Hizqqeela 12:15 - Wolaytta Bible

¹⁵ “Eta taani hara biittatunne kawotettatu giddo laaliyo wode, taani GODAA gidiyoogaa eti erana.

Hizqqeela 12:15 ပူးပေါင်းရင်းမြစ်များ

Mazamure Maxaafaa 9:16

GODAI ba xillo pirddan baayyo erettiis; iita asi ba kushiyan oottido oosuwaa piriyan ohettiis.

Ermmaasa 29:18

Taani eta bisuwan, koshaaninne boshan yedettana; yedettada taani eta sa7an de7iya kawotetta ubbaayyo bollai caaliyoobaa oottana. Qassi taani eta kessada yeddido biitta ubban qanggetta, dagama, borenne cashsha oottana.

Ermmaasa 49:32

“Eta gaameelati bonqqettana; eta wudeekka omoodettana. Bantta huuphiyaa shubeeriyaa meedissiyaageeta ubbaa taani carkkuwan laalana; taani ubbasaara eta bolli bashshaa ehaana. Taani GODAI hagaa odais.

Hizqqeela 11:10

Intte olan wurana; taani inttena intte biittan pirddana. Taani GODAA gidiyoogaa intte hegan erana.

Hizqqeela 12:16

Eti bantta biyo kawotettatu giddon bantta tuna oosuwaa paaxana mala, taani etappe amaridaageeta olaappe, koshaappenne boshaappe kessi ekkanaadan oottana. Taani GODAA gidiyoogaa eti hegan erana” yaagiiddi yiis.

Hizqqeela 12:20

Ha77i asai kumido katamati xayana; qassi biittaikka baisa gidana. Taani GODAA gidiyoogaa intte hegan erana” yaagees' yaaga” yaagiiddi yiis.

Hizqqeela 14:18

taani Ubbaa Haariya GODAI ta de7uwan caaqqais: Ha heezzu asati he biittan de7iyaakkokka, bantta attumanne bantta macca naata ashshanau danddayokkona. Eta xalaalai attana. Taani GODAI hagaa odais.

Hizqqeela 24:27

He gallassi ne doonai dooyettana; neenikka aara haasayana; naa77antto duude kiyakka. Hegaadan hanada, neeni asaayyo malaata gidana. Taani GODAA gidiyoogaa eti hegan erana” yaagiis' yaagiiddi yiis” yaagaas.

Hizqqeela 25:11

Taani Moo7aaba pirddana. Taani GODAA gidiyoogaa eti hegan erana” yaagees.

Hizqqeela 26:6

Waannatiya biittan de7iya qeeri katamata bisuwan wurssana. Taani GODAA gidiyoogaa eti hegan erana' yaagees.

Hizqqeela 28:26

Hegan eti saruwan de7ana; keettaa keexxana; woiniyaa turaakka tokkana. Eta karidi xeelliya eta shoorota ubbaakka taani pirddiyo wode, Israa7eela asai saruwan de7ana. Taani GODAA eta Xoossaa gidiyoogaa eti hegan erana” yaagees.

Hizqqeela 33:33

“SHin neeni yootidoogee tumu polettana; polettiyo wode, hananabaa yootiyaagee eta giddon de7iyoogaa eti erana” yaagiiddi yiis.

Hizqqeela 39:28

Taani eta kawotettatu giddo omooduwau yeddido gishshaunne eta shiishshada, eta biitti zaarido gishshau, taani GODAA eta Xoossaa gidiyoogaa eti erana. Taani etappe issuwaanne kawotettatu giddon aggikke.

Hizqqeela 5:10

Hegaappe denddidaagan, intte giddon aawati bantta naata maana; qassi naatikka bantta aawata maana. Taani intte bolli pirddaa ehaana; intteppe attidaageetakka carkko ubbau laalana.

Hizqqeela 5:13

“Ta yiilloi wurana; taani eta bolli hanqqettido hanqqoikka wodhdhana; yaatobare tau irxxi gaana. Taani eta bollan hanqqettido hanqquwaa wurssiyo wode, taani GODAI qanaatiyan haasayidoogaa eti erana.

Hizqqeela 6:14

Qassi taani ta kushiyaa eta bolli yeddada, eti de7iyo biitta ubbaa, bazzuwaappe biidi Ribila giyo katamaa gakkanaashin, bashshanne baisa oottana. Taani GODAA gidiyoogaa eti hegan erana” yaagees' yaaga” yaagiiddi yiis.

Hizqqeela 6:7

Intte asai shuhettidi, intte giddon kunddana. Taani GODAA gidiyoogaa intte hegan erana.

Hizqqeela 7:4

Taani intteyyo qarettikkenne intteppe issuwaanne ashshikke. Taani tumaappe intte tuna hanotaa gaasuwan inttena qaxxayana. Taani GODAA gidiyoogaa intte hegan erana' yaagees.

Wogaabaa 26:33

Taani inttena kawotettatu giddon laalana; intte bollankka ta bisuwaa shoddana. Intte biittai bayana; intte katamatikka baisa gidana.