Isiyaasa 25:1 - Wolaytta Bible

¹ Abeet GODAU, neeni ta Xoossaa. Taani nena xoqqu xoqqu oottana; ne sunttaakka galatana. Aissi giikko, neeni polo ammanettiyoogan beniisappe halchchettidi de7iya maalaalissiya oosota oottadasa.

Isiyaasa 25:1 ပူးပေါင်းရင်းမြစ်များ

Mazamure Maxaafaa 111:4

I ba maalaalissiya oosoti hassayettanaadan oottiis. GODAI qarettiyaagaanne maariyaagaa.

Mazamure Maxaafaa 118:28

Neeni ta Xoossaa; taani nena galatana. Neeni ta Xoossaa; taani nena gitayana.

Mazamure Maxaafaa 145:1

Abeet ta Xoossau, ta kawuwau, taani nena gitayananne ne sunttaa meri merinau galatana.

Mazamure Maxaafaa 146:2

Ta de7o laitta ubban taani GODAA galatana; taani de7ido keenan ubban ta Xoossaa sabbana.

Mazamure Maxaafaa 31:15

Ta de7oi ne kushiyaana. Tana yedettiya ta morkketu kushiyaappe tana neeni ashsha.

Mazamure Maxaafaa 40:5

Abeet GODAU, ta Xoossau, neeni daro maalaalissiyaabaa oottadasa; nenaara likkettiyai ooninne baawa! Neeni nuuyyo qoppido lo77o qofaa ooninne qoodanau danddayenna. Hegee taani yootin, wuriyaabaa gidenna.

Mazamure Maxaafaa 40:6

Neeni yarshshonne imo koyabaakka; shin siyana mala, taayyo haittaa dooyadasa. Xuuggiyo yarshshuwaanne nagaraa yarshshuwaa neeni koyabaakka.

Mazamure Maxaafaa 46:10

Co77u giite; taani Xoossaa gidiyoogaa erite. Taani kawotettatu giddon xoqqais. Qassi biittaa bollankka xoqqais.

Mazamure Maxaafaa 75:2

Xoossai hagaadan yaagees; “Doorada keerido gallassi, suure pirddaa pirddana.

Mazamure Maxaafaa 78:4

He yohota nuuni nu naatuppe qosokko; GODAAYYO bessiya galatata, a wolqqaanne garamissiya a oosuwaa yiya yeletaukka nuuni yootana.

Mazamure Maxaafaa 89:1

Abeet GODAU, aggenna ne siiquwaabaa taani merinau yexxana. “GODAI ammanettiyaagaa” gaada, yeleta ubbaayyo ta doonan awaajjana.

Mazamure Maxaafaa 98:1

GODAAYYO ooratta yettaa yexxite; aissi giikko, i maalaalissiyaabaa oottiis. A ushachcha kusheenne a geeshsha qesee ayyo xoonuwaa immiis.

Mazamure Maxaafaa 99:5

GODAA nu Xoossaa xoqqu xoqqu oottite; a gedee yedhdhiyoosan gufannidi au goinnite. I geeshshattennee!

Kessaabaa 15:2

GODAI ta wolqqaanne ta mazamuriyaa; i tana ashshiyaagaa gidiis. I ta Xoossaa; taani a sabbana. I ta aawaa Xoossaa; taani a xoqqu xoqqu oottana.

Isiyaasa 11:5

Xillotettai a xeessau dancco gidana; ammanettiyoogeekka a miyyiyau qabatto gidana.

Isiyaasa 12:1

He wode intte hagaadan yaagana; “Abeet GODAU, neeni tana hanqqettadasa; hanqquwaappekka simmadasa; yaatada tana minttettadasa. Hegaa gishshau, taani nena galatais.

Isiyaasa 26:13

Abeet GODAU, nu Xoossau, neeppe harati nuna haaridosona; shin nuuni ne sunttaa xalaalaa bonchchoos.

Isiyaasa 26:8

Ee GODAU, ne higgiyaa ogiyan hemettiiddi, nuuni nena naagoos. Nu wozanaa amoi ne sunttaa bonchchanaagaa xalaala.

