Hizqqeela 12:23 - Wolaytta Bible

²³ Hegaa gishshau, etayyo neeni, 'Ubbaa Haariya GODAI hagaadan yaagees; “Taani ha leemisoi naa77antto hassayettennaadan oottana; eti zaarettidi, hegaa Israa7eela biittan leemisokkona” yaagees' yaaga. Qassi etayyo, 'Gallassai matattiis; ajjuutai ubbaikka polettana hanees' yaaga.

Hizqqeela 12:23 ပူးပေါင်းရင်းမြစ်များ

Mazamure Maxaafaa 37:13

SHin Godai iitatu bollan miiccees; aissi giikko, eta gallassai yiyoogaa i erees.

Isiyaasa 28:22

Godaappe, Ubbaappe Wolqqaama GODAAPPE i boshaa biitta ubbaa bolli ehaanau qachchidoogaa taani siyido gishshau, intte qashoi minnenna mala, qilliicciyoogaa aggite.

Hizqqeela 12:25

Taani GODAI ta oottanaagaa yootais; hegeekka gam77ennan polettana. Inttenoo, makkalanchcha asatoo, taani yootiyoobaa ubbaa intte laittan taani polana. Taani Ubbaa Haariya GODAI hagaa odais” yaagiiddi yiis.

Hizqqeela 16:44

“'“Bii Yerusalaamee, asai ne bolli, 'Na7iyaakka aayee mala' giidi leemisuwaa yootana.

Hizqqeela 18:3

Taani Ubbaa Haariya GODAI ta de7uwan caaqqais: Hagaappe sinttau intte Israa7eela biittan ha leemisuwaa leemisekketa.

Hizqqeela 7:2

“Laa asa na7au, Ubbaa Haariya GODAI Israa7eela biittaayyo hagaadan yaagees; 'Wurssettaa! Ubbasaara biittaa bollan wurssettai gakkiis.

Yuu7eela 2:1

Xiyoonen malkkataa punnite; ta geeshsha deriyankka malkkataa sissite! Yihudaa biittan de7iya asai ubbai yashshau kokkoro; aissi giikko, GODAA gallassai yees; yiidi matattees.

Sofonaasa 1:14

GODAA gita gallassai matiis; matidikka qassi keehippe eesotees. GODAA gallassai camo gallassa. He gallassi mino olanchchatikka waasuwaa xulluusana.

Milkkiyaasa 4:1

Ubbaappe Wolqqaama GODAI hagaadan yaagees; “Be7ite, coociyaa tamaadan eexxiya gallassai matattiis; otorettiyaageetinne iitaa oottiyaageeti ubbai utula mala gidana. He yiya gallassai eta xuuggana; etayyo xaphuwaa xeeraakka ashshenna.

Maatiyoosa 24:34

Taani intteyyo tumaa odais; ha ubbabai hanana gakkanaassi, ha wodiyaa asai haiqqiichchenna.