Isiyaasa 33:19 - Wolaytta Bible

¹⁹ Intte qareti bainna asata, intteyyo gelenna haasayaa haasayiya asatanne inxxarssai deddotiyo asata hagaappe sinttan be7ekketa.

Isiyaasa 33:19 ပူးပေါင်းရင်းမြစ်များ

Doomettaabaa 11:7

Haayite; duge wodhdhidi eti issoi haasayiyo qaalaa issoi erenna mala, eta qaalaa dummayoos” yaagiis.

Kawotu Maxaafaa Naa77anttuwaa 19:32

“Hegaa gishshau, Asoore kawuwaabaa GODAI hagaadan yaagees; 'Asoore kawoi ha katamaa gelenna; woikko hagan ba wonddafiyaa dukkenna. I ba gonddalliyaa oiqqidi, ha katamaa sintti aadhdhenna; woikko qassi katamaa yuushuwaa biittaa dooriyan diddiqenna.

Kessaabaa 14:13

SHin Muusee asaa, “Yayyoppite; minni eqqite; GODAI hachchi inttena ashshiyo ashettaa intte be7ana. Hachchi intte be7iyo Gibxxeta naa77antto mulekka be7ekketa.

Isiyaasa 28:11

SHin GODAI allagatu qaalaaninne imattatu doonan ha asaassi haasayana.

Isiyaasa 37:34

Asoore Kawoi ba yiido ogiyaara guyye simmana; i ha katamaa gelenna. Taani GODAI hagaa odais.

Isiyaasa 37:37

Hegaa gishshau, Asoore Kawoi Sanaakireebi denddidi, guyye simmi biidi, Nanawe kataman uttiis.

Ermmaasa 5:15

GODAI inttena hagaadan yaagees; “Inttenoo, Israa7eela asatoo, taani intte bolli haaho biittaappe issi kawotettaa ehais. Inne wolqqaamanne beni kawotetta. Eta qaalaa intte erenna, eta haasayaikka intteyyo gelenna kawotetta.

Koiro Qoronttoosa 14:21

Xoossaa maxaafan, “Godai, ‘Taani ha asaassi, dumma dumma qaalan haasayiya asaaninne imattatu doonaan haasayana. SHin hegaa gidikkokka, taani giyoobaa eti siyokkona’ yaagees” geetettidi xaafettiis.