Hizqqeela 37:28 - Wolaytta Bible

²⁸ Ta Beeta Maqidasee eta giddon merinau de7iyo wode, Israa7eelata geeshshiyaagee tana, GODAA gidiyoogaa kawotettati erana” yaagees' yaaga” yaagiiddi yiis.

Hizqqeela 37:28 ပူးပေါင်းရင်းမြစ်များ

Mazamure Maxaafaa 102:15

Kawotettati GODAA sunttaayyo yayyana; sa7aa kawoti ubbai a anggaayyo dagammana.

Mazamure Maxaafaa 126:2

He wode nuuni daro ufaitti miiccidi, ufaissaa yettaa yexxida. Yaatin, hara kawotettati bantta giddon, “Hageetussi GODAI gitabaa oottiis” yaagidosona.

Mazamure Maxaafaa 79:10

Dereti aibissi, “Eta Xoossai awan de7ii?” yaaganee? Ne ashkkaratu suuttaa eti gussidoogaa haluwaa neeni kessiyoogaa nuuni xeellishin, eta gidduwan qonccissa.

Kessaabaa 15:17

Neeni eta ehaada, ne buzo gaden de7iya deriyaa huuphiyan tokkana. Abeet Godau, he sohoi neeni neeyyo de7anau oottido soho. Abeet Godau, he geeshsha sohoi neeni ne kushiyan minttada essido soho.

Kessaabaa 25:8

“Yaatidi taani eta giddon aqanaadan, eti taayyo goinniyo sohuwaa giigissona.

Kessaabaa 31:13

“Israa7eela asaa neeni, 'Ta Sambbataa naagite. Hegee taani GODAI inttena taassi geeshsha oottada dooridoogaa bessiyaagaa gididi, yaana yeleta ubbau taappenne intteppe gidduwan malaata gidana.

Isiyaasa 30:19

Inttenoo, Yerusalaamen de7iya Xiyoone asatoo, hagaappe sinttanau yeekkekketa; intte waasuwan i intteyyo tumuppe qarettana; i intte waasuwaa siyiyo wode, intteyyo zaaruwaa immana.

Hizqqeela 20:12

Qassi eta geeshshiyaagee tana GODAA gidiyoogaa eti erana mala, taani ta Sambbataa taappenne etappe gidduwan malaata oottada immaas.

Hizqqeela 36:23

Intte tunissin, kawotettatu giddon tunida ta gita sunttaa geeshshatettaa taani bessana. Eti xeellishin, intte baggaara taani ta geeshshatettaa bessiyo wode, taani GODAA gidiyoogaa eti erana. Taani Ubbaa Haariya GODAI hagaa odais.

Hizqqeela 36:36

He wode intte yuushuwan de7iya attida kawotettati taani GODAI qolettida katamata zaarada keexxidoogaanne qa77ettida biittai simmidi kattaa mokkanaadan oottidoogaa erana. Taani GODAI hagaa yootaas; taani yootidoogaa taanikka oottana” yaagees.

Hizqqeela 38:1

GODAA qaalai taakko hagaadan yaagiiddi yiis;

Hizqqeela 38:23

Hegaadan oottada, taani ta gitatettaanne ta geeshshatettaa bessana. Qassi daro kawotettata taani tanatettaa erissana. Taani GODAA gidiyoogaa eti hegan erana” yaagees' yaaga.

Hizqqeela 39:23

Qassi Israa7eela asai omooduwan biidoogee bantta nagaraa gaasuwaana gidiyoogaa hara kawotettati erana. Eti taayyo ammanettennan ixxido gishshau, taani ta som77uwaa etappe genttada, eta eta morkketussi aattada immaas; immin eti ubbaikka olan haiqqi wuridosona.

Hizqqeela 39:7

Taani ta geeshsha sunttai ta asaa Israa7eela giddon erettanaadan oottana. Hagaappe sinttanau ta geeshsha sunttai cayettenna. Hegaappe guyyiyan, kawotettati taani GODAA, Israa7eela Geeshshaa gidiyoogaa erana” yaaga' yaagees.

Hizqqeela 43:7

I hagaadan yaagiis; “Laa asa na7au, hagee ta araataa sohonne ta gedee yedhdhiyo soho. Taani Israa7eela asaa giddon merinau de7ana. Hagaappe sinttau Israa7eela asaa gidin, eta kawota gidin, hara xoossatussi goinniyoogan, woikko bantta kawotu ahan ta geeshsha sunttaa tunissokkona.

Hizqqeela 48:35

“Katamaa yuushoi muleera likkin, 18,000 wara gidana. He wodeppe doommidi he katamai, 'GODAI Hegan De7ees' yaagetettidi xeesettana” yaagees.

Wogaabaa 20:8

Ta higgiyaa naagitenne oottite. Taani inttena geeshshiya GODAATTENNEE.

Wogaabaa 21:8

Qeesee intte Xoossaassi qumaa yarshshuwaa shiishshiyaagaa gidiyo gishshau, i hara asaappe dummato. Taani inttena geeshshiya intte GODAI geeshsha gidiyo gishshau, ikka geeshsha gido.

Wogaabaa 26:11

Taani ta de7iyo sohuwaa intte giddon oottana; taani inttena shenetikke.

Sofonaasa 3:15

GODAI intte bolli pirddido pirddaa aggiis; intte morkketakka diggiis. GODAI, Israa7eela Kawoi, intte giddon de7ees; hagaappe sinttanau inttena yashissiyaabi baawa.

Maatiyoosa 23:17

Ha eeyyati, ha qooqeti, worqqai aadhdhiiyye? Worqqaa geeshsha oottiya Beeta Maqidasee aadhdhii?

Roome 11:15

Aissi giikko, Xoossai eta ixxido wode, ha sa7ai Xoossaara sigettiis; yaatin, Xoossai eta shiishshi ekkiyo wode, haiqqidaagee de7o demmanaappe attin, aibi hananee?

Koiro Qoronttoosa 1:30

SHin Xoossai inttessi Kiristtoos Yesuusa baggaara de7uwaa immiis. I nuussi Kiristtoosa aadhdhida eratettaa, xillotettaa, geeshshatettaanne qassi atotettaa immiis.

Efisoona 5:26

I woosa keettaa ba qaalaaninne haattan meecci geeshshidi, Xoossaayyo dummayanau hagaa oottiis.

Koiro Tasalonqqe 5:23

Sarotettaa Xoossai ba huuphen inttena ubbaban geeshsho; qassi nu Godai Yesuusi Kiristtoosi yiyo wode, Xoossai intte ayyaanaa, shemppuwaanne kumetta asatettaa borettennaagaa oottidi naago.