Isiyaasa 19:13 - Wolaytta Bible

¹³ Xo7aane katamaa haariyaageeti eeyyidosona; Memppisa katamaa haariyaageetikka cimettidosona. Gibxxe asaa zariyaa giddoppe asaa kaalettiyaageeta giidi wottidoogeeti Gibxxe balettidosona.

Isiyaasa 19:13 ပူးပေါင်းရင်းမြစ်များ

Isiyaasa 19:11

Xo7aane katamaa haariyaageeti mulekka eeyya; aadhdhida eranchcha giyo Gibxxe kawuwaa zoriyaageetu zoreekka damma. Yaatin, intte Gibxxe kawuwaayyo, “Nuuni aadhdhida eranchchatu naata; nuuni beni kawotu naata” gaanau waanidi danddayeetii?

Ermmaasa 2:16

Hegaa bollikka Memppisanne Xaafinaasa asati a liiphiyaa meedidosona.

Ermmaasa 44:1

Gibxxe biittan Migidoola, Xaafinaasanne Memppisa geetettiya katamatuuninne tohossa baggaara de7iya Patiroosa biittan de7iya Aihudata xeelliyaagan GODAA qaalai Ermmaasakko hagaadan yaagiiddi yiis;

Ermmaasa 46:14

“Hagaa Gibxxen yoota; qassi Gibxxe katamatun Migidoolan, Memppisaaninne Xaafinaasan awaajja. 'Olai intte yuushuwan de7iya asaa ubbaa wurssiiddi de7iyo gishshau, denddi eqqidi giigettite!' yaaga.

Ermmaasa 46:19

Inttenoo, Gibxxe biittan de7iyaageetoo, omooduwan baanau giigite. Aissi giikko, Memppisa katamai kolettidi, ooninne de7enna bazzo gidana.

Hizqqeela 30:13

“'Ubbaa Haariya GODAI hagaadan yaagees; “Memppiisa kataman de7iya eeqatanne misileta ubbaa taani xaissana; Gibxxe biittan naa77antto halaqi de7enna; biitta ubbaa taani yashissana.

Hizqqeela 30:14

Taani Patiroosa giyo tohossa bagga Gibxxe baisa kessana; huuphessa baggaara de7iya Xo7aane kataman tamaa yeddana; Teebisa katamaakka qaxxayana.

Hizqqeela 30:16

Taani Gibxxen tamaa oittana; Pelusiyaamikka keehi tuggatana; Teebisa dirssaa gimbbee kolettana; Memppiisa kataman duuxxenna metoi gakkana.

Hoose7a 9:6

Eti bashshaappe kessi ekkikkokka, Gibxxee eta shiishshana; shiishshin Memppisa giyo katamai eta moogana. Eti shiishshido bira miishsha ubbai dooyee maayin attana; eta dunkkaaniyaa giddonkka buloi buuzoi mokkana.

Zakkaariyaasa 10:4

Yihudaa asaa giddoppe kaalettiyaageeti kiyana; eti keettau zooziyan wottiyo shuchchadan, dunkkaane xishedaaninne ola miishshadan mino gidana.

Qoodaabaa 24:17

Taani a be7ais; shin wodee ha77a gidenna; taani a xeellais; shin matan gidenna. Yaaqooba zariyaappe xoolinttee kiyana. Israa7eelappe kawotaa xam77ai kiyana. Moo7aaba asaa som77uwaa i gaacci qolana. Seeta asaa ubbaa huuphiyaa i kinchchana.

Roome 1:22

Eti banttana aadhdhida eranchcha goosona; shin eti eeyya.

Koiro PHeexiroosa 2:7

Hegaa gishshau, ha shuchchai intteyyo ammaniyaageetuyyo daro al77o; shin ammanennaageetuyyo, “Gimbbiyaageeti karidi ixxido shuchchai godaa xaphuwaa minttiya, ubbaappe aadhdhiya shuchcha gidiis” yaagees.

Sameela Maxaafaa Koiruwaa 14:38

Yaanin Saa7ooli, “Olanchchata halaqatoo, ubbai haayite; hachchi aiba nagari oosettidaakkonne ane qoridi demmoos.