Isiyaasa 40:31 - Wolaytta Bible

³¹ SHin GODAA ammanettidi naagiyaageeti, bantta wolqqaa ooraxissana. Eti argganttatudan, qefiyan pude kiyana; woxxidi daafurokkona; hemettidikka wolqqaa wurokkona.

Isiyaasa 40:31 ပူးပေါင်းရင်းမြစ်များ

Iyyooba Maxaafaa 17:9

Gidikkonne, xilloti bantta ogiyaappe yaakka haakka simmokkona; suureti wolqqaa gujji gujji boosona.

Mazamure Maxaafaa 103:5

Argganttaadan taani yelagana mala, i ta de7o ubban tana lo77obaa kalissees.

Mazamure Maxaafaa 123:2

Ashkkarai ba godaa kushiyaa xeelliyoogaadaaninne ashkkariyaa ba godee kushiyaa xeelliyoogaadan, hegaadankka i nuna maarana gakkanaassi, nu aifee GODAAKKO, nu Xoossaakko, xeellees.

Mazamure Maxaafaa 138:3

Taani xeesido gallassi taayyo koyadasa; ne minotettan tana minttadasa.

Mazamure Maxaafaa 20:9

Abeet GODAU, kawuwaassi xoonuwaa imma; nuuni nena xeesiyo wode siya.

Mazamure Maxaafaa 25:21

Taani nenan ufaissaa oottido gishshau, suuretettainne tumatettai tana naago.

Mazamure Maxaafaa 25:3

Nenan ufaissaa oottiyaageeti yeellatokkona; shin gaasoi bainnan geniyaageeti yeellatana.

Mazamure Maxaafaa 25:5

Neeni tana ashshiya Xoossaa gidiyo gishshau, ne tumatettan tana kaalettanne tamaarissa. Gallassa kumettan taani nenan ufaissaa oottais.

Mazamure Maxaafaa 37:34

GODAN ufaissaa wottada, a ogiyaa naaga. Neeni biittaa laattana mala, i nena gitayana. Iita asati xoqollettidi xayishin, neeni be7ana.

Mazamure Maxaafaa 40:1

Taani GODAA danddayan naagaas; i taakko simmidi, ta waasuwaa siyiis.

Mazamure Maxaafaa 84:7

Eti biyo wode, wolqqaa gujji gujjidi baana. Eti xoossatu Xoossaa Xiyoonen be7ana.

Mazamure Maxaafaa 84:8

Abeet Ubbaappe Wolqqaama GODAU Xoossau, ta woosaa neeni siya. Abeet Yaaqooba Xoossau, ezgga.

Mazamure Maxaafaa 92:1

GODAA galatiyoogee lo77o. Abeet Ubbaappe Xoqqiya Xoossau, ne sunttaa sabbiyoogee lo77o.

Mazamure Maxaafaa 92:13

Etinne GODAA keettan tokettida mittaa mala; eti nu Xoossaa Beeta Maqidasiyan daayana.

Kessaabaa 19:4

'Taani Gibxxetu bolli ai oottidaakkonne qassi argganttaa qefiyan taani inttena waata tookkada taakko ehiidaakkonne intte intte huuphen be7ideta.

Leemiso Maxaafaa 30:19

Hegeetikka: arggantti saloora paalliyo paaluwaa, shooshshi shuchchaa bollaara sololiyo sololettaa, markkabee abbaa bollan solddiyo soldduwaanne wodallinne geela7oi siiquwaa doommiyo doomettaa.

Siiquwaa Sabaa 8:5

“Ba siiquwaa hashiyan zemppada, bazzoppe yiyaara hanna oonee?” yaagidosona. “Beni ne aayyiyaa nena bannakka yelido, appiliyaa lanqqiyan ne zin77idaashin, nena ta qaaserettada denttaas.

Isiyaasa 25:9

He gallassi eti hagaadan yaagana; “Hagee tumu nu Xoossaa; nuuni i nuna ashshanaadan naagida; naagin i nuna ashshiis. Hagee GODAA; nuuni a naagida. Ane a atotettan hashshu goosinne ufaittoos” yaagana.

Isiyaasa 30:15

Ubbaa Haariya GODAI, Israa7eela Geeshshai hagaadan yaagees; “Intte taakko simmiyoogaaninne shemppiyoogan attana; co77u giyoogeenne ammanettiyoogee intteyyo wolqqa gidana; shin intte ixxideta.

Isiyaasa 30:18

SHin GODAI intteyyo kehanau naagees; i intteyyo qarettiyoogaa bessanau denddees. Aissi giikko, GODAI xillo pirddiya Xoossaa; a naagiyaageeti ubbati anjjettidaageeta.

