Isiyaasa 24:22 - Wolaytta Bible

²² Eti ollan de7iya qasho asatudan, issippe shiiqana; shiiqidi qasho keettan gorddettidi uttana. Qassi daro gallassaappe guyyiyan, eti qaxxayettana.

Isiyaasa 24:22 ပူးပေါင်းရင်းမြစ်များ

Isiyaasa 10:4

Intte olan haiqqana; qachchidi goochchin, intte baana. Hegee ubbai haninkka, GODAA hanqqoi wuribeenna; qaxxayanau i ba kushiyaa yeddi wottiis.

Isiyaasa 2:19

GODAI ha biittaa qaattanau denddiyo wode, a dagamaappenne a anggaa bonchchuwaappe attanau asai shuchchaa gonggoluwaunne biittaa ollau baqatana.

Isiyaasa 24:17

Inttenoo, sa7aa bollan de7iya asatoo, dagamai, aafoinne piree inttena naagees.

Isiyaasa 42:22

SHin hagee asai bonqqettiisinne wotti ekettiis. Eti ubbaikka diizzan ohettidi, qasho keettan qosettidosona. Eti bonqqettidosona; shin eta ashshiyaabi baawa. Qassi omoodettidosona; shin ooninne, “Zaarite” yaagiyaabi baawa.

Hizqqeela 38:8

Daro wodiyaappe guyyiyan, neeni koyettana; sinttappe yaana laittatun neeni daro wodiyaa baisa gididi de7ida biittaa, olaappe shemppida biittaa, an de7iya asai daro kawotettatuppe Israa7eela deretukko shiiqido biittaa woraajjana. Eti daro kawotettatuppe shiiqidaageetanne ubbaikka ha77i saruwan de7iyaageeta.

Zakkaariyaasa 9:11

GODAI hagaadan yaagees; “Nena gidikko, qassi taani nenaara maacettido maachchaa suuttaa gishshau, ne asata eti qashettido haatti bainna ollaappe taani kessada yeddana.

Zakkaariyaasa 9:12

Inttenoo sinttanaa ufaissai de7iyo qasho asatoo, intte qatuwau simmite; kaseegaa gishshaa dakko aquwaa intteyyo immanaagaa hachchi taani intteyyo awaajjais.

Ajjuutaa 20:2

Kiitanchchai miimminttiyaa, he ceega shooshshaa, xalahe halaqaa woi Seexaanaa giyoogaa oiqqiis; oiqqidi sha7u laittau qachchiis.