Isiyaasa 51:2 - Wolaytta Bible

² Intte aawaa Abrahaamakkonne inttena yelida Saarikko xeellite. I barkka de7ishin, taani a xeesaas; xeesada anjjaasinne qoodan corayaas.

Isiyaasa 51:2 ပူးပေါင်းရင်းမြစ်များ

Doomettaabaa 22:17

taani nena tumu anjjana; ne zerettaakka taani saluwaa xoolinttiyaa keenanne abbaa doona shafiyaa keeni oottada corayana. Ne zerettati bantta morkketu katamata laattana.

Doomettaabaa 24:1

Abrahaami keehippe sa7aa sugidi cimiis; GODAI a ubbabankka anjjiis.

Doomettaabaa 24:35

GODAI ta godaa keehi anjjin, i duretiis; dorssaa, miizzaa, biraa, worqqaa, attuma ashkkarata, macca ashkkarata, gaameelatanne hareta ayyo immiis.

Isiyaasa 29:22

Hegaa gishshau, Abrahaama wozida GODAI Yaaqooba zariyau hagaadan yaagees; “Yaaqooba zaree hagaappe sinttanau yeellatenna; eta som77oikka yeellatidi, sa7aa xeellenna.

Isiyaasa 41:8

GODAI hagaadan yaagees, “SHin nenoo Israa7eelaa, ta ashkkarau, taani doorido Yaaqoobaa, ta dabbuwaa Abrahaama zariyau,

Isiyaasa 43:27

Ne koiro aawai nagaraa oottiis; nena tamaarissiyaageetikka tana naaqqidosona.

Isiyaasa 48:1

“Inttenoo Yaaqooba zaretoo, Israa7eela sunttan xeesettiyaageetoo, qassi Yihudaa zerettaappe yiidaageetoo, hagaa siyite. Intte GODAA sunttan caaqqeeta; Israa7eela Xoossaa xeeseeta; shin tumatettaaninne xillotettan gidenna.

Isiyaasa 60:22

Intte giddon issi keettan de7iya qoodan guutta asata taani sha7issana; ubbaappe qoodan guuxxiyaageetakka gita kawotetta oottana. Taani GODAA; wodee gakkiyo wode, taani hagaa eesuwan polana” yaagees.

Isiyaasa 63:16

Abrahaami nuna erana xayikkokka, Yaaqoobi nuna akeekennan xayikkokka, abeet GODAU, neeni nu aawaa. Beni wodiyaasappekka doommidi, ne sunttai nuna woziyaagaa.

Hizqqeela 33:24

“Laa asa na7au, Israa7eela biittan kolettida katamatun de7iya asati hagaadan yaagoosona; 'Abrahaami barkka de7iya issi asa; ha biittaa laattiis; shin nuuni cora; biittaikka tuma nuuyyo laata gade gididi imettiis' yaagoosona.

Zaarettido Wogaa 1:10

GODAI intte Xoossai intte qoodaa saluwaa xoolinttiyaadan darissiis.

Zaarettido Wogaa 26:5

Hegaappe guyyiyan, GODAA ne Xoossaa sinttan hagaadan yaagada haasaya; 'Ta maizza aawai de7iyoosaa xayidi metootida Sooriyaa biittaa asa; i metootidi, qoodan guutta asatuura Gibxxe wodhdhidi yan de7iis. Hegan de7iiddi i gita wolqqaamanne qoodan cora dere kiyiis.

Yaasu Maxaafaa 24:3

Hegaappe guyyiyan intte aawaa Abrahaama, he shaafaappe hefinttan de7iya biittaappe xeesada, Kanaane biitta ubban kaalettaas. A zariyaakka corayaas; Yisaaqakka au immaas.