Isiyaasa 41:1

GODAI hagaadan yaagees; “Inttenoo abbaa doonan de7iya biittatoo, co77u giidi, taani yootiyoogaa siyite! Asai bantta minotettaa ooraxissona; eti haa shiiqona; shiiqidi haasayona. Ane nuuni pirddettanau issippe shiiqoos.

Isiyaasa 64:4

Beniisappe doommidi, nenan ammanettidi, naagiyaageetussi maalaalissiyaabaa oottida neeppe attin, hara Xoossaa asa haitti siyibeenna; asa aifeekka be7ibeenna.

Isiyaasa 8:17

Taani ba som77uwaa Yaaqooba zaretuppe genttiya GODAA naagana; qassi an ammanettana.

Ermmaasa 48:15

Be7ite, Moo7aaba biittainne yan de7iya katamati bayidosona. A yelaga attumaasatikka shuhettanau duge biidosona. Taani Kawoi, Ubbaappe Wolqqaama GODAA geetettiyaagee hagaa odais.

Zakkaariyaasa 10:12

Taani eta GODAN minttana; etikka a sunttan hemettana. Taani GODAI hagaa odais” yaagees.

Luqaasa 18:1

Erissiyo ashkkarati ubba gallassi salettennan woossana mala, Yesuusi etassi leemisuwaa odiiddi,

Roome 8:25

SHin nuuni be7ennaagaa demmana giidi, ufaissan naagikko, hegaa danddayidi naagoos.

Naa77antto Qoronttoosa 4:1

Simmi Xoossai nuuyyo ha oosuwaa ba maarotettan immido gishshau, nuuni salettokko.

Naa77antto Qoronttoosa 4:16

Hegaa gishshau, nuuni salettokko; nuuyyo harai atto, bolla bagga asatettai wooqqiyaabaa gidikkokka, garssa bagga asatettai gallassi gallassi ooraxxees.

Galaatiyaa 6:9

Ane lo77o oosuwaa oottanau azalliyoogaa aggoos. Aissi giikko, nuuni azallennan aggikko, cakkiyo wodee sinttappe yaana.

Zaarettido Wogaa 32:11

Argganttai ba maraa paaluwaa tamaarissiyoogaadan, ba miccido qefiyan gakki oiqqidi ashshiyoogaadan, hegaadan GODAI ba qefiyan haphphidi eta ashshiis.

Zaarettido Wogaa 33:25

Eta katamatikka birata kariyan gorddettidi naagettona; ba laitta ubban i wolqqaama gido.

Koiro Tasalonqqe 1:10

Qassi Xoossaa Na7ai Yesuusi, Xoossai haiquwaappe denttidoogee, nuna sinttappe yaana Xoossaa hanqquwaappe ashshiyaagee saluwaappe yaanaagaa intte naagiyoogaa eti haasayoosona.

Ibraawe 12:1

Simmi nuuyyo hagaa keena daro asai, shaaraadan nu matan yuuyi aadhdhidi markkattiyaagee de7ishin, nuna xubbiya ubbabaanne baqqi oiqqiya nagaraa diggoos; diggidi nu sinttan de7iya nuuni woxxana wottaa genccidi woxxoos.

Ibraawe 12:3

Intte intte wozanaa bayidi daafurenna mala, nagaranchchati bana daro ixxinkka genccida Yesuusa qoppite.

Yaasu Maxaafaa 14:11

Gidinkka ha77i tau de7iya minotettai beni Muusee tana kiittiyo wode de7iya minotettaakka mala. Taani ha77ikka olettanaunne aiba gidikkonne oottanau beni he wodeegaadan wolqqaama.

Ajjuutaa 12:14

Mishiriyo shooshshai qohenna mala, heezzu laittaanne baggaa maiddanne uyaidda a naagettiyoosaa bazzo paallada baana mala, naa77u wolqqaama argganttaa qefee iyyo imettiis.

Ajjuutaa 2:3

Neeni genccadasa; qassi ta sunttaa gishshaukka metuwaa danddayadasa; daafurabaakka.

Ajjuutaa 4:7

Koiro paxa de7iya meretai gaammo milatees; naa77anttoi miiza mara milatees; heezzanttuwaa som77oi asa som77o milatees; qassi oiddanttoi paalliya arggantta milatees.

Daannatu Maxaafaa 16:28

He wode Samssooni GODAA woossiiddi, “Abeet Ubbaa Haariya GODAU, hai tana hassayarkkii! Abeet Xoossau, Pilisxxeemati ta naa77u aifeta kessidoogaa, haluwaa taani kessanaadan, hai tana issiton minttarkkii!” yaagiis.