Isiyaasa 23:2 - Wolaytta Bible

² Inttenoo, abbaa lanqqiyan de7iya asatoo, inttenoo Sidoona katamaa zal77anchchatoo, co77u giite! Intte kiittiyo asati abbaa pinnidosona.

Isiyaasa 23:2 ပူးပေါင်းရင်းမြစ်များ

Mazamure Maxaafaa 46:10

Co77u giite; taani Xoossaa gidiyoogaa erite. Taani kawotettatu giddon xoqqais. Qassi biittaa bollankka xoqqais.

Isiyaasa 41:1

GODAI hagaadan yaagees; “Inttenoo abbaa doonan de7iya biittatoo, co77u giidi, taani yootiyoogaa siyite! Asai bantta minotettaa ooraxissona; eti haa shiiqona; shiiqidi haasayona. Ane nuuni pirddettanau issippe shiiqoos.

Isiyaasa 47:5

GODAI hagaadan yaagees; “Bii Kaladaawetu na7ee, ba; baada xuman co77u gaada uttaaga. Aissi giikko, hagaappe sinttau neeni kawotettatu kawiyo geetettakka.

Hizqqeela 28:2

“Laa asa na7au, Xiiroosa halaqaayyo hagaadan yaagada yoota; 'Ubbaa Haariya GODAI hagaadan yaagees; “Ne wozanai otorettido gishshau, 'Taani xoossa; taani abbaa giddo ginan, xoossatu araatan uttaas' yaagadasa. Neeni, 'Taani xoossadan, aadhdhida eranchcha kiyaas' gaada qoppikkonne, neeni asappe attin, xoossa gidakka.

Hizqqeela 28:21

“Laa asa na7au, ne som77uwaa Sidoona katamaakko zaarada, a bolli hananabaa yoota.

Imbbaaqooma 2:20

“SHin GODAI ba geeshsha Beeta Maqidasiyaana. Hegaa gishshau, biittan sa7an de7iya asai ubbai a sinttan co77u go” yaagiis.