Isiyaasa 34:16 - Wolaytta Bible

¹⁶ GODAA maxaafaappe koyidi nabbabite. GODAA doonai azazido gishshaunne a ayyaanai shiishshido gishshau, hageetuppe issoinne paccenna; qassi issoinne ba laggee bainnan de7enna.

Isiyaasa 34:16 ပူးပေါင်းရင်းမြစ်များ

Doomettaabaa 6:17

“Taani saloppe garssan de7o shemppoora de7iya mereta ubbaa xaissanau, ha sa7aa bollan bashshaa haattaa yeddana; yeddin ha sa7an de7iyaabai ubbai xayana.

Mazamure Maxaafaa 33:6

GODAA qaalan saloti merettidosona. A doonaappe kiyiya shemppuwan etan de7iya awai, aginainne xoolintteti oosettidosona.

Mazamure Maxaafaa 33:9

Aissi giikko, i haasayin haniis; i azazin, minnidi eqqiis.

Leemiso Maxaafaa 23:12

Ne asttamaaree neessi odiyoogaa ezgga; ne haittaakka eraa qaalaakko yegga.

Isiyaasa 1:20

SHin intte ixxis giidi makkalikko, bisuwan meetettana” yaagees. GODAI ba doonaappe hagaa haasayisttennee.

Isiyaasa 14:31

“Nenoo penggiyau, yeekka! Nenoo katamau, waassa! Inttenoo Pilisxxeema asau ubbau, intte ubbaikka hirggan maashite! Aissi giikko, huuphessa baggappe cuwai kiyidi yees; he citaappe duuxxidi guyye attiyaabi baawa.

Isiyaasa 21:17

Qeedaare biittan de7iya wonddafiyan dukkiya wolqqaama olanchchatuppe guuttati attana; hegaa GODAI Israa7eela Xoossai odiis” yaagiis.

Isiyaasa 30:8

Ha77i ba; baada sinttaara yaana wodiyaassi merinaa malaata gidana mala, eta sinttan shuchchaa masettan qaaca; mazggafankka xaafa.

Isiyaasa 40:26

Intte aifiyaa xoqqu oottidi, saluwaa xeellite; he xoolintteta medhdhidai oonee? I eta olanchchaadan kaalettees; eta qoodaakka erees. I eta ubbaakka eta sunttan sunttan xeesees. A anggaa gitatettaappenne a wolqqaa minotettaappe denddidaagan, etappe issoinne xayenna.

Isiyaasa 40:5

He wode, GODAA bonchchoi qonccana; asho maayida ubbai hegaa issippe be7ana. Aissi giikko, GODAA doonai hegaa haasayiis” yaagees.

Isiyaasa 58:14

he wode intte GODAN ufaittana. Qassi taani inttena daro bonchchettidaageeta oottana; intte aawaa Yaaqooba biittaappe laatettidabaa intte maanaadan, taani inttena oottana. Taani GODAI hagaa haasayaas” yaagees.

Daaneela 10:21

SHin taani neeyyo Tumaa Maxaafan xaafettidabaa yootana. Taani etaara olettiyo wode, ne halaqaa Mikaa7eelappe attin, tana maaddiya harai issoinne baawa.

Amoxa 3:7

Tumaappe Ubbaa Haariya GODAI ba xuuraa hananabaa yootiya ba ashkkaratussi kasetidi qonccissennan de7iiddi, aibanne oottenna.

Zakkaariyaasa 4:6

Qassikka i, “Zarubaabeelassi GODAI odido qaalai hagaa; 'Ta Ayyaanaanappe attin, wolqqan woikko minotettan gidenna. Taani Ubbaappe Wolqqaama GODAI hagaa odais.

Milkkiyaasa 3:16

He wode GODAASSI yayyiyaageeti issoi issuwaara haasayidosona; GODAIKKA ezggidi siyiis. GODAASSI yayyidaageetinne a sunttaakka bonchchidaageeti dogettennaadan, eta hassayissiya maxaafai a sinttan xaafettiis.

Maatiyoosa 5:18

Aissi giikko, taani intteyyo tumaa odais; saloinne sa7ai aadhdhana gakkanaassi, qassi ubbabaikka polettana gakkanaassi, higgiyaappe issi qaalaikka woi issi pitaleekka xayenna.

Luqaasa 21:33

Saloinne sa7ai aadhdhana; shin ta qaalai mulekka aadhdhenna.

Yohaannisa 10:35

Xoossaa maxaafata laammanau danddayettenna; Xoossai ba qaalai yiido asata, ‘xoossata’ giidi xeesidobaa gidikko,

Yohaannisa 5:39

“Xoossaa maxaafatuppe merinaa de7uwaa demmiyoobaa intteyyo milatin, eta xanna7eeta; etikka tabaa markkattoosona.

Zaarettido Wogaa 31:21

Daro metoinne bashshai eta bolli gakkido wode, ha mazamuree eta naatu doonaappe kichchenna gishshau, eta bolli markka gidana. Aissi giikko, taani caaqqido biittaa eta biron gelissennan de7ishin, haarakka eti qoppiyo qofaa eraichchaas” yaagiis.

Yaasu Maxaafaa 1:8

Ha Higgiyaa Maxaafai ne doonaappe shaahettoppo; an xaafettidabaa ubbaa minttada naaganau, gallassinne qammi a qoppa. Yaatikko, neeyyo ubbabaikka injjetananne giigana.

Naa77antto PHeexiroosa 1:19

Qassi hegaappe keehi aadhdhiya hananabaa yootiyaageeti haasayido nuna keehi ammanttiya qaalai nuuyyo de7ees; intte he qaalaa naagiyaabaa gidikko loittideta. Aissi giikko, hegee sa7ai wonttana gakkanaassinne maallado xoolinttiyaa poo7oi intte wozanan poo7ana gakkanaassi, xuman poo7iya poo7uwaa mala.