Isiyaasa 28:29

Hageekka qassi maalaalissiya zoriyaa zoriya, oosuwaakka aadhdhida eran oottiya Ubbaappe Wolqqaama GODAAPPE yees.

Isiyaasa 40:27

Nenoo Yaaqoobaa, nenoo Israa7eelaa, “Ta ogee GODAAPPE geemmiis; Xoossai ta pirddaa shenehoo giis” yaagada aissi amassalai? Qassi aissi hegaadan gaada haasayai?

Isiyaasa 46:10

'Ta qofai minnana; qassi taanikka ta halchchuwaa ubbaa polana' yaagais. Wurssettan hananabaa doomettan, qassi biron hanibeenna yohota beni wodiyaappe doommada awaajjais.

Isiyaasa 46:11

Arshsho baggappe bonqqiya kafo, haaho biittaappe ta qofaa poliya asa taani xeesada, taani giidoogaa taani polana; taani halchchidobaakka taani oottana.

Isiyaasa 49:4

SHin taani hagaadan yaagaas; “Taani mela coo daafuraas; ta wolqqaakka go77ennabaaninne hadaban coo wurssaas. Ta pirddai GODAA mataana; ta waagaikka ta Xoossaa mataana” yaagaas.

Isiyaasa 49:5

Ha77ikka, taani GODAA aifiyaa sinttan bonchchettido gishshaunne ta Xoossai taayyo wolqqa gidido gishshau, Yaaqooba akko zaaranaunne Israa7eela akko shiishshanau, taani au ashkkara gidanaadan, tana ta aayee uluwan tilida GODAI hagaadan yaagees;

Isiyaasa 61:10

Taani GODAN keehippe ufaittais; ta shemppiyaakka ta Xoossan hashshu gausu. Aissi giikko, bullachchiyaagee ba huuphiyan ciishsha akiliiliyaa wottiyoogaadan, bullashettiyaarakka dumma dumma alleequwan alleeqettiyoogaadan, i tana atotettaa maayuwaa maizziis; xillotettaa qumaashshaakka bollaara taayyo gujjiis.

Isiyaasa 7:13

Yaatin, Isiyaasi, “Inttenoo, Daawita zaretoo, siyite! Intte asaa daafurssiyoogee ai guuxxin, qassi ta Xoossaa daafursseetii?

Yuu7eela 2:26

Maanau intteyyo daro qumai de7ana. Hegaa gishshau, intte kallananne maalaalissiyaabaa intteyyo oottida GODAA intte Xoossaa sunttaa galatana. Qassi ta asai naa77antto mulekka yeellatenna.

Qoodaabaa 23:19

Xoossai worddotanau asa gidenna; ba qofaa laammanau i asa na7a gidenna. I yootidi, ba yootidoogaa oottennee? Woikko i ba giidobaa polennee?

Efisoona 1:11

Ubbabai Xoossaa qofaadaaninne i giidoogaadan haniis; Xoossai kasetidi qoppi wottidoogaadan, Kiristtoosa baggaara nuuni aageeta gidanaadan, nuna dooriis.

Ajjuutaa 15:3

Eti Xoossaa ashkkaraa Muuse mazamuriyaanne Dorssaa mazamuriyaa hagaadan yexxidosona. “Godau, Ubbaappe Wolqqaama Xoossau, ne oosoi gitanne garamissiyaagaa. Asa zare ubbaa Kawuwau, ne ogee xillonne tuma.

Ajjuutaa 19:11

Yaatin, saloi dooyettidaagaa taani be7aas. Hegan bootta parai de7ees; he paraa toggidaagaa Ammanettiyaagaanne Tumanchchaa giidi xeegettees. Toggidaagee xillotettan pirddeesinne ba olaakka olettees.

Ajjuutaa 7:12

“Amin77i! Anjjoi, bonchchoi, aadhdhida eratettai, galatai, sabai, wolqqai, minotettai merinaappe merinaa gakkanaassi nu Xoossaayyo gido. Amin77i!” yaagidosona.