Ibraawe 4:13 - Wolaytta Bible

¹³ Nuuni oottiyoobaa wochchiya Xoossaa sinttan ubbabaikka beettiyoogaappenne qoncciyan de7iyoogaappe attin, a aifiyan geemmiya mereti aibinne baawa.

Ibraawe 4:13 ပူးပေါင်းရင်းမြစ်များ

Hanidabaa Odiya Koiro Maxaafaa 28:9

“Solomonaa, ta na7au, ne aawaa Xoossaa era. Ne kumetta wozanaaninne ne eeno giya qofan ayyo ootta. Aissi giikko, GODAI wozanaa ubbaa qorees; qofan de7iya halchchuwaa ubbaakka erees. Neeni a koyikko, i neeyyo beettana; shin neeni a aggikko, i nena merinau aggi bayana.

Hanidabaa Odiya Naa77antto Maxaafaa 16:9

Aissi giikko, ba kumetta wozanaappe GODAN ammanettiya asa minttettanau GODAA aifee sa7aa bollan ubbasaa xeellees. Neeni ha yohuwan eeyyadasa; hegaa gishshau, hachchippe doommin, neeppe oli shaahettenna” yaagiis.

Hanidabaa Odiya Naa77antto Maxaafaa 6:30

neeni de7iyoosan saluwan siya. Siyada eta nagaraa atto yaaga; yaatada etau ootta. Neeni asaa wozanaa eriyoogaadankka asa ubbau a oosuwaadan oosuwaadan imma. Aissi giikko, asaa ubbaa wozanaa eriyai ne xalaala.

Iyyooba Maxaafaa 26:6

Xoossaa sinttan Si7ooleekka qoncce; aibinne a genttanau danddayenna.

Iyyooba Maxaafaa 34:21

“Xoossai asaa hemetaa xeellees; a tanggo ubbaakka wochchees.

Iyyooba Maxaafaa 38:17

Haiquwaa penggeta nena oonakko bessidee? Woikko sakkana xumaa penggeta be7adii?

Mazamure Maxaafaa 139:4

Abeet GODAU, taani ta inxxarssan issi qaala haasayanaappe kasetada, neeni ta qofaa ubbaa eraasa.

Mazamure Maxaafaa 7:9

Qofaanne wozanaa qorada eriya xillo Xoossau, iitatu geniyaa neeni xaissa. SHin xilluwaa sarotan mintta wotta.

Mazamure Maxaafaa 90:8

Neeni nu iita oosuwaa ne sinttan wottadasa; qassi nu geemmida nagaraa ne sintta poo7uwaakko aattadasa.

Leemiso Maxaafaa 15:11

Harai attin, duufoikka bashshaikka GODAA sinttan qoncciyan beettoosona. Yaatin, asa wozanaa qofai waani appe geemmanee?

Leemiso Maxaafaa 15:3

GODAA aifeti ubbasaa xeelloosona; iitaa oottiyaageetakka lo77uwaa oottiyaageetakka be7oosona.

Leemiso Maxaafaa 5:21

Aissi giikko, asi oottiyoobaa ubbaa GODAI be7ees; i hemettiyo loosso ubbaa xeellees.

Eranchchaa Maxaafaa 12:14

Xoossai ooso ubbaa bollan, qassi geemmida yoho ubbaa bollan, lo77o gidin, iita gidinkka pirddanau de7ees.

Ermmaasa 16:17

Aissi giikko, taani eta ogiyaa ubbaa be7ais. Eti taappe qosettibookkona; eta nagaraikka ta aifiyaappe geemmibeenna.

Ermmaasa 17:10

Taani GODAI asau ubbau a ogiyaadaaninne a oosuwaadan zaaranau, asaa wozanaa qoraisinne a kahaa paaccais” yaagees.

Ermmaasa 23:24

Taani be7ennaadan, geema sohon bana qottanau asi danddayii? Saluwaaninne sa7an kumidaagee tana GODAA gidikkinaa?” yaagees.

Ermmaasa 29:23

Aissi giikko, eti Israa7eelan pala nagaraa oottidosona. Eti bantta shoorotu maccaasaa laggettidosona; yaatidi taani eta azazabeenna worddobaa ta sunttan haasayoosona. Hegaa eriyaagee tana; hegau taani markka. Taani GODAI hagaa odaas' yaagees” yaagiis.

Daaneela 2:22

Ciimma xuuraanne geemmida yohuwaa i qonccissees. Xuman de7iyaabaakka i erees; poo7oikka aara de7ees.

Yohaannisa 2:24

SHin Yesuusi he asaa ubbaa eriyo gishshau, eta ammanibeenna.

Yohaannisa 21:17

Yesuusi heezzanttuwaa, “Yoona na7au Simoonaa, tana dosai?” yaagiis. Yesuusi heezzanttuwaa Simoon PHeexiroosa, “Tana dosai?” yaagidi oichchido gishshau, PHeexiroosi azzanidi, “Godau, neeni ubbabaa eraasa; taani nena dosiyoogaa neeni eraasa” yaagiis. Yaagin Yesuusi, “Ta dorssata heemma.

Yohaannisa 4:16

Yaagin Yesuusi o, “Baada ne azinaa xeesada haa ya” yaagiis.

Yesuusi Kiittidoogeetu Oosuwaa 17:31

Aissi giikko, Xoossai gallassaa keeri wottiis; he gallassan ba doorido uran sa7an de7iya asa ubbaa bolli xillo pirddaa i pirddana; asa ubbaassi haiquwaappe a denttidoogan hegaa tumayiis” yaagiis.

Roome 2:16

Taani tamaarissido wonggeliyaadan, asaa wozanan geemmida qofaa Xoossai Yesuus Kiristtoosa baggaara hagaadan pirddana.

Koiro Qoronttoosa 4:5

Hegaa gishshau, Godai xuman genttidobaa poo7uwaa kessiyaagee, wozanaa qofaa qonccissiyaagee yaana wodee gakkanaassi o bollinne oonanne pirddoppite. He wode, asai ubbai huuphiyan huuphiyan Xoossaappe galataa ekkana.

Naa77antto Qoronttoosa 5:10

Aissi giikko, nuuni huuphiyan huuphiyan oottido oosoi lo77o gidin, woi iita gidin, nuuyyo bessiyaagaa ekkanau, Kiristtoosa pirdda araataa sinttan ubbaikka beettanau bessees.

Ajjuutaa 2:23

Taani i naatakka worana; qassi woosa keetta ubbaikka taani asa qofanne amo eriyaagaa gidiyoogaa erana; taani intteyyo intte oosuwaa malaa immana.

Sameela Maxaafaa Koiruwaa 16:7

SHin GODAI Sameela, “A meraa woikko a geesaa adussatettaa xeelloppa; taani a ixxaas. Aissi giikko, taani GODAI asi xeelliyoogaadan xeellikke; asi som77uwaa xeellees; shin GODAI wozanaa xeellees” yaagiis.