Isiyaasa 29:5 - Wolaytta Bible

⁵ SHin ne morkketi liiqo baana keena coranne ne meqetti bainnaageetu qoodaikka carkkoi efiyo suullaa keena daro gidana. Qoppennan de7ishin eesuwan,

Isiyaasa 29:5 ပူးပေါင်းရင်းမြစ်များ

Iyyooba Maxaafaa 21:18

Carkkuwaa sinttan eti suullaadan hanido wodee de7ii? Gotee pitti efiyo baanaadan eti hani eriyoonaa?

Mazamure Maxaafaa 1:4

SHin iitati hegaa mala gidokkona; carkkoi pitti efiyo suullaa mala.

Mazamure Maxaafaa 35:5

GODAA kiitanchchai eta yedettiyo wode, eti carkkuwaa sinttan de7iya suullaadan hanona.

Isiyaasa 13:11

GODAI hagaadan yaagees, “Taani ha sa7aa a iitatettaa gishshau, iitatakka eta nagaraa gishshau qaxxayana. Taani otoranchchatu otoruwaa shaarana; meqettaa iitatu otoruwaakka kaushshana.

Isiyaasa 25:3

Hegaa gishshau, mino asati nena bonchchana; meqetti bainna kawotettatu katamatikka neessi yayyana.

Isiyaasa 25:4

Neeni hiyyeesau baqati attiyo soho. Metootanchchaukka ba metuwaa wode baqati attiyo soho, uushuwaappe sheephetiyo sohonne awaa seelaappe attiyo kuwa gidadasa. Aissi giikko, meqetti bainna asaa hanqqoi gimbbiyaa shociya uushuwaa malanne

Isiyaasa 25:5

bazzo biittaa mishuwaa mala. Awaa mishoi shaaraa kuwan gabbi giyoogaadan, neeni allagatu wocamaa haizissadasa; yaatin, meqetti bainna asatu yettai sirphphi giis.

Isiyaasa 29:20

Meqetti bainnaageeti wurana. Qilliicciyaageeti tim77i gaana. Iitabaa oottanau wochchiyaageeti ubbai xayana.

Isiyaasa 30:13

ha nagarai intteyyo za77idi wodhdhiya, akeekennan eesuwan kunddiya adussa gimbbiyaa mala gidana.

Isiyaasa 31:3

Gibxxe biittaa asati asappe attin, xoossa gidokkona. Eta paratikka ashoppe attin, ayyaana gidokkona. GODAI hanqquwan ba kushiyaa micciyo wode, maaddiyaagee xubettana; maadettiyaageekka kunddana; eti ubbaikka issippe xayana.

Isiyaasa 31:8

Tamai Xiyoonen, coocee Yerusalaamen de7iyo GODAI hagaadan yaagees; “Asooree asabaa gidenna bisuwan kunddana; asabaa gidenna bisoi eta maana. Eti bisuwaa sinttappe baqatana; eta wodalla asati deexo oosuwau azazettana.

Isiyaasa 37:36

He gallassi qammi GODAA kiitanchchai kiyidi, Asoore asai dunkkaanidosan, issi xeetanne hosppun tammanne ichchashu sha7u attumaasaa woriis. Yaatin, asai maallado suuridi be7iyo wode, haiqqida asaa ahai hegan kumiis.

Isiyaasa 40:15

Be7ite, kawotettati gombbo giddon de7iya issi xohetta haatta mala. Eti meezaanan de7iya guutta baanadan qoodettidosona. Be7ite i haruurota liiqo baanadan denttees.

Isiyaasa 41:11

“Be7a, nena hanqqettiya ubbai yeellatidi kauyyana; nenaara eqettiyaageeti kasekka bainnabaadan hanidi xayana.

Isiyaasa 41:15

Be7a, taani nena ooratta, qaranne achchaara de7iya, qoxxanau go7ettiyo miishsha oottaas. Neeni dereta qoxxada liiqissana; keratakka suullaadan oottana.

Isiyaasa 41:16

Neeni eta suraggana; suraggin carkkoi eta efaana; goteekka eta laalana. SHin neeni GODAN ufaittana; qassi Israa7eela geeshshan bonchchettana.

Isiyaasa 47:11

SHin neeni waata daadumatada haassanaakko erenna iitai ne bolli yaana. Neeni waagaa qanxxanau danddayenna boshai ne bollan wodhdhana; qassi neeni aibanne erenna bashshai qoppennan ne bolli yaana.

Isiyaasa 48:3

“Taani kase hanidabata daro wodiyaappe kase yootaas; ta doonaappe eti kiyidosona. Kiyin eti eesuwan polettanaadan, taani oottaas.

Amoxa 5:9

I qatota laalanau wolqqaamatu bolli bashshaa ehees.

Koiro Tasalonqqe 5:3

Asai, “Ubbabai saro; aibikka hanenna” giishin, maccaasaa maaretai oiqqiyoogaadan, bashshai eti qoppennan eta bolli yaana. Eti mulekka kessi ekkokkona.