Isiyaasa 44:11 - Wolaytta Bible

¹¹ Be7ite, a laggeti ubbai yeellatana; kushe hiillanchchati ubbai asa. Ane eti ubbaikka issippe shiiqidi eqqona. Eti yayyana; qassi eti ubbaikka issippe yeellatana.

Isiyaasa 44:11 ပူးပေါင်းရင်းမြစ်များ

Kawotu Maxaafaa Koiruwaa 18:40

Hegaappe guyyiyan Eelaasi eta, “Ba7aala sunttan hananabaa yootiyaageeta oiqqite. Etappe issi asinne kessi ekkidi booppo” yaagiis. Yaagin eta oiqqidosona; Eelaasi eta Qiishoona SHaafaa efiidi woriis.

Mazamure Maxaafaa 97:7

Worddo xoossatussi goinniyaageetinne he go77enna eeqatun ceeqettiyaageeti ubbai yeellatoosona. Xoossati ubbai GODAAYYO gulbbatoosona.

Isiyaasa 1:29

Bassaa wottanau dosido wolaa gishshau, intte yeellatana; intte doorido kaashshaa gishshaukka intte kauyyana.

Isiyaasa 42:17

SHin massidi giigissido misiletun ammanettiyaageeti, qassi seerissidi giigissido misileta, 'Intte nu xoossata' yaagiyaageeti guyye simmana. Eti muleerakka yeellatana” yaagees.

Isiyaasa 44:9

Eeqa misileta massidi medhdhiya ubbati hada; eti an ufaittiyoobati eta go77okkona. Eta markkatikka be7okkonanne erokkona. Hegaa gishshau, eti yeellatana.

Isiyaasa 45:16

Eeqaa medhdhiyaageeti ubbaikka yeellatananne kauyyana. Eeqa misiliyaa medhdhiyaageeti ubbai issippe kaushshau baana.

Isiyaasa 65:13

Hegaa gishshau, Ubbaa Haariya GODAI hagaadan yaagees; “Be7ite, ta ashkkarati maana; shin intte namisettana. Ta ashkkarati uyana; shin intte saamettana. Ta ashkkarati ufaittana; shin intte yeellatana.

Ermmaasa 10:14

Asi ubbi era xayidi dammiis; worqqaa tigiya asi ubbi ba eeqatun yeellatiis. Aissi giikko, he eeqati cimo; etan shemppoi baawa.

Ermmaasa 51:17

Asi ubbi akeekinne eri bainnaagaa. Qassi worqqaa tigidi, eeqa misileta medhdhiyaageeti ubbati yeellatidosona. Aissi giikko, eta misileti worddonne shemppoi bainnaageeta.

Hoose7a 13:2

Ha77ikka nagaraa bolli nagaraa oottoosona; qassi banttau goinnanau, seerissidi misileta medhdhoosona. He misileti hiillan biraappe merettidaageeta; eti ubbaikka kushe hiillai medhdhidoogeeta. Etabaa asai haasayiiddi, “Haa yiite; etayyo yarshshuwaa yarshshite; ha maraa misiliyaakka yerite” yaagees.

Zaarettido Wogaa 4:28

Hegan intte mittaappenne shuchchaappe asa kushiyan giigida be7enna, siyenna, meennanne singgenna xoossatussi goinnana.