Ermmaasa Zilaassaa 3:8 - Wolaytta Bible

⁸ Taani a xeegaas; akko waassinkka, i ta woosaa siyennan ixxiis.

Ermmaasa Zilaassaa 3:8 ပူးပေါင်းရင်းမြစ်များ

Iyyooba Maxaafaa 19:7

“Taani, 'Naaqettaas' yaagada waassin, taayyo alliyaabi baawa; qaalaa xoqqu oottada, suure pirddaassi waassinkka, siyiyaabi baawa.

Iyyooba Maxaafaa 30:20

“Abeet Xoossau, taani neeyyo waassais; shin neeni taayyo allabaakka. Eqqada nena woossaas; shin neeni ta woosaa siyabaakka.

Mazamure Maxaafaa 22:2

Abeet ta Xoossau, gallassan ubban taani neeyyo waassais; shin neeni taayyo allakka. Qamman ubbankka neeyyo waassais, shin woppaa demmikke.

Mazamure Maxaafaa 80:4

Abeet Ubbaappe Wolqqaama GODAU Xoossau, ne asaa woosaa bolli aude gakkanaayyo hanqqettuutee?

Ermmaasa Zilaassaa 3:43

Ne maaarotettaikka ne hanqquwan kamettiis; qassi neeni nuussi qarettennan nuna siifadasa.

Ermmaasa Zilaassaa 3:44

Nu woosai neekko kanttennaadan, ne huuphiyaa shaaran kammadasa.

Imbbaaqooma 1:2

Imbbaaqoomi hagaadan yaagiis; “Abeet GODAU, neeni tana maaddanaadan taani xeesiyo wode, aude gakkanaashin siyennan ixxuutee? Qassi taani naaqettada neeyyo waassiyo wode, aude gakkanaashin ashshennan ixxuutee?

Maatiyoosa 27:46

Uddufun saate gidiyo heeran Yesuusi ba qaalaa xoqqu oottidi, “Elohee, Elohee, laamaa sabaqitaanii?” yaagiis. Hegaa giyoogee, “Ta Xoossau, ta Xoossau, tana aissi aggadii?” giyoogaa.

Luqaasa 11:10

Aissi giikko, woossiya ubbai ekkana; koyiya urai demmana; qassi kare yiidi xeesiya urau karee dooyettana.