Ermmaasa Zilaassaa 4:14 - Wolaytta Bible

¹⁴ Eti qooqe asadan, ogiyan tattaafoosona; qassi eti suuttan tunido gishshau, eta maayuwaa ooninne bochchanau koyenna.

Ermmaasa Zilaassaa 4:14 ပူးပေါင်းရင်းမြစ်များ

Isiyaasa 1:15

“Intte kushiyaa miccidi, intte woossiyo wode, taani ta aifiyaa intteppe genttana; intte daro woosaa woossikkokka, taani siyikke; aissi giikko, intte kushee suuttan munaqettiis.

Isiyaasa 56:10

Israa7eela asaa naagiyaageeti qooqe; etau ubbaukka eri baawa. Eti ubbaikka boccanau danddayenna duude kanatu mala. Eti zin77idi aimottoosona; eti xiskko dosoosona.

Ermmaasa 2:34

Qassi menttidi gelishin oiqqido asaa suuttan gidennan, xillo hiyyeesatu suuttaa xacan ne maayoi mooretti uttiis. “Neeni hagaa ubbaa oottadakka,

Ermmaasa 26:8

Qassi Ermmaasi GODAI, “Asa ubbaayyo oda” giidi a azazido qaalaa ubbaa yooti polido wode, qeeseti, hananabaa yootiyaageetinne asai ubbai a oiqqidosona. Oiqqidi, “Neeni haiqqanau bessaasa!

Hizqqeela 23:45

Eti shaaramuxa gidiyo gishshaunne shemppuwaa woriyo gishshau, xillo asati shaaramuxatu bollinne shemppuwaa woriyaageetu bolli pirddiyo pirddaa eta bolli pirddoosona” yaagiis.

Hoose7a 4:2

Ha biittan de7iyaabai qanggetta, worddo, asa woro, wuussanne shaaramuxa xalaala. Eti maachcha ubbaa kanttidosona; asaa woroi woruwaa kaallees.

Sofonaasa 1:17

GODAI hagaadan yaagees; “Eti GODAA naaqqido gishshau, qooqedan tattaafana gakkanaashin, asatu bollan taani metuwaa ehaana. Eta suuttai di7uwaadan goggana; eta ahaikka pituwaadan olettana.

Qoodaabaa 19:16

Qassi dembban bisuwan haiqqida asa, woikko coo haiqqida ahaa, woikko asa meqetta, woikko duufuwaa bochchiya ooninne laappun gallassaa tuna gidana.

Qoodaabaa 35:33

“'Hegaadan oottidi, intte de7iyo biittaa tunissoppite. Aissi giikko, suuttaa gussiyoogee biittaa tunissees; suuttaa gussidaagaa suuttaanappe attin, suuttai gukkido biitti hara ogeera tunatettaappe geeyenna.

Maatiyoosa 15:14

Etabau hirggoppite; eti qooqe kaalettiya qooqeta; qooqee qooqe kaalettikko, naa77aikka ollan kunddana” yaagiis.

Efisoona 4:18

Eta wozanai xuman de7ees; eti ainne erennaageetanne ixxaas giyaageeta gidiyo gishshau, Xoossai immiyo de7uwaappe haakkidosona.