Isiyaasa 55:9 - Wolaytta Bible

⁹ Saloti sa7aappe xoqqiyoogaadan, ta ogee intte ogiyaappe xoqqees; ta qofaikka intte qofaappe xoqqees.

Isiyaasa 55:9 ပူးပေါင်းရင်းမြစ်များ

Sameela Maxaafaa Naa77anttuwaa 7:19

Abeet Ubbaa Haariya GODAU, hagee ne aifiyaa sinttan guutta milatin, sinttappe ne ashkkaraa zaretussi hananabaakka haasayadasa. Ubbaa Haariya GODAU, hagee neeni asassi oossikka oottiyo ooso gidenna.

Mazamure Maxaafaa 103:11

Saloi sa7aappe xoqqiyoogaadan, GODAAYYO yayyiyaageetuyyo aggenna a siiqoi gita.

Mazamure Maxaafaa 36:5

Abeet GODAU, aggenna ne siiqoi salota gakkees; ne tumatettaikka bolla shaaraadan xoqqees.

Mazamure Maxaafaa 77:19

Neeni abbaa giddoora hemettaasa; ciimma abbaa giddoora kanttaasa; gidikkonne, ne gedee yedhdhido sohoi beettenna.

Mazamure Maxaafaa 89:2

Taani aggenna ne siiqoi merinaayyo eqqidoogaanne neeni ne tumatettaa saluwaadan minttada essidoogaa yootana.

Mazamure Maxaafaa 92:6

Eeyya asi eranau danddayenna; damma asikka akeekanau danddayenna.

Isiyaasa 14:24

Ubbaappe Wolqqaama GODAI hagaadan yaagidi caaqqiis; “Taani halchchidoogaadan hanana; taani qoppidoogaadankka polettana.

Maatiyoosa 11:25

Yesuusi he wode zaaridi, hagaadan yaagiis; “Ta Aawau, saluwaa sa7aa Godau, neeni hagaa aadhdhida eranchchatuppenne akeekanchchatuppe genttada, erenna naatussi qonccissido gishshau, nena galatais;