Hizqqeela 33:28 - Wolaytta Bible

²⁸ Taani he biittaa moorettidanne baisa biitta kessana; eti otorettiyo wolqqai wurana; Israa7eela dereti aiba asinne kanttenna baisa soho gidana.

Hizqqeela 33:28 ပူးပေါင်းရင်းမြစ်များ

Hanidabaa Odiya Naa77antto Maxaafaa 36:21

Hegan GODAI hananabaa yootiya Ermmaasa baggaara odido qaalai polettiis. Wurssettan biittai laappun tammu laitta kumettaa asi bainna soho gididi shemppiis; hegeenne, laappuntta laappuntta laittaa Sambbata oottidi, biittaa shemppissiyoogaa asai aggido gishshaassa.

Isiyaasa 41:15

Be7a, taani nena ooratta, qaranne achchaara de7iya, qoxxanau go7ettiyo miishsha oottaas. Neeni dereta qoxxada liiqissana; keratakka suullaadan oottana.

Isiyaasa 6:11

Yaatin, taani, “Abeet Godau! Hagee aide gakkanaashiinee?” yaagaas. Yaagin i zaarettidi, “Katamati de7iya asaa xayidi, qolettana gakkanaashiina, keettatikka onana gakkanaashiinanne biittaikka muleera baisa gidana gakkanaashiina.

Ermmaasa 16:16

GODAI hagaadan yaagees; “Be7ite, taani moliyaa oiqqiya daro asatussi kiittais; eti eta oiqqana. Hegaappe guyyiyan, taani daro shankkanchchatussi kiittana; shankkanchchati dere ubbaappe, kera ubbaappenne shuchchaa kooppotuppe eta shankkatidi kessana.

Ermmaasa 18:16

Eti bantta biittaa daganttiyaabaanne merinau karettidabaa kessidosona. Yaara aadhdhiya ooninne sheneteesinne ba huuphiyaa qaattees.

Ermmaasa 25:11

Ha biittai muleera bashsha baisa biitta gidana; ha kawotettatikka Baabiloone kawuwaayyo laappun tammu laittaa haarettana.

Ermmaasa 44:2

“Ubbaappe Wolqqaama GODAI, Israa7eela Xoossai, hagaadan yaagees; 'Yerusalaame bollaaninne Yihudaa katamatu ubbaa bollan taani ehiido bashshaa ubbaa intte intte huuphen be7ideta. Eti hachchi gakkanaashin, koletti uttidosona; ooninne yan de7enna.

Ermmaasa 44:22

Intte oottiyo iitanne sheneyiya oosuwaa GODAI co77u gaanau danddayibeenna gishshau, intte biittaa moorettida, baisanne qanggettida biitta oottiis. Hachchi intte be7iyoogaadan, intte biittai asi de7enna biitta gidiis.

Ermmaasa 44:6

Hegaa gaasuwan ta suulliya hanqqoinne yiilloi tigettiis; tigettidi Yihudaa katamatuuninne Yerusalaame ogetun eexxiis. Etikka hachchi intte be7iyoogaadan, kolettidaageetanne baisa gididosona' yaagees.

Ermmaasa 52:27

Yan Ribila kataman, Hamaata biittan Baabiloone kawoi eta ubbaa worissiis. Hegaadan hanidi, Yihudaa asai ba biittaappe denddidi, omooduwau biis.

Ermmaasa 9:10

Taani xoqqa deretussi yeekkananne waassana; bazzo hentta gadetubaa zilaalana. Aissi giikko, eti bayidosona; yaara issi asinne kanttenna. Mehe xaagoinne siyettenna; saluwaa kafotinne do7ati baqatidi biichchidosona.

Ermmaasa 9:11

GODAI hagaadan yaagees; “Yerusalaame katamaa taani qolettida keelanne worakanati geessiyo ona oottana. Yihudaa katamatakka ooninne de7enna baisa soho oottana” yaagees.

Hizqqeela 12:20

Ha77i asai kumido katamati xayana; qassi biittaikka baisa gidana. Taani GODAA gidiyoogaa intte hegan erana” yaagees' yaaga” yaagiiddi yiis.

Hizqqeela 15:8

Eti tanan ammanettennan aggido gishshau, taani eta biittaa baisa kessana. Taani Ubbaa Haariya GODAI hagaa odais' yaagees” yaagiiddi yiis.

Hizqqeela 24:21

'Israa7eela asaa hagaadan yaaga; “Ubbaa Haariya GODAI hagaadan yaagees; 'Intte ceeqettiyo, intte aifiyaa lo77iyaanne intte shemppoi amottiyo ta Beeta Maqidasiyaa taani tunissana hanais. Intte guyye ashshido intte attuma naatinne intte macca naati bisuwan wurana.

Hizqqeela 33:29

Eti oottido tunabaa gaasuwan taani biittaa moorettidanne baisa biitta kessiyo wode, taani GODAA gidiyoogaa eti erana” yaagees' yaaga.

Hizqqeela 36:4

GODAA qaalaa siyite! Ubbaa Haariya GODAI deretussinne keratussi, zanggaaratussinne wombbatussi, yuushuwan de7iya hara kawotettati oiqqidonne qilliiccido sohotussinne moorettidanne baisa gidida katamatussi hagaadan yaagees.

Hizqqeela 5:14

“Intte yuushuwan de7iya kawotettatu giddooninne intte mataara aadhdhiya ubbaa sinttan taani inttena baisanne qilliicciyoobaa oottana.

Hizqqeela 6:14

Qassi taani ta kushiyaa eta bolli yeddada, eti de7iyo biitta ubbaa, bazzuwaappe biidi Ribila giyo katamaa gakkanaashin, bashshanne baisa oottana. Taani GODAA gidiyoogaa eti hegan erana” yaagees' yaaga” yaagiiddi yiis.

Hizqqeela 7:24

Eta keettata baassa oottana mala, taani ubbaappe iita kawotettaa ehaana. Wolqqaamatu otoruwaakka taani xaissana; eta geeshsha sohotikka tunana.

Wogaabaa 26:19

Intte wolqqaa otoruwaa taani menttana; saluwaa birata mala oottana; intte biittaakka nahaasiyaa giyo birataa mala oottana.

Mikiyaasa 7:13

SHin biittai an de7iya asaa iitatettaa gaasuwan asi bainna baisa gidana.

Sofonaasa 1:2

GODAI hagaadan yaagees; “Taani biittaa bollan de7iyaabaa ubbaa mulxxu oottada xaissana.