Isiyaasa 33:5 - Wolaytta Bible

⁵ GODAI bollan de7iyo gishshau, xoqqu xoqqu giis; i Xiyoone suure pirddaaninne xillotettan kunttana.

Isiyaasa 33:5 ပူးပေါင်းရင်းမြစ်များ

Mazamure Maxaafaa 118:16

GODAA ushachcha kushee xoonuwaa immiis! GODAA ushachcha kushee wolqqaamabaa oottiis!” yaagoosona.

Mazamure Maxaafaa 123:1

Nenoo, kawotaa araatan saluwan uttidaagoo, taani pude neekko xeellais.

Kessaabaa 15:1

He wode Muuseenne Israa7eela asai ha mazamuriyaa GODAAYYO yexxidosona; “Bonchchuwan i keehi xoqqu xoqqu giido gishshau, taani GODAAYYO mazamuriyaa yexxana. Paraanne paraa toggidaagaa abban oliis.

Kessaabaa 15:6

“Abeet GODAU, ne ushachcha kushee wolqqan goobidaagaa; GODAU, ne ushachcha kushee morkkiyaa mentterettiis.

Kessaabaa 18:11

GODAI hara Xoossatuppe ubbaappe gooba gidiyoogaa taani ha77i erais; aissi giikko, i hagaa Israa7eela asaassi iitidaageetussi oottiis” yaagiis.

Isiyaasa 12:4

He gallassi qassi intte hagaadan yaagana; “GODAA galatite! A sunttaakka xeesite. A oosota kawotettatu ubbaa giddon erissite. A sunttai xoqqu xoqqu giidoogaa awaajjite.

Isiyaasa 2:11

Asa otoroi giiyana; a kilahoikka seerana; he gallassi GODAA xalaalai xoqqu xoqqu gaana.

Isiyaasa 2:17

Asa otoroi ziqqi gaana; a ayyoikka xayana. He gallassi GODAA xalaalai xoqqu xoqqu gaana;

Isiyaasa 26:1

He gallassi Yihudaa biittan ha yettai yexettana. Nuuyyo mino katamai de7ees; Xoossai atotettaa a yuushuwan gimbbedaaninne qatodan essees.

Isiyaasa 28:6

I daannatussi likke pirddiyo ayyaana, olaa miixaappe zaariyaageetussikka wolqqa gidana.

Isiyaasa 30:18

SHin GODAI intteyyo kehanau naagees; i intteyyo qarettiyoogaa bessanau denddees. Aissi giikko, GODAI xillo pirddiya Xoossaa; a naagiyaageeti ubbati anjjettidaageeta.

Isiyaasa 32:1

Be7ite, kawoi xillotettan kawotana; haariyaageetikka suuretettan haarana.

Isiyaasa 33:10

GODAI kawotettatussi hagaadan yaagees; “Ha77i taani denddana; ha77i taani bonchchettana; ha77i taani xoqqu xoqqu gaana.

Isiyaasa 33:4

Gonddoi shiiqiyoogaadan, intte omoodoi shiiqana; boolee dirbbiyoogaadan, asai a bolli dirbbana.

Isiyaasa 37:20

Ha77i simmi abeet GODAU, nu Xoossau, ne xalaalai GODAA gidiyoogaa sa7aa kawotettati ubbai erana mala, neeni nuna a kushiyaappe wotta ekka!” yaagidi woossiis.

Isiyaasa 5:16

SHin Ubbaappe Wolqqaama GODAI, suure pirddan xoqqu xoqqu gaana; geeshsha Xoossai geeshsha gidiyoogaa ba xillotettan bessana.

Isiyaasa 52:1

Nenoo Xiyoone katamau, beegotta; beegottada minotettaa afalaadan maaya. Nenoo, geeshsha katamau, Yerusalaamee, ne bonchcho maayuwaa maaya; aissi giikko, hagaappe sinttanau qaxxarettibeennaageenne tunai ne giddo gelenna.

Isiyaasa 56:1

GODAI hagaadan yaagees; “Tumu pirddaa naagite; xillobaa hanite; aissi giikko, ta ashettai ellellidi yaana; ta xillotettaikka matan qonccana.

Isiyaasa 57:15

Aissi giikko, merinau de7iyaagee, gitai, xoqqan de7iyaagee, a sunttaikka Geeshshaa geetettiyoogee, hagaadan yaagees; “Taani xoqqu giidanne geeshsha sohuwan de7ais; gidikkonne, bantta oottido nagarau azzanidi simmiyaageetuuranne banttana ziqqi oottiyaageetuura de7ais. Yaatada taani bantta oottido nagarau azzanidi simmiyaageetu ayyaanaanne banttana ziqqi oottiyaageetu wozanaa ooraxissais.

Isiyaasa 60:21

Ne asai ubbai xillo gidana; eti biittiyookka merinau laattana. Eti taani ta bonchchuwaa qonccissanau tokkido puuteta; eti ta kushe oosota.

Isiyaasa 61:11

Biittai carshshaa mokkiyoogaadaaninne ataakilttiyaa sohoikka tokkidobaa dichchiyoogaadan, hegaadankka, Ubbaa Haariya GODAI xillotettaanne galataa kawotetta ubbaa sinttan caarissana.

Isiyaasa 61:3

Hegaadankka qassi, Xiyoonen kayyottiyaageetussi, bidinttaa gishshaa akiliiliyaa, azzanuwaa gishshaa ufaissaa zaitiyaa, daafura ayyaanaa gishshaa galataa qumaashshaa immana mala, tana kiittiis. Eti GODAI ba bonchchuwau tokkido xillo mitta geetettidi xeesettana.

Isiyaasa 66:1

GODAI hagaadan yaagees; “Saloi ta kawotaa araata; sa7aikka ta tohoi yedhdhiyo soho. Yaatin intte taayyo keexxana keettai ai mala keettee? Taani shemppana sohoinne awaanee?

Ermmaasa 23:5

GODAI hagaadan yaagees; “Taani Daawitassi xillo aacaa denttana gallassati yaana. I kawodan kawotananne aadhdhida eratettan haarana; biittan i suurebaanne xillobaa oottana.

Ermmaasa 23:6

I kawotiyo laittan taani Yihudaa ashshana; Israa7eelakka saro wottana. I xeesettana sunttai GODAA, nu Xillotettaa geetettana” yaagees.

Ermmaasa 31:23

Ubbaappe Wolqqaama GODAI, Israa7eela Xoossai, hagaadan yaagees; “Taani Israa7eela asaa omooduwaappe zaarada ishalissiyo wode, Yihudaa biittaaninne a katamatun eti naa77anttuwaa, 'Nenoo xillotettai de7iyo sohuwau, nenoo geeshsha deriyau, GODAI nena anjjo' yaagana.

Daaneela 4:37

“Ha77i simmi taani Naabukadanaxoori saluwaa Kawuwaa galatais; a xoqqu xoqqu oottaisinne bonchchais. Aissi giikko, i oottiyoobai ubbai likke; a ogeti ubbaikka xillo; qassi otoruwan biyaageeta i kaushshanau danddayees” yaagidi xaafiis.

Roome 11:26

Hegaadankka, Israa7eela asai ubbai attana; Xoossaa maxaafai hagaadan yaagees; “Ashshiyaagee Xiyoone giyo katamaappe yaana; yiidi, nagara ooso ubbaa Yaaqooba zariyaappe diggana.

Roome 3:26

ha wodiyan ba xillotettaa bessanau asaa nagaraa aggenna; Xoossai hegaa oottiyoogan i ba huuphen xillo gidiyaagaanne Yesuusa ammaniya ubbaa xillissiyoogaa bessees.