Ermmaasa Zilaassaa 3:24 - Wolaytta Bible

²⁴ Taani taayyo, “GODAI tana gakkida saama; hegaa gishshau, taani an hidootaa wottais” yaagaas.

Ermmaasa Zilaassaa 3:24 ပူးပေါင်းရင်းမြစ်များ

Hanidabaa Odiya Koiro Maxaafaa 5:20

Eti he asatuura olettiiddi, Xoossaakko waassido gishshau, maaduwaa demmidosona. Eti Xoossan ammanettido gishshau, i etau woosettiis. Hegaa gishshau, Aggaari yaratinne etaara de7iya harati eta kushiyan gelidosona.

Iyyooba Maxaafaa 13:15

Be7ite, Xoossai tana woriyaabaa gidikkonne, taani a danddayan naagana. Gidikkonne, taani ta mootuwaa a sintti shiishshana.

Iyyooba Maxaafaa 22:25

Ubbaa Danddayiya Xoossai neeyyo worqqanne doorettida bira gido.

Mazamure Maxaafaa 119:57

Abeet GODAU, tana gakkida saamai nena; taani ne qaalaassi azazettana yaagais.

Mazamure Maxaafaa 130:7

Israa7eela asau, GODAN ufaissaa ootta; aissi giikko, aggenna siiqoi GODAANA; qassi i ubbaton asaa ashshanau koyees.

Mazamure Maxaafaa 142:5

Abeet GODAU, taani neeyyo hagaadan gaidda waassais; “Neeni taani baqatada attiyo soho; taani paxa de7ishin, tana gakkida saama” yaagais.

Mazamure Maxaafaa 16:5

Ta GODAU, ta de7uwaa saamai nena; tana koshshiya ubbaa neeni taassi immaasa. Ta sintta de7uwau waasee nena.

Mazamure Maxaafaa 31:24

Inttenoo, GODAN ufaissaa oottiyaageetoo, minnitenne wozannaamite.

Mazamure Maxaafaa 33:18

GODAA aifeti ayyo yayyiyaanne aggenna a siiquwan ufaissaa oottiya asatu bollaana.

Mazamure Maxaafaa 42:11

Tanooshsho, taani aissi azzaniyaanaa? Qassi aissi jabbukettiyaanaa? Taani Xoossan ufaissaa wottana. Aissi giikko, taani ha77ikka tana ashshiyaagaanne ta Xoossaa galatana.

Mazamure Maxaafaa 42:5

Tanooshsho, taani aissi azzaniyaanaa? Qassi aissi jabbukettiyaanaa? Taani Xoossan ufaissaa wottana. Aissi giikko, taani ha77ikka tana ashshiyaagaanne ta Xoossaa galatana.

Mazamure Maxaafaa 43:5

Tanooshsho, taani aissi azzaniyaanaa? Qassi aissi jabbukettiyaanaa? Taani Xoossan ufaissaa wottana. Aissi giikko, taani ha77ikka tana ashshiyaagaanne ta Xoossaa galatana.

Mazamure Maxaafaa 62:8

Asau, Xoossan ubba wode ammanettite; i nuuyyo qato gidiyo gishshau, intte metuwaa ayyo yootite.

Mazamure Maxaafaa 71:14

SHin tana gidikko, taani ubbaton nena ufaissan naagana. Taani gujja gujjada nena galatana.

Mazamure Maxaafaa 73:26

Ta wolqqainne ta wozanai daafuranau danddayees; shin Xoossai ta wozanaa minttiyaagaanne merinaayyo tana gakkida saamaa.

Mazamure Maxaafaa 84:12

Abeet Ubbaappe Wolqqaama GODAU, nenan ammanettiyaageeti anjjettidaageeta.

Mazamure Maxaafaa 94:19

Tana hirggai woriyo wode, neeni tana woppu oottada ufaissaasa.

Ermmaasa 10:16

SHin Yaaqooba Saamaa gidiyaagee hegeeta mala gidenna. Aissi giikko, i ubbabaa medhdhidaagaa; Israa7eeli i baassi doorido zare. A sunttaikka Ubbaappe Wolqqaama GODAA.

Ermmaasa 51:19

SHin Yaaqooba Xoossai hegaa mala gidenna. Aissi giikko, i ubbabaa medhdhidaagaa. Israa7eela asai i baassi doorido zare. A sunttaikka Ubbaappe Wolqqaama GODAA.

Ermmaasa Zilaassaa 3:21

Gidikkonne, taani ha issibaa ta wozanan qoppiyo wode, taayyo sinttanau hidootai de7ees.

Mikiyaasa 7:7

SHin tana gidikko, taani ufaissan GODAA xeellashshana; tana ashshiya Xoossaa taani naagashshana; ta Xoossai tabaa siyana.

Roome 15:12

Qassikka Isiyaasi, “Isseya zaree yaana; yiidi Aihuda gidenna asaa haaranau denddana. Qassi eti a baggaara demmana giidi ufaissan naagana” yaagees.

Zaarettido Wogaa 18:2

Etau eta ishanttu giddon laati de7enna; GODAI etau geppidoogaadankka i eta laata.

Koiro PHeexiroosa 1:21

Intte ammanoinne intte ekkana giidi ufaissan naagi uttidobai Xoossan de7ana mala, Xoossai haiquwaappe a denttidi, ayyo bonchchuwaa immidaagan aani ammanetta.

Sameela Maxaafaa Koiruwaa 30:6

Asai Daawita shuchchan caddanau haasayido gishshau, Daawiti keehippe tuggatiis; aissi giikko, a asai ubbai ba attuma naatunne macca naatu gishshau, keehippe yiillotiis; shin Daawiti GODAN ba Xoossan minettiis.