Isiyaasa 13:7 - Wolaytta Bible

⁷ Hegaa gishshau, kushe ubbai hilssi gaana; asa ubbaa wozanaikka seerana.

Isiyaasa 13:7 ပူးပေါင်းရင်းမြစ်များ

Mazamure Maxaafaa 58:7

Eti goggi xayiya haattaadan xayona. Eti bantta wonddafiyaa dukkiyo wode, zubbiyaa xeeran caddiya aifee xayo.

Kessaabaa 15:15

He wode Eedooma biittaa halaqati dagammidosona. Moo7aaba biittaa haariyaageeta yashshai kokkorssiis. Kanaane asati maashidosona.

Isiyaasa 19:1

Gibxxe biittaabaa GODAI hagaadan yaagees; “Be7ite, GODAI eesotiya shaaraa toggidi, Gibxxe yees. Gibxxe eeqati a sinttan kokkorana; Gibxxe asaa wozanaikka eta giddon seerana” yaagees.

Isiyaasa 37:27

Hegaa gishshau, eta asaayyo wolqqai ixxin, eti kauyyidosonanne yeellatidosona. Eti gade maataa mala; goshshan mokkida carshshaa mala. Eti keettaa huuphiyan mokkiya sharafaadaaninne ka77ennan de7ishin, leegee miido kattaadan hanidosona.

Isiyaasa 51:20

Ne naati labbanidosona; eti gitiyaa giddon gelida genesseedan, oge ubbaa gaxan kunddidosona. Eti GODAA hanqquwaaninne ne Xoossaa seeran kumidosona.

Ermmaasa 50:43

“Baabiloone kawoi eta oduwaa siyiis; siyin a kushee daafuridi, hilssi giis; maaretai oiqqido maccaaseedan, un77oi a oiqqiis.

Ermmaasa 51:30

Baabiloone olanchchati olaa olettiyoogaa aggidosona; aggidi bantta qatuwan utti bayidosona. Eta wolqqai hitiis; hitin eti maccaasa mala gididosona. Eta keettatikka xuugettidosona; eta katamaa yuushuwaa gimbbiyaa penggetikka meqqidosona.

Hizqqeela 21:12

“'“Laa asa na7au, yeekkanne zilaala! Aissi giikko, he bisoi giigettidoogee ta asaa bollaananne Israa7eela halaqatu ubbaa bollaana. Halaqatikka ta asaara issippe bisuwan haiqqana. Hegaa gishshau, ne tiraa baqqa.

Hizqqeela 21:7

Eti nena, 'Aissi yeekkai?' giidi oichchiyo wode, hagaadan yaaga; 'Sinttaara yiya iita oduwaassi yeekkais. Wozani ubbai yashshan seerana; kushe ubbai arggaacana; eta goobatettai ubbai etappe kichchana; gulbbata ubbaikka kokkorana. He wodee gakkiis! I tumu polettana! Taani Ubbaa Haariya GODAI hagaa odais' yaaga” yaagiiddi yiis.

Hizqqeela 7:17

Kushe ubbai doccana; gulbbata ubbaikka haattaadan hanana.

Naahooma 1:6

A hanqquwaa sinttan eqqanai oonee? A hanqquwaa suuluwaakka danddayanai oonee? A hanqqoi tamaadan bukkiyo wode, zaallati za77idi phalqqettoosona.

Naahooma 2:10

Nanawe katamai baisa gidiis; qassi onidi, bazzo gidiis! Asaa wozanai yashshan seeriis; gaadeekka kokkoriis; asa ubbaa xeessai gajigajiis; som77oikka bullattiis!

Naahooma 2:11

Gaammotu geesso mala, wodala gaammoti de7iyo soho malanne attumanne macca gaammoti bantta maratuura eta yashissiyaabi bainnan, yuuyiyo wora mala gidida Nanawe katamai ha77i awan de7ii?

Yaasu Maxaafaa 2:11

Nuuni hegaa siyido wode, nu wozanai maashiis; asai ubbai intteyyo xaliyoogaa aggi bayiis. Aissi giikko, GODAI intte Xoossai bolla saluwaanikka garssa sa7aanikka Xoossa.