Hizqqeela 47:13 - Wolaytta Bible

¹³ Ubbaa Haariya GODAI hagaadan yaagees; “Israa7eela zaretussi tammanne naa77atussi biittaa laata gade oottada, neeni shaakana zawai hagaa. Yooseefa zaretussi naa77u saamai imetto.

Hizqqeela 47:13 ပူးပေါင်းရင်းမြစ်များ

Doomettaabaa 48:5

“Simmi ha77i, ne naa77u attuma naati, taani neekko hagaa yaanaappe kase Gibxxen neeyyo yelettidaageeti tabaa; Efireeminne Minaasee taayyo Roobeelanne Simoona mala.

Doomettaabaa 49:26

Ne aawaa anjjoi beni deretu anjjuwaappekka merinaasappe de7iya keratu anjjuwaappekka aadhdhees. Hagee ubbai Yooseefa huuphiyan, ba ishanttu giddon halaqa gidiyaagaa liiphiyan shemppo.

Hanidabaa Odiya Koiro Maxaafaa 5:1

Israa7eela na7aa bairaa Roobeela yeletai hagaappe kaallidi xaafettidaagaa. Roobeeli baira na7a; shin ba aawaa hiixaa i tunissido gishshau, bairatettau bessiyaabai Israa7eela na7aa Yooseefa naatuyyo imettiis. Hegaa gishshau, i yeletan baira gididoogee xaafettibeenna.

Ermmaasa 3:18

He gallassatun Yihudaa asati Israa7eela asatuura issippe gaittidi, huuphessa bagga biittaappe taani kase intte aawata laatissido biittaa issippe yaana” yaagees.

Ermmaasa 31:1

GODAI hagaadan yaagees; “He wode taani Israa7eela yaratussi ubbaassi Xoossaa gidana; etikka ta asa gidana” yaagees.

Hizqqeela 48:1

“Biittaa shaakkanau mazggafettida zaretu sunttai hagaa: Huuphessa baggaara issi saamai Daana zariyaayyo imetto. Hegeekka Hetiloonappe Hamaatau efiya ogiyaa kaallidi, hegaappekka Damasqqo biittan de7iya Haxaari-Enaana katamaa gakkees. Hegee arshshoppe biidi arggo gakkanau de7iya sohuwaassi huuphessa bagga zawa gidana.

Hizqqeela 48:29

“Intte Israa7eela asaassi shaakkana biittai hagaa; hageeti eta gakkana saamata. Taani Ubbaa Haariya GODAI hagaa odais.

Qoodaabaa 34:1

GODAI Muusa hagaadan yaagiis;

Yaasu Maxaafaa 16:4

Yooseefa zeretta gidiya Minaase zaretinne Efireema zareti banttana gakkiya biittaa laattidosona.

Yaasu Maxaafaa 17:1

Yooseefa baira na7aa Minaase zaretuyyo imettida biittai hagaa. Gala7aade aawai Maakiiri Minaasessi baira na7aa; Maakiira yarati mino olanchcha gidido gishshau, Gala7aadenne Baasaane biittata ekkidosona.