Isiyaasa 23:11 - Wolaytta Bible

¹¹ GODAI abbaa bollan ba kushiyaa micciis; i kawotettaakka qaattiis; Kanaane biittaa qatota laalana mala, GODAI azazuwaa immiis.

Isiyaasa 23:11 ပူးပေါင်းရင်းမြစ်များ

Doomettaabaa 9:25

Eridi a, “Kanaani qanggettidaagaa gido! I ba ishanttuyyo wurssetta aille gidana” yaagiis.

Mazamure Maxaafaa 46:6

Dere asai shabbarettees; kawotettati qaaxxoosona. Xoossai ba qaalaa sissido wode, sa7ai seerees.

Mazamure Maxaafaa 71:3

Neeni taani geemmiyo wogga zaallanne tana ashshiya mino qato gida. Ee, neeni ta wogga zaallaanne ta qato.

Kessaabaa 14:21

Hegaappe guyyiyan Muusee abbaa bollan ba kushiyaa micciis; GODAI he gallassi qamma ubban arshsho wolqqaama carkkuwaa yeddidi, abbaa guyye zaariis; zaaridi mela biitta kessiis. Haattai shaahettiis.

Isiyaasa 10:6

Taani Asooreta Xoossaa erenna kawotettatu bolli kiittana; eta duretaa ubbaa omooddanaadaaninne bonqqanaadan, qassi ogiyan de7iya urqqaadan, eta yedhdhanaadan, tana hanqqetissida asaa bolli taani Asooreta azazana” yaagiis.

Isiyaasa 13:13

Hegaa gishshau, Ubbaappe Wolqqaama GODAA hanqquwan, a hanqquwaa suuluwaa gallassi taani salota kokkorssana; sa7aikka ba de7iyoosaappe qaaxxana” yaagees.

Isiyaasa 14:26

Sa7au muliyau qofettida qofai hagaa; kawotettatu ubbaa bollan micettida kusheekka hagaa.

Isiyaasa 19:5

Naile SHaafaa haattai melana; shaafaikka leelan leelan meli aggana.

Isiyaasa 2:19

GODAI ha biittaa qaattanau denddiyo wode, a dagamaappenne a anggaa bonchchuwaappe attanau asai shuchchaa gonggoluwaunne biittaa ollau baqatana.

Isiyaasa 23:10

Inttenoo, Xiiroosa biittaa asatoo, inttena teqqiyaabi bainna gishshau, Naile SHaafaadan, intte biittaa bollan kumidi goggite.

Isiyaasa 23:3

Intte kawotettaassi geliyaagee Naile SHaafaappe cakettida SHihoora biittaa kattaa. Intte kawotettatussi zal77iyaa zal77iyo soho.

Isiyaasa 25:2

Neeni katamaa shuchcha doore oottadasa; minuwan gimbbettida katamaa qoladasa. Allagatu kawo keettaakka naa77antto katama gidennaadan oottadasa. Simmidi mulekka keexettenna.

Isiyaasa 5:25

Hegaa gishshau, GODAA hanqqoi a asaa bolli eexxi kiyees; i ba kushiyaa eta bolli denttidi, eta diippees. Dereti qaaxxoosona; haiqqida asaa ahai ogiyan buura mala gidees; yaaninkka a hanqqoi simmenna; a kushee ha77ikka denddidosan de7ees.

Isiyaasa 50:2

Taani yiido wode, aibissi hegan asi xayidee? Taani xeesido wode, 'Yee!' gaanau aibissi asi hegan de7ibeennee? Taani inttena wozanau ta kushee qantteeyye? Woikko inttena ashshanau taayyo wolqqi baaweeyye? Be7ite, taani seerada abbaa melissais. SHaafatakka bazzo oottais. Etan de7iya moleti haattai xayin wooqqoosona; saamoi worin haiqqoosona.

Ermmaasa 47:7

SHin GODAI a azazirggin, i waani co77u go geetii? Asqqaloona bollinne abbaa xanxxa biittan de7iya asaa bolli i a sunttirggiis” yaagees.

Hizqqeela 26:10

A parati daro gidiyo gishshau, eti denttiyo baanai nena kammana. Paratinne paratu gaareti laalettida katamaa dirssaa penggiyaa geliyoogaadan, geliyo wode, eti sissiyo caagettainne giirettai ne dirssaa gimbbiyaa qaattana.

Hizqqeela 26:4

Eti ne dirssaa gimbbiyaa qolana; ne miixaakka laalana. Taani nena biitta ubbaa qucci efirggin, kallo de7iya zaalla oottana.

Hizqqeela 31:16

Taani he mittaa Si7ooliyan oliyo wode, a kunddettaa cenggurssan kawotettai ubbai qaaxxana. Kunddidi Si7ooliyan gelida Edene mittatinne haattaa uyiya doorettidanne lo77o Liibaanoosa mittati ubbai a kunddettan minettana.

Naahooma 1:14

Nanawee, GODAI ne bolli pirddido pirddai hagaadan yaagiyaagaa; “Hagaappe sinttanau ne sunttaa xeesissiya zeretti neeyyo de7enna. Ne xoossatu keettan de7iya misiletanne eeqata taani xaissana. Neeni hanttaara gidido gishshau, taani ne duufuwaa bookkana” yaagiyaagaa.

Hagge 2:7

Kawotettata ubbaakka qaattana; qaattada kawotettatu ubban de7iya aqoi haa yaanaadan oottana. Taani Ubbaappe Wolqqaama GODAI ha Beeta Maqidasiyaa bonchchuwan kunttana.

Zakkaariyaasa 14:21

Yerusalaameeninne Yihudan de7iya oto ubbai Ubbaappe Wolqqaama GODAASSI geeshsha gidana; yaatobare yarshshuwaa yarshshiya asai ubbai yiidi, he otota ekkidi, yarshshuwaa ashuwaa etan kattana. He gallassi Ubbaappe Wolqqaama GODAA Beeta Maqidasiyaa giddon ai zal77anchchinne de7enna.

Marqqoosa 11:17

Yesuusi asaa hagaadan yaagidi tamaarissiis; “Xoossaa maxaafan, ‘Ta keettai Aihuda gidenna asai ubbai Xoossaa woossiyo keetta geetettana’ yaagettidi xaafetti uttiis; shin intte a panggati qosettiyo gonggolo kessideta” yaagiis.

Yohaannisa 2:16

Haraphphiyaa baizziyaageeta i, “Ha haraphpheta hagaappe kessite; ta Aawaa keettaa giya oottoppite!” yaagiis.