Isiyaasa 33:15 - Wolaytta Bible

¹⁵ Xillotettan hemettiyaagee, suurebaa haasayiyaagee, suure gidenna ogiyaara beettiya go77aa ixxiyaagee, mattaayiyaa ekkanau ba kushiyaa yeddennaagee, suuttaa gussiyoobaa siyennaadan, ba haittaa tucciyaagee, iitabaa xeellennaadan, ba aifiyaa qilimmiyaagee,

Isiyaasa 33:15 ပူးပေါင်းရင်းမြစ်များ

Iyyooba Maxaafaa 31:7

Ta hemetai ogiyaappe sher77idabaa gidikko, ta wozanaikka ta aifee xeellidobaa amottidabaa gidikkonne, qassi ta kusheekka nagaran tunidabaa gidikko,

Mazamure Maxaafaa 106:3

Pirddaa naagiyaageetinne ubbaton xillobaa oottiyaageeti anjjettidaageeta.

Mazamure Maxaafaa 119:37

Pattennabaa xeellenna mala, ta aifeta teqqa; ne ogiyan ta de7uwaa ooraxissa.

Mazamure Maxaafaa 15:5

ba miishshaa dichchau immennaagaa, xillo asa bolli wordduwaa markkattanau mattaayiyaa ekkennaagaa. Ha yohota oottiyaagee merinaukka qaaxxenna.

Leemiso Maxaafaa 1:10

Ta na7au, nena nagaranchchati balettikko, eeno gooppa.

Leemiso Maxaafaa 1:15

Ta na7au, etaara ogiyaa hemettoppa; ne tohuwaa eta loossuwaa yettoppa.

Leemiso Maxaafaa 10:9

Suure asi saro de7ees; shin geella urai ba mooruwan ohettees.

Leemiso Maxaafaa 15:27

Wordduwan woriyaa demmanau jaamiya asi ba so asaa bolli metuwaa ehees; shin mattaayiyaa ixxiya asi paxa de7ana.

Isiyaasa 58:6

“Taani doorido xoomaa hagaa be7ite: pirddan naaqqidi qachchidoogeetu sanssalataa lefettiyoogaa, qambbaraa gonniyaa birshshiyoogaa, huqqunnettidaageeta huqqunnuwaappe kessiyoogaanne qambbara ubbaa menttiyoogaa.

Isiyaasa 58:8

“Yaatikko, intte poo7oi maallado xalqqiyaadan poo7ana; intte paxatettaikka eesuwan yaana. Intte xillotettai intteppe sinttaara baana; GODAA bonchchoikka intteppe guyyeera gididi, inttena naagana.

Hizqqeela 22:13

“'“Ne giddon de7iya asai bessenna miishshaa ekkiyo gishshaunne shemppuwaa woriyo gishshau, taani hanqquwan ta kushiyaa baqqana.

Milkkiyaasa 2:6

Tumaa higgee eta doonan de7iis; eta inxxarssankka worddoi beettibeenna. Eti tanaara sarotettaaninne suuretettan hemettidosona; qassi darotakka nagaraappe zaaridosona.

Qoodaabaa 16:15

Yaagin Muusee keehi hanqqettidi GODAA, “Neeni eti yarshshiyo yarshshuwaa ekkoppa; taani etappe hare issuwaanne ekkabeikke, woikko taani etappe issi asanne naaqqabeikke” yaagiis.

Maatiyoosa 26:15

Biidi, “Taani intteyyo Yesuusa oittikko, tau ai immuuteetii?” yaagin eti ayyo hasttamu biraa qoppidi immidosona.

Luqaasa 1:6

Eti naa77aikka Xoossaassi xillo gididi, Godaa higgiyaanne azazuwaa ubbaa moorennan, naagidi polidosona.

Luqaasa 19:8

SHin Zakkiyoosi eqqidi Godaa, “Ta Godau, taani taassi de7iya ubbabaappe baggaa hiyyeesau immana; qassi ooppenne wordduwan ekkidobaa gidikko, i bashshido mehiyaassi oiddu kushiyaa ayyo zaarana” yaagiis.

Roome 2:7

Issi issi asati lo77obaa danddayan oottoosona; qassi galataa, bonchchuwaanne xayenna de7uwaa koyoosona; etau Xoossai merinaa de7uwaa immana.

Zaarettido Wogaa 16:19

Xillo pirddaa geellayoppite; som77uwaa xeellidi maaddoppite. Maganxxaa ekkoppite; aissi giikko, maganxxai aadhdhida eranchchatu aifiyaakka qooqissidi, xillotu qaalaakka geellayees.

Yaaqooba 5:4

Akeekite; intte gaden kattaa cakkida asatuyyo qanxxibeenna keraa miishshai waassees; eta waasoi wolqqaama Godaa haittan siyettiis.

Koiro Yohaannisa 3:7

Ta naatoo, ooninne inttena balettoppo. Kiristtoosi xillo gidiyoogaadan, xillobaa oottiya urai xillo.

Sameela Maxaafaa Koiruwaa 12:3

Hekko taani hagan eqqaas; GODAA sinttaaninne i tiyido kawuwaa sinttan ta bolli markkattite. Taani o boora ekkidanaa? O hare ekkidanaa? Oona cimmidanaa? Oona huqqunnidanaa? Ta aifiyaa qooqissanau o kushiyaappe mattaaye miidanaa? Hageetuppe issuwaanne taani oottidobaa gidikko, taani qanxxana” yaagiis.