Isiyaasa 45:13 - Wolaytta Bible

¹³ Taani Qiiroosa xillotettan denttaas; a ogiyaa ubbaakka suure oottana. Miishsha qanxxennan, woikko mattaaye immennan, i ta katamaa keexxana; ta asaakka omooduwaappe kessana' yaagees. Taani Ubbaappe Wolqqaama GODAI hagaa odais” yaagees.

Isiyaasa 45:13 ပူးပေါင်းရင်းမြစ်များ

Izira Maxaafaa 1:3

Xoossaa asa gidida ooninne yaa bo. A Xoossai aara gido! Intte Yihudan de7iya Yerusalaame biidi, yan Yerusalaamen de7iya GODAA, Israa7eela Xoossaa Beeta Maqidasiyaa zaarettidi keexxite.

Mazamure Maxaafaa 65:5

Abeet nuna ashshiya Xoossau, garamissiya ne xillo oosuwan neeni nuuyyo allaasa. Sa7aa gaxaappe gaxaa gakkanaassi, haaho abbatuppekka hefinttan de7iya asa ubbau ammanettiyaagee nena.

Leemiso Maxaafaa 3:6

Neeni oottiyo ooso ubban a sinttaya; i nena likke ogiyaa kaalettana.

Isiyaasa 13:17

Be7ite, biraa koyenna, worqqankka ufaittenna Meedoona biittaa asata taani eta bollan denttana.

Isiyaasa 14:17

sa7aa bazzo kessidaagee, sa7an de7iya katamatakka aatti yeggidaagee, ba qasho asatakka soo yeddennan diggida bitanee hagee?' yaagidi tishshi ootti akeekidi xeellana.

Isiyaasa 41:2

“Biyo soho ubban xooniya issuwaa arshsho baggappe denttidai oonee? I kawotettata a sinttan aattidi immees; yaatin, i kawota tohuwaappe garssaara yedhdhees. I eta ba bisuwan baanaadan oottees; qassi ba wonddafiyan suullaadan oottees.

Isiyaasa 41:25

“Taani huuphessa baggappe issuwaa denttaas; denttin i yiis. Qassi ta sunttaa xeesiya issoi arshsho baggappe yaana. Urqqaa medhdhiyaagee urqqaa yedhdhiyoogaadan, i kaalettiyaageeta yedhdhana.

Isiyaasa 42:6

“Taani GODAA; taani nena xillotettan xeesaas; taani ne kushiyaa oiqqada, nena naagana. Neeni qooqiyaa aifiyaa dooyana mala, omoodettidaageeta omooduwaa keettaappe kessana mala, xuman de7iyaageetakka qasho keettaappe kessana mala, taani nena kawotettatussi poo7o oottada, qassi asaassikka maachcha oottada immana.

Isiyaasa 44:28

Qassi Qiiroosa, 'Neeni ta asaa heemmiyaagaa; neeni Yerusalaame katamaa, “Ne simmada keexettana” yaagadanne, Beeta Maqidasiyaakka, “Ne baasoi baasettana” yaagada ta halchchuwaa poliyaagaa' yaagais” yaagees.

Isiyaasa 45:2

“Taani ne sinttaara baana; dereta dembbayana. Nahaasiyaa birataa sanqqata menttana; birata hiraqotakka qanxxana.

Isiyaasa 46:11

Arshsho baggappe bonqqiya kafo, haaho biittaappe ta qofaa poliya asa taani xeesada, taani giidoogaa taani polana; taani halchchidobaakka taani oottana.

Isiyaasa 49:25

SHin GODAI hagaadan yaagees; “Wolqqaami omooddidi efiidobai simmana; meqetti bainna iitatu kushiyan omoodettida asikka kessi ekkana. Aissi giikko, nenaara olettiyaageetuura taani olettana; ne naatakka taani ashshana.

Isiyaasa 52:5

Yaatin, ta asai waaga qanxxennan coo omooduwan biichchin, tau hagan aibee de7iyai? Eta haariyaageeti waassoosona; ta sunttaikka ubbatoo gallassa kumettaa cayettees.

Mikiyaasa 4:10

Inttenoo, Xiyoone asatoo, maaretai oiqqido maccaaseedan ooliiddi abaraadite. Aissi giikko, intte katamaappe kiyiyoogee attenna; kiyidi dembban de7ana; hegaappekka Baabiloone baana. Gidikkonne, yan intte attana; GODAI inttena intte morkketu kushiyaappe wozana.