Isiyaasa 14:19 - Wolaytta Bible

¹⁹ SHin neeni ixettida tashedan, ne duufuwaappe gaxi olettadasa; ne ahai bisuwan cadetti haiqqida ahan, qassi ollan de7iya shuchchatukko duge wodhdhiyaageetu ahan kamettiis. Neeni tohuwan yerettida aha mala gidadasa.

Isiyaasa 14:19 ပူးပေါင်းရင်းမြစ်များ

Kawotu Maxaafaa Koiruwaa 21:19

Neeni a hagaadan yaaga; 'GODAI nena, “Bitaniyaa worada, a gadiyaa neeyyo ekkadasa gidikkii?” yaagees' yaaga. Qassikka a, 'GODAI nena, “Naabute suuttaa kanati laaccido sohuwan ne suuttaakka kanati laaccana” yaagees' yaaga” yaagiis.

Kawotu Maxaafaa Koiruwaa 21:24

Akaaba zare gididi kataman haiqqiya oonanne kanai maana; qassi gaxariyan haiqqiya oonanne saluwaa kafoti maana” yaagiis.

Kawotu Maxaafaa Naa77anttuwaa 9:25

Kunddin Yeehu gadaawaa Bidiqaara, “Yoraama denttada, kase Iziraa7eeliyaa Naabute gaden ola. Neenne taanne issippe Yoraama aawaa Akaaba kaallidi toggidi biishin, GODAI a bolli hananabaa giidi yootidoogaa hassaya.

Isiyaasa 13:15

Beettidai ooninne cadettana; oiqettidai ooninne bisuwan haiqqana.

Isiyaasa 14:18

“Kawotettatu kawoti ubbai ba duufuwan duufuwan bonchchuwan zin77ana.

Isiyaasa 34:3

Etappe woridoogeeti olettana; eta ahai xinqqana. Wogga dereti eta suuttan kamettana.

Isiyaasa 5:25

Hegaa gishshau, GODAA hanqqoi a asaa bolli eexxi kiyees; i ba kushiyaa eta bolli denttidi, eta diippees. Dereti qaaxxoosona; haiqqida asaa ahai ogiyan buura mala gidees; yaaninkka a hanqqoi simmenna; a kushee ha77ikka denddidosan de7ees.

Ermmaasa 16:6

Gitatikka guuttatikka ha biittan haiqqana; eti moogettokkona. Ai asinne etau yeekkenna; ai asinne etau qaacenna woikko huuphe meedissidi kayyottenna.

Ermmaasa 22:19

A moogoikka hariyaa mooguwaa mala gidana. A ahai gooshettidi, Yerusalaame penggetuppe ya baggan olettana” yaagees.

Ermmaasa 41:7

Eti katamaa giddo geliyoorin, Isimaa7eelinne aara de7iya asati he asata woridi, ollan oli aggidosona.

Ermmaasa 41:9

Isimaa7eeli worido asaa ubbaa olido ollai, Israa7eela kawoi Baa7ishi olanau yiido wode, Kawoi Asi bookissido gita ollaa. Nataaniyaa na7ai Isimaa7eeli he ollaa ahan kunttiis.

Ermmaasa 51:4

Eti Baabiloone biittan siifetti wurana; eta katamatu ogetunkka cadetti kunddana.

Hizqqeela 32:23

He duufoti ciimma ollatuppe hirkki xaggattiyaasan de7oosona. A olanchchati, kase kawotettata ubbaa yashshan kokkorssidaageeti, ha77i a yuushuwan de7oosona.

Hizqqeela 32:27

Kase olanchchati moogettiyoogee bantta kumetta ola miishshaara; eta gonddalleta eta tiran wottin, eta bisota eta huuphessan wottin, moogettidosona. SHin hageeti hegaa mala kumetta bonchchoi imettin moogettibookkona. Eti kase kawotettata yashissidaageeta.