Isiyaasa 34:7 - Wolaytta Bible

⁷ Qassi menttati, mirggotinne korima boorati etaara kunddana. Eta biittai suutta xalla gidana; eta sophpheekka modhdhuwan munaqettana.

Isiyaasa 34:7 ပူးပေါင်းရင်းမြစ်များ

Mazamure Maxaafaa 22:21

Gaammotu doonaappe tana ashsha; qaiciya bazzo booratu kaciyaappe tana naaga.

Mazamure Maxaafaa 68:30

Do7aadan maqqaa giddon de7iya Gibxxe asata neeni seera. Booratunne maratu wudiyaa milatiya kawotettata neeni godata. Eti gulbbatidi, bantta biraa neeyyo immana gakkanaassi, neeni eta seera. Olettanau yeemottiya asata laala.

Mazamure Maxaafaa 92:10

Ta kaciyaa bazzo menttaa kaciyaadan xoqqissadasa; lo77o zaitiyaa tana tiyadasa.

Isiyaasa 63:6

Taani ta hanqquwan kawotettata yedhdhaas; ta yiilluwankka eta mentterettaas; eta suuttaakka taani biittan gussaas” yaagana.

Ermmaasa 25:34

Inttenoo, henttanchchatoo, yeekkitenne waassite. Inttenoo, wudiyaa kaalettiyaageetoo, bidinttan gonddorettite. Aissi giikko, intte shuhettiyo wodee gakkiis; intte kunddananne lo77o urqqa miishshadan meqerettana.

Ermmaasa 46:21

Gibxxen qaxarettida olanchchati modhdhida mirggotu mala. Ee, etikka issippe guyye simmidi baqatidosona; eti bantta sohuwan eqqibookkona. Aissi giikko, eta bashshaa gallassai, eti qaxxayettana wodee gakkiichchiis.

Ermmaasa 50:11

“Inttenoo, Baabiloone asatoo, ta asaa bonqqiyaageetoo, intte ufaittidi, poccu giideta. Qooruwaa kallida usseedan, intte phixxillideta; korima paraadan caaggideta.

Ermmaasa 50:27

Boorata shukkiyoogaadan, eta olanchchata siifite! Baabiloone asaayyo aayye7ana! Aissi giikko, eta gallassai, eti qaxxayettiyo wodee gakkiis.

Hizqqeela 32:6

Dereta kammidi, shaafata kumana gakkanaashin, ne suuttai gukkanaadan oottana.

Hizqqeela 39:17

“Ubbaa Haariya GODAI hagaadan yaagees; 'Laa asa na7au, kafo zare ubbaanne sa7aa do7ata ubbaa hagaadan yaagada xeesa; “Taani intteyyo Israa7eela deretu huuphiyan giigissido gita yarshshuwaassi ubbasaappe shiiqidi, issippe haayite. Hagan intte ashuwaa maana; suuttaakka uyana.

Hizqqeela 39:18

Intte mino asatu ashuwaa maana; biittaa halaqatu suuttaakka uyana. Eti intteyyo dorssa galssa, anqqara dorssa, tumaleessa deeshshanne ordde boora mala gidana. Eti ubbaikka xiihettida Baasaane mehetu mala.

Qoodaabaa 23:22

Xoossai eta Gibxxeppe kessiis; i mino menttaadan etau de7ees.

Qoodaabaa 24:8

Xoossai eta Gibxxeppe kessiis; i mino menttaadan etau de7ees. Eti morkke kawotettaa mittana; eta meqettaakka liiqissana; eti bantta wonddafiyaa zubbiyan eta caddana.

Zaarettido Wogaa 33:17

Yooseefi koiro yelettida korimadan mino; a kaceti menttaa kaciyaadan minnona. A kaceti sha7an qoodettiya Minaase zareta; tammu sha7an qoodettiya Efireema zareta. He kacetun i kawotettata qaicana; biittaa gaxaa gakkanaashin eta i sugana” yaagiis.