Ermmaasa Zilaassaa 3:32 - Wolaytta Bible

³² issi wode azzanuwaa ehiikkonne, i ba aggenna siiquwaa daruwaadan qarettees.

Ermmaasa Zilaassaa 3:32 ပူးပေါင်းရင်းမြစ်များ

Kawotu Maxaafaa Naa77anttuwaa 13:23

SHin GODAI Abrahaamaara, Yisaaqaaranne Yaaqoobaara maacettido maachchaa gishshau, etayyo kehiis, qarettiisinne qoppiis. Hachchi gattanaukka i eta xaissibeenna woikko ba sinttappe diggibeenna.

Mazamure Maxaafaa 103:11

Saloi sa7aappe xoqqiyoogaadan, GODAAYYO yayyiyaageetuyyo aggenna a siiqoi gita.

Mazamure Maxaafaa 30:5

A hanqqoi guutta wodiyaassa, shin a kehatettai de7o laitta ubbaassa. Qammi yeekiiddi aqikko, maalladoi ufaissa gidees.

Mazamure Maxaafaa 78:38

SHin i eta maariyaagee; eta iitatettaa atto giis. Eta xaissibeenna; daroto ba hanqquwaa teqqiis; ba hanqquwaa teegaa ubbaara eta bolli yeddibeenna.

Kessaabaa 2:23

Daro laittaappe guyyiyan, Gibxxe kawoi haiqqiis. Israa7eelati bantta ailletettaappe oolidosonanne waassidosona; bantta ailletettaappe eti waassido waasoi pude Xoossaakko gakkiis.

Kessaabaa 3:7

GODAI qassikka hagaadan yaagiis; “Taani Gibxxe biittan ta asai tuggatiyo tuggaa geeshsha be7ada, eti bantta kaabbotuppe waassiyo waasuwaa siyada, taani eta waayiyaa qoppaas.

Isiyaasa 27:8

GODAI ba asaa omooduwau yeddiyoogan qaxxayiis; arshsho bagga carkkuwaa gallassi eta ba yashshiya gotiyan laaggidi kessiis.

Isiyaasa 54:7

“Issi guutta wodiyau taani nena aggaas; shin gita maarotan nena taani shiishshana.

Ermmaasa 31:20

“Tumu Israa7eeli taayyo al77o na7ee? I taani siiqiyo na7ee? Ee! Taani darotoo a bolli iitabaa haasayikkokka, a hassayiyoogaa aggabeikke. Hegaa gishshau, ta wozanai a laamotees; taani assi keehi qarettais. Taani GODAI hagaa odais.

Ermmaasa Zilaassaa 3:22

Hegeenne, GODAA aggenna siiquwaappe denddidaagan nuuni xayibookko. A qaretaikka mule wuri erenna;

Hoose7a 11:8

“Efireemaa, taani nena waatada aggoo? Israa7eelaa, taani nena waatada aatta immoo? Taani nena waatada Adaama giyo katamaadan oottoo? Taani nena waatada Xaboima giyo katamaadan oottoo? Taani nena keehi siiqiyo gishshau, ta wozanai hegaa eenenna.

Naahooma 1:12

GODAI hagaadan yaagees; “Nanaweti minonne cora gidikkokka, xoqolettidi xayana. Yihudaa asau, taani inttena kase tuggayaas; shin hagaappe sinttanau tuggayikke.

Luqaasa 15:20

yaagidi denddidi, ba aawaakko yiis. “I biron haahuwan de7ishin, a aawai a be7idi, ayyo mishettiis; woxxi qoommidi, a yeriis.

Daannatu Maxaafaa 10:16

Yaagidi allaga xoossata bantta giddoppe diggidi, GODAAYYO goinnidosona. Israa7eela asai tuggatidoogau GODAIKKA mishettiis.