Isiyaasa 43:13 - Wolaytta Bible

¹³ Taani Xoossaa; xaphoppe doommadakka taani tanattennee. Ta kushiyaappe ooninne ashshenna; taani oottidoogaa laammanau danddayiyaabi baawa” yaagees.

Isiyaasa 43:13 ပူးပေါင်းရင်းမြစ်များ

Iyyooba Maxaafaa 10:7

Taani mooranchcha gidennaagaanne ne kushiyaappe tana ooninne ashshanau danddayennaagaa neeni eraasa.

Iyyooba Maxaafaa 34:29

Xoossai co77u giikko, a pirddanai oonee? I ba som77uwaa wora zaarikko, asa maaddiyaabi baawa.

Iyyooba Maxaafaa 9:12

I ba koyidobaa ekkin, a ooninne digganau danddayenna. 'Waatai?' yaagidi a oichchana asi baawa.

Mazamure Maxaafaa 102:28

Nuuni ne ashkkarata; nu naati sarotettan de7ana. Eta zerettaikka ne sinttan minnidi eqqana.

Mazamure Maxaafaa 50:22

“Inttenoo, Xoossaa dogiyaageetoo, hagaa akeekite. Hegee xayikko, taani inttena mentterettana; he wode inttena ashshiyaabi baawa.

Mazamure Maxaafaa 90:2

Dereti merettanaappe kase, woikko neeni sa7aa oottanaappe kase, merinaappe merinaa gakkanaayyookka neeni Xoossaa.

Mazamure Maxaafaa 93:2

Ne kawotaa araatai beniisappe eqqiis; neeni merinaasappe de7aasa.

Leemiso Maxaafaa 21:30

Asi ba aadhdhida eratettan, akeekaaninne zoriyan GODAARA eqettanau danddayenna.

Leemiso Maxaafaa 8:23

Beni wode, biittai sa7ai merettanaappe kase taani sunttettaas.

Isiyaasa 14:27

Ubbaappe Wolqqaama GODAI hagaa qoppido gishshau, a ooni digganau danddayii? A kusheekka micettiis; hegaa ooni guyye zaaranau danddayii?

Isiyaasa 41:4

Hagaa oottidaageenne polidaagee qassi yeletatakka koiroppe xeesidaagee oonee? Taani GODAI, koiroi, wurssettaageetuurakka de7iyaagee, taani a” yaagees.

Isiyaasa 46:10

'Ta qofai minnana; qassi taanikka ta halchchuwaa ubbaa polana' yaagais. Wurssettan hananabaa doomettan, qassi biron hanibeenna yohota beni wodiyaappe doommada awaajjais.

Isiyaasa 46:4

Intte cimmana gakkanaashinkka taani tanakka; intte puulummana gakkanaashinkka, taani inttena maaddana. Taani inttena medhdhaas; taani inttena denttana; taani inttena tookkananne ashshana.

Isiyaasa 47:15

Neeni etaara daafuridoogeeti, ne naatettaasappe doommidi, nenaara zal77idaageeti neeyyo hegaa mala. Eti ubbaikka ba ginaara ginaara laalettana; nena ashshiyaabikka issoinne baawa.

Isiyaasa 48:16

“Taakko haa shiiqidi, hagaa siyite; taani koiroppe doommadakka geeman haasayabeikke; hegee hanido wodiyaappekka doommada taani yan de7ais” yaagees. Qassi Ubbaa Haariya GODAINNE a Ayyaanai ha77i tana kiittidosona.

Isiyaasa 57:15

Aissi giikko, merinau de7iyaagee, gitai, xoqqan de7iyaagee, a sunttaikka Geeshshaa geetettiyoogee, hagaadan yaagees; “Taani xoqqu giidanne geeshsha sohuwan de7ais; gidikkonne, bantta oottido nagarau azzanidi simmiyaageetuuranne banttana ziqqi oottiyaageetuura de7ais. Yaatada taani bantta oottido nagarau azzanidi simmiyaageetu ayyaanaanne banttana ziqqi oottiyaageetu wozanaa ooraxissais.

Daaneela 4:35

Sa7an de7iya asai ubbai ayyo aibanne gidenna. Saluwan de7iya kiitanchchatu bollinne sa7an de7iya asaa bolli i ba dosaa oottees. A kushiyaa teqqanau danddayiyaabi baawa, woikko a 'Ai oottai?' yaagidi oichchiyaabi baawa.

Hoose7a 2:10

Qassi i laggettotu sinttan taani i kalluwaa bessana; ta kushiyaappe ooninne o ashshenna.

Hoose7a 5:14

Hegaa gishshau, taani Efireemayyo gaammodan hanana; Yihudaayyookka wodala gaammodan hanana. Taani eta mentterettada, tookka ekkada baana; ooninne eta taappe wotti ekkenna.

Mikiyaasa 5:2

GODAI hagaadan yaagees; “Nenoo Efiraataa, Beetaliheeme katamau, neeni Yihudaa katamatu giddon guutta; shin au denddoi beniisappe doommidi, merinaappe gididoogee, Israa7eela asaa haariyaagee taayyo neeppe kiyana” yaagees.

Imbbaaqooma 1:12

Abeet GODAU, ta Xoossau, ta Geeshshau, neeni merinaappe doommada de7iya Xoossaa gidikkii? Neeni nu Zaalla gidiyo gishshau, nuuni haiqqokko. Abeet GODAU, Kaladaaweti nuna pirddanaadan, neeni eta denttadasa; denttada wolqqaakka etau immadasa.

Qoodaabaa 23:20

Taani anjjanau azazuwaa ekkaas. I anjjiichchiis; taani hegaa laammanau danddayikke.

Yohaannisa 8:58

Yaagin Yesuusi eta, “Taani intteyyo tumaa odais; Abrahaami yelettanaappekka kase taani de7ais” yaagiis.

Efisoona 1:11

Ubbabai Xoossaa qofaadaaninne i giidoogaadan haniis; Xoossai kasetidi qoppi wottidoogaadan, Kiristtoosa baggaara nuuni aageeta gidanaadan, nuna dooriis.

Zaarettido Wogaa 28:31

Ne boorai ne sinttan shukettana; shin a ashuwaa maakka. Ne haree neeppe bogettidi ekettana; shin neeyyo guyye simmenna. Ne dorssai ne morkkiyau imettana; hegaa ashshanau nena maaddiyaabi de7enna.

Zaarettido Wogaa 32:39

“'GODAI tanattenne. Ta xallai Xoossaa. Taappe attin, hara xoossi baawa. Woriyaagee, de7uwaakka immiyaagee tana; taani masunxxissada, taani pattana; ta kushiyaappe ooninne ashshenna.

Koiro Ximootiyoosa 1:17

Aifiyan beettenna merinaa Xoossau issuwau, merinaa Kawuwau, merinaappe merinaa gakkanaassi galatainne bonchchoi gido.

Ibraawe 13:8

Yesuus Kiristtoosi zinekka hachchikka merinaukka laamettenna.

Yaasu Maxaafaa 2:2

Gelin Yarkko kawoi, “Israa7eela asaappe kiitettidaageeti ha biittaa xomoosanau qammi yiidosona” giyo oduwaa siyiis.

Ajjuutaa 1:8

Kase de7iyaagee, ha77ikka de7iyaagee, sinttappekka yaana Godai, Ubbaappe Wolqqaama Xoossai, “Alifainne Omeegai tana” yaagees.