Hizqqeela 34:31 - Wolaytta Bible

³¹ Inttenoo, Israa7eela asatoo, intte ta dorssata; ta qooruwan miya dorssata; taanikka intte Xoossaa. Taani Ubbaa Haariya GODAI hagaa odais” yaagees' yaaga” yaagiiddi yiis.

Hizqqeela 34:31 ပူးပေါင်းရင်းမြစ်များ

Mazamure Maxaafaa 100:3

GODAI Xoossaa gidiyoogaa erite; nuna medhdhidaagee a; nuuni aageeta. Nuuni a asatanne a qooruwan de7iya dorssata.

Mazamure Maxaafaa 78:52

SHin i ba asaa dorssadan kessiis; wudiyaadan bazzon heemmiis.

Mazamure Maxaafaa 80:1

Abeet Israa7eela henttanchchau, Yooseefa asaa wudiyaadan kaalettiyaagoo, neeni nuuyyo siya. Kiruubeta giyo kiitanchchatuppe bollaara de7iya araatan uttidaagoo, Efireema, Biniyaamanne Minaase sinttan qoncca. Ne wolqqaa denttada nuna ashshanau haaya.

Mazamure Maxaafaa 95:7

Aissi giikko, i nu Xoossaa. Nuuni a qooruwan de7iya asata; nuuni i heemmiyo a dorssaa wudeta. GODAI inttena hagaadan giyoogaa hachchi siyite!

Isiyaasa 40:11

I ba wudiyaa henttanchchaadan mizees; ba dorssa maratakka ba qesiyan shiishshidi, ba kiyuwan idimmana. Xanttiyaageetakka loddaara kaalettana.

Ermmaasa 23:1

GODAI hagaadan yaagees; “Ta hentta gaden de7iya dorssata bashshiyaanne laaliya henttanchchatau aayye7ana!” yaagees.

Hizqqeela 35:1

GODAA qaalai taakko hagaadan yaagiiddi yiis;

Hizqqeela 36:38

Yarshshiyo dorssaa wudiyaadan, Yerusalaamen baalaa gallassan yarshshuwaassi shiishshido dorssaa wudiyaadan, eta qolettida katamatun asaa wudee kumana. Taani GODAA gidiyoogaa eti he wode erana” yaagiis' yaaga” yaagiiddi yiis.

Mikiyaasa 7:14

Neeni ne asaa, aradda biittai yuushuwan de7iyo bazzuwan barkka de7iya ne buzo dorssaa wudiyaa ne gatiman heemma. Eti kaseegaadankka Baasaaneeninne Gala7aaden heemettona.

Luqaasa 12:32

“Amarida dorssa wudiyau, intte Aawai ba kawotettaa inttessi immanau ufaittiyo gishshau yayyoppite.

Yohaannisa 10:11

“Taani dorssaa loitta heemmiyaagaa; dorssaa loitti heemmiyaagee he dorssatu gishshau haiqqees.

Yohaannisa 10:16

Ha wudiyan bainna hara dorssatikka tau de7oosona. Taani etakka ehaanau bessees. Qassi eti ta qaalaa siyana; issi wudee de7ana; heemmiyaageekka issuwaa gidana.

Yesuusi Kiittidoogeetu Oosuwaa 20:28

“Yesuusi ba suuttan wozido Xoossaa woosa keettaa naagite; qassi Geeshsha Ayyaanai inttena halaqa oottidi sunttido wude ubbaakka intte huuphiyaakka naagite.