto yaagiyo wode, neeni ne oottidobaa hassayada, yeellau ne doonaa oiqqana. Taani Ubbaa Haariya GODAI hagaa odais” yaagees' yaaga” yaagiiddi yiis.

Hizqqeela 9:4

Xeesidi a hagaadan yaagiis; “Yerusalaame katamaa gidduwaa kanttada baidda, yan oosettiya tunatettaa gishshau, ooliiddinne kayyottiiddi de7iya asaa som77uwan malaataa wotta” yaagiis.

Daaneela 2:11

Kawoi oichchido oishai deexo; asaara issippe de7enna xoossatuppe attin, hagaa kawuwaassi qonccissanau danddayiyaabi mulekka baawa” yaagidosona.

Daaneela 4:17

Ubbaappe Xoqqiya Xoossai asaa naatu kawotetta ubbaa haariyoogaa, kawotettaa i ba koyiyo uraassi immiyoogaanne harai atto, asa ubbaappe karettidaageetakka i sunttiyoogaa paxa de7iya asai ubbai erana mala, qasho qofaa kiitanchchati awaajjidosona. Pirddaakka geeshshati odidosona” yaagiis.

Daaneela 4:34

“He laappun laittai wurido wode, taani Naabukadanaxoori xoqqu gaada saluwaa xeellaas; ta wozanai kahaikka simmiis. Simmin Ubbaappe Xoqqiya Xoossaa galataas; merinau de7iyaagaakka bonchchaasinne sabbaas. “A maatai merinaa maataa; a kawotettaikka yeletaappe yeletaa gakkanaashiina.

Yuu7eela 2:13

Intte wozanaappe attin, intte maayuwaa pooshshoppite” yaagees. GODAAKKO, intte Xoossaakko, simmite; aissi giikko, i qaretainne maarotai kumidoogaa; hanqquwau eesotennaagaanne siiqoi daridoogaa; i inttena qaxxayanau yeemottennaagaa.

Mikiyaasa 5:2

GODAI hagaadan yaagees; “Nenoo Efiraataa, Beetaliheeme katamau, neeni Yihudaa katamatu giddon guutta; shin au denddoi beniisappe doommidi, merinaappe gididoogee, Israa7eela asaa haariyaagee taayyo neeppe kiyana” yaagees.

Mikiyaasa 6:8

Hai asau, GODAI neeyyo lo77obaa odi wottiisttenne. GODAI neeppe koyiyoogee aibee giikko, neeni suurebaa oottanaagaa, aggenna siiquwaa bessanaagaanne ashkketettan ne Xoossaara hemettanaagaa.

Zakkaariyaasa 2:13

GODAI ba de7iyo geeshsha sohuwan denddiis; hegaa gishshau, asho maayida ubbai a sinttan co77u go!

Zakkaariyaasa 9:9

Nenoo Xiyoone katamau, ufaitta! Nenoo Yerusalaame katamau, ilila! Be7a, xoonida ne xillo kawoi neekko yees. Ne kawoi ashkke gididi, hariyaa bolli, hare maraa bolli uttidi, neekko yees.

Maatiyoosa 6:9

Simmi intte hagaadan yaagidi, Xoossaa woossite; ‘Saluwan de7iya nu Aawau, ne geeshsha sunttai anjjetto.

Yesuusi Kiittidoogeetu Oosuwaa 3:14

SHin intte geeshshaanne xilluwaa, ‘Nuuni a erokko’ giidi, shemppuwaa woridaagaa a gishshaa inttessi birshshanau PHilaaxoosa woossideta.

Roome 1:20

Beettenna a hanotai hegeekka a merinaa wolqqainne a Xoossatettai issippe Xoossai ha sa7aa medhdhoosappe doommidi, etau qonccidi beettiis; eti hegaa Xoossai medhdhidobaappe be7anau danddayiyo gishshau, etau gaasoyiyoobi baawa.

Naa77antto Qoronttoosa 1:4

Xoossai nuna nu huuphen minttettido minttettuwaadan, daro waayiyaa waayettiyaageeta nuunikka minttettanaadan, nu waaye ubban i nuna minttettees.

Naa77antto Qoronttoosa 2:7

Hegaa gishshau, he bitanee keehi daro azzanenna mala, intte ayyo atto gaanaunne a minttettanau bessees.

Naa77antto Qoronttoosa 7:6

SHin kayyottidaageeta minttettiya Xoossai, Tiitu yuussan nuna minttettiis.

Zaarettido Wogaa 33:27

Merinaa Xoossai intteyyo qato; a merinaa kusheti intteppe garssaara de7oosona. I intte sinttappe intte morkketa gooddiis; intte eta wurssi xaissanaadan intteyyo yootiis.

Koiro Ximootiyoosa 1:17

Aifiyan beettenna merinaa Xoossau issuwau, merinaa Kawuwau, merinaappe merinaa gakkanaassi galatainne bonchchoi gido.

Koiro Ximootiyoosa 6:16

Haiqqennaagee issi a xalaala. Ooninne akko shiiqanau danddayenna poo7uwan de7ees. Ooninne a be7ibeenna; qassi be7anaukka danddayenna. Bonchchoinne merinaa wolqqai ayyo gido. Amin77i.

Ibraawe 9:14

merinaa Geeshsha Ayyaanaa baggaara bali bainna yarshshodan, Xoossau bana immida Kiristtoosa suuttai, nuuni de7o Xoossau oottana mala, kase nu haiqqida oosuwaappe nuna zoriya wozanaa waati geeshshanddeeshsha!

Yaaqooba 4:6

SHin Xoossai aaro kehatettaa aattidi immees. Hegaa gishshau, Xoossaa maxaafai, “Xoossai otorettiyaageeta ixxees; shin banttana kaushshiyaageetuyyo aaro kehatettaa immees” yaagees.

Koiro PHeexiroosa 5:5

Hegaadankka yelaga asatoo, cimatuyyo haarettite. Ubbaikka issoi issuwau oottanau intte huuphiyaa kaushshiyoogaa afaladan maayite. Aissi giikko, Xoossai otorettiyaageeta ixxees; shin banttana kaushshiyaageetuyyo aaro kehatettaa immees.

Ajjuutaa 15:4

Godau, neeyyo yayyennainne ne sunttaa bonchchennai oonee? Aissi giikko, geeshshai ne xalaalaa. Asa zare ubbai yiidi, ne sinttan goinnana; aissi giikko, ne xillo oosoi ubbaayyo qoncciis” yaagidi zammaroosona.

Ajjuutaa 3:7

“Pilaadelifiyan de7iya woosa keettaa kiitanchchaayyo hagaadan yaagada xaafa; ‘Daawita qulppiyaa oiqqidaagee, ooninne gorddanau danddayennaadan dooyiyaagee, qassi ooninne dooyanau danddayennaadan gorddiyaagee geeshshai, tumanchchai hagaadan yaagees.

Ajjuutaa 4:8

Oiddu paxa de7iya meretatuyyo huuphiyan huuphiyan usuppun qefee de7ees; etau bollan garssankka ubbasan aifee kumiis. Eti qamminne gallassi, “Geeshshau, geeshshau, geeshshau, kase de7iyaagoo, ha77ikka de7iyaagoo, qassi sinttappe yaanaagoo, Godau, Ubbaappe Wolqqaama Xoossau” giyoogaa aggokkona.

Sameela Maxaafaa Koiruwaa 2:2

GODAA mala geeshshi issoinne baawa; a mali issoinne baawa. Nu Xoossaappe attin, hara attiyo wogga Zaalli baawa.