Hizqqeela 14:13 - Wolaytta Bible

¹³ “Laa asa na7au, issi biittaa asai nagaraa oottidi, taayyo ammanettennan ixxikko, taani ta kushiyaa yeddada, etau qumaa xaissada, koshaa ehaana; he biittaa asaanne mehiyaa worana.

Hizqqeela 14:13 ပူးပေါင်းရင်းမြစ်များ

Doomettaabaa 6:7

Hegaa gishshau GODAI, “Taani medhdhido asaa ha sa7aa bollappe muleera quccana; asaa, mehiyaa, do7aa, biittaara gooshettiya meretatanne saluwaa kafota xaissana; aissi giikko, taani eta medhdhidoogau azzanaas” yaagiis.

Izira Maxaafaa 9:6

“Abeet ta Xoossau, taani ta sinttaa neekko pude denttanaukka yayyaisinne yeellatais; aissi giikko, nu nagarai doorettidi, nu huuphiyaappe pude aadhdhiis; nu naaqoikka saluwaa gakkiis.

Isiyaasa 24:20

Biittai mattottida asadan ganddigaarees; carkkoi sugiyo daasedan, yonqqu gees. Makkalanchchatu mooroi a keehippe deexxido gishshau, naa77antto denddennaadan kunddees.

Isiyaasa 3:1

Be7ite, Godai, Ubbaappe Wolqqaama GODAI minjjaanne maaduwaa naa77aakka Yerusalaameppenne Yihudaappe diggana hanees.

Ermmaasa 32:43

Intte, 'Ha biittai asaikka meheekka de7enna, baisa biitta gidana; i Baabiloonetussi imettiichchiis' yaagido biittan asai zaarettidi, gadiyaa shammana.

Ermmaasa 36:29

Qassi Yihudaa Kawuwaa Yo7aqeema hagaadan yaaga: 'GODAI hagaadan yaagees; “Neeni, '“Baabiloone kawoi tumuppe yiidi, ha biittaa bashshana; qassi i giddon de7iya asaanne mehiyaakka wurssana” gaada aissi xaafadii?' yaagada maxaafaa xuuggadasa.

Ermmaasa 52:6

Hegaa gaasuwan biittan koshai suullin, he laitti oiddantto aginan, uddufuntta gallassan, he biittaa asaayyo miyoobi xayiis.

Ermmaasa 7:20

Hegaa gishshau, Ubbaa Haariya GODAI hagaadan yaagees; “Be7ite, ta yiilloinne ta hanqqoi ha sohuwaa bolli, asaa bollinne mehiyaa bolli, gaden de7iya mittaa bollinne biittan de7iya kattaa bolli gukkana. Gukkidi eexxana; to77anaukka danddayenna” yaagees.

Ermmaasa Zilaassaa 1:20

Abeet GODAU, ta waayiyaa be7a! Ta garssai shabbirettiis. Taani keehippe makkalido gishshau, ta wozanai meqqiis. Karen bisoi wurssees; soonikka haiqo xalaalai de7ees.

Ermmaasa Zilaassaa 1:8

Yerusalaama gita nagaraa oottaasu; hegaa gishshau, a tunabaa gidausu. Kase o bonchchida ubbai ha77i i kalluwaa be7ido gishshau, o karees. Akka oolausunne guyye simmausu.

Hizqqeela 14:12

GODAA qaalai taakko hagaadan yaagiiddi yiis;

Hizqqeela 14:17

“Woikko taani he biittaa bollan bisuwaa ehaada, 'Ha biittaara bisoi kantto' gaada, an de7iya asaanne mehiyaa worikko,

Hizqqeela 14:19

“Woikko taani he biittaa bollan boshaa yeddada, ta hanqquwaa a bollan gussikko, an de7iya asaanne mehiyaa worikko,

Hizqqeela 14:21

Ubbaa Haariya GODAI hagaadan yaagees; “Taani asaanne mehiyaa woranau Yerusalaame bolli ta oiddu hanttaara pirddata, bisuwaa, koshaa, bazzo do7aanne boshaa yeddiyo wode, i ai keena aaro iitabaa gidanddeeshsha!

Hizqqeela 15:8

Eti tanan ammanettennan aggido gishshau, taani eta biittaa baisa kessana. Taani Ubbaa Haariya GODAI hagaa odais' yaagees” yaagiiddi yiis.

Hizqqeela 20:27

“Hegaa gishshau, asa na7au, Israa7eela asaassi hagaadan yaagada yoota; 'Ubbaa Haariya GODAI hagaadan yaagees; “Intte aawatikka tanan ammanettennan ixxidi, hegan tana cayidosona.

Hizqqeela 25:13

taani Ubbaa Haariya GODAI ta kushiyaa Eedooma bolli yeddana. Yeddada an de7iya asaanne mehiyaa mule xaissana; xaissada baisa kessana. Temaana katamaappe biidi, Dadaana katamaa gakkanaashin, eti bisuwan busakettana.

Hizqqeela 4:16

I qassikka hagaadan yaagiis; “Laa asa na7au, be7a; Yerusalaame katamaa katti gelennaadan, taani teqqana. Asai kattaa hirggiiddi, makkidi maana; qassi haattaakka yayyiiddi, likkidi uyana.

Hizqqeela 5:16

Taani intte bolli woriyaanne xaissiya koshaa wonddafiyaa dukkiyo wode, inttena xaissanau dukkana. Taani intteyyo koshaa yaa yaa darissana; Yerusalaame katamaa kattai gelennaadan, taani teqqana.

Hizqqeela 6:14

Qassi taani ta kushiyaa eta bolli yeddada, eti de7iyo biitta ubbaa, bazzuwaappe biidi Ribila giyo katamaa gakkanaashin, bashshanne baisa oottana. Taani GODAA gidiyoogaa eti hegan erana” yaagees' yaaga” yaagiiddi yiis.

Hizqqeela 9:9

I zaaridi, taayyo hagaadan yaagiis; “Israa7eelanne Yihudaa nagarai keehi dariis; biitta ubban suuttaa gussiyaageeti kumidosona; qassi katama ubban tumu pirddaa geellayiyaageeti kumidosona. Aissi giikko, asai, 'GODAI ha biittaa aggiis; GODAI be7enna' yaagoosona.

Daaneela 9:5

nuuni nagaraa oottidanne balida; nuuni iitabaa oottidanne makkalida; ne azazuwaappenne ne wogaappe wora simmida.

Wogaabaa 26:26

Intte kattaa taani xaissiyo wode, tammu maccaasati issi bashiyan oittaa uukkana; hegaakka meezaanan likkidi shaakkana; intte hegaa maana, shin kallekketa.