Isiyaasa 46:11 - Wolaytta Bible

¹¹ Arshsho baggappe bonqqiya kafo, haaho biittaappe ta qofaa poliya asa taani xeesada, taani giidoogaa taani polana; taani halchchidobaakka taani oottana.

Isiyaasa 46:11 ပူးပေါင်းရင်းမြစ်များ

Izira Maxaafaa 1:2

“Parsse Kawoi Qiiroosi hagaadan yaagees; 'GODAI, saluwaa Xoossai ha sa7aa kawotettata ubbaa taayyo immiis; qassi Yihudan de7iya Yerusalaamen taani ayyo Beeta Maqidasiyaa keexxanaadan tana sunttiis.

Iyyooba Maxaafaa 23:13

“Xoossai laamettenna. Aara eqettana, woikko ba koyidobaa i oottennaadan a teqqana asi baawa.

Mazamure Maxaafaa 119:24

Neeni yootidoogee tana ufaissees; i tana zorees.

Mazamure Maxaafaa 76:10

Asaa hanqqoi darido keenaa neeni galatettaasa. Olaappe palahida asati ubbai ne ayyaana gallassata bonchchana.

Isiyaasa 10:12

Godai Xiyoone Deriyaa bollinne Yerusalaame bolli ba oottiyo ooso ubbaa polidoogaappe guyyiyan, Asoore biittaa kawuwaa a ayyuwaunne a otoruwau qaxxayana.

Isiyaasa 18:6

Eti ubbaikka deriyaa huuphiyan de7iya, miyoobaa wochchiya kafotussinne sa7aa do7atussi attana; miyoobaa wochchiya kafoti balgguwaa, sa7aa do7ati boniyaa eta miiddi shaaccana.

Isiyaasa 22:25

Ubbaappe Wolqqaama GODAI hagaadan yaagees; “He gallassi ammanettiya sohuwan xishido xishee kichchana; qanxxettananne kunddana. A bollan kaqqido tooho ubbai duuxxi wodhdhana” yaagees. Hagaa GODAI odiis.

Isiyaasa 25:1

Abeet GODAU, neeni ta Xoossaa. Taani nena xoqqu xoqqu oottana; ne sunttaakka galatana. Aissi giikko, neeni polo ammanettiyoogan beniisappe halchchettidi de7iya maalaalissiya oosota oottadasa.

Isiyaasa 37:26

“'Daro wodiyaappe kase, neeni gimbbettida katamata qoqqofada, shuchcha keela kessana mala, taani qofaa qachcha wottidoogaa neeni erabeikkii? Taani ha77i poliyo halchchota beni halchcha wottaas.

Isiyaasa 38:15

Hagaa ubbaa GODAI i ba huuphen oottiis; yaatin, taani ai gaanau danddayiyaanaa? Ta shemppoi keehippe un77ettido gishshau, xiskkoi taappe haakkiis.

Isiyaasa 41:2

“Biyo soho ubban xooniya issuwaa arshsho baggappe denttidai oonee? I kawotettata a sinttan aattidi immees; yaatin, i kawota tohuwaappe garssaara yedhdhees. I eta ba bisuwan baanaadan oottees; qassi ba wonddafiyan suullaadan oottees.

Isiyaasa 41:25

“Taani huuphessa baggappe issuwaa denttaas; denttin i yiis. Qassi ta sunttaa xeesiya issoi arshsho baggappe yaana. Urqqaa medhdhiyaagee urqqaa yedhdhiyoogaadan, i kaalettiyaageeta yedhdhana.

Isiyaasa 44:28

Qassi Qiiroosa, 'Neeni ta asaa heemmiyaagaa; neeni Yerusalaame katamaa, “Ne simmada keexettana” yaagadanne, Beeta Maqidasiyaakka, “Ne baasoi baasettana” yaagada ta halchchuwaa poliyaagaa' yaagais” yaagees.

Isiyaasa 45:13

Taani Qiiroosa xillotettan denttaas; a ogiyaa ubbaakka suure oottana. Miishsha qanxxennan, woikko mattaaye immennan, i ta katamaa keexxana; ta asaakka omooduwaappe kessana' yaagees. Taani Ubbaappe Wolqqaama GODAI hagaa odais” yaagees.

Isiyaasa 56:9

Inttenoo bazzo do7atoo, inttenoo woran de7iya do7atoo, ubbaikka haa yiidi miite.

Ermmaasa 44:28

SHin olaappe attida issi amaridaageeti Gibxxeppe Yihudaa simmana. He wode Gibxxen de7iya Yihudaa asai ta qaalaappenne eta qaalaappe oogee tumattidaakkonne akeekidi erana.

Ermmaasa 50:29

“Baabiloone olanau wonddafiyaa dukkiyaageeta ubbaa xeegite; issoinne kessi ekkennaadan, eti a yuushuwan dooddona. GODAA bolli, Israa7eela Geeshshaa bolli, i otorettido gishshau, ayyo a oosuwaadan zaarite. I haratu bollan oottidoogaadan, a bollankka oottite.

Ermmaasa 50:44

“Yorddaanoosa SHaafaa lanqqiyan de7iya woraappe lo77o qooroi de7iyoosaa qoppennan kiyiya gaammuwaadan, taani yaada, Baabiloone asaa eta biittaappe yedettana. Hegaappe guyyiyan, ta doorido asa a bollan sunttana. Aissi giikko, ta mali baawa; taani oottana giidobaakka teqqanau danddayiya asi baawa. Ai henttanchchi tanaara eqettanau danddayii?

Ermmaasa 50:45

Hegaa gishshau, taani GODAI Baabiloone asaa bollaaninne Baabiloone biittaa bollan halchchidobaanne qoppidobaa siyite! Eta naata wolqqan goochchidi efaana; hegaa gaasuwan eta so asai ubbai dagammana.

Hizqqeela 39:4

Neeni, ne olanchchatinne nenaara de7iya kawotettati ubbai Israa7eela deriyaa bollan kunddi attana. Taani intte ashuwaa miya kafotussinne bazzo do7atussi quma oottada immana.

Qoodaabaa 23:19

Xoossai worddotanau asa gidenna; ba qofaa laammanau i asa na7a gidenna. I yootidi, ba yootidoogaa oottennee? Woikko i ba giidobaa polennee?

Yesuusi Kiittidoogeetu Oosuwaa 4:28

Qassi neeni ne wolqqaaninne ne sheniyan hanana gaada qoppa uttidobaa ubbaa oottanau shiiqidosona.

Yesuusi Kiittidoogeetu Oosuwaa 5:39

SHin ha qofainne ha oosoi Xoossaappe yiidabaa gidikko, intte eta xaissanau danddayekketa; geelladan yaaniiddi Xoossaara intte iitettananne” yaagiis.

Efisoona 1:11

Ubbabai Xoossaa qofaadaaninne i giidoogaadan haniis; Xoossai kasetidi qoppi wottidoogaadan, Kiristtoosa baggaara nuuni aageeta gidanaadan, nuna dooriis.

Efisoona 3:11

Xoossai hegaa nu Godaa Kiristtoos Yesuusa baggaara i polido ba merinaa qofaadan oottiis.

Ajjuutaa 16:12

Usuppuntta kiitanchchai ba keriyan de7iyaagaa wogga Efiraaxiisa giyo shaafan gussiis; gussin arshsho baggappe yaana kawotuyyo ogee giiganaadan, haattai meliis.