Ermmaasa Zilaassaa 3:23 - Wolaytta Bible

²³ eti maallado maallado ooratta. Neeni keehippe ammanettiyaagaa.

Ermmaasa Zilaassaa 3:23 ပူးပေါင်းရင်းမြစ်များ

Mazamure Maxaafaa 146:6

Xoossai saluwaanne sa7aa, gita abbaanne a giddon de7iyaabaa ubbaa medhdhidaagaa; i merinaukka ammanettiyaagaa.

Mazamure Maxaafaa 30:5

A hanqqoi guutta wodiyaassa, shin a kehatettai de7o laitta ubbaassa. Qammi yeekiiddi aqikko, maalladoi ufaissa gidees.

Mazamure Maxaafaa 36:5

Abeet GODAU, aggenna ne siiqoi salota gakkees; ne tumatettaikka bolla shaaraadan xoqqees.

Mazamure Maxaafaa 36:6

Ne xillotettai ubbaappe xoqqa deretu mala; ne pirddaikka ubbaappe ziqqa ciimmaa mala. Abeet GODAU, neeni asaakka do7aakka naagaasa.

Mazamure Maxaafaa 89:33

SHin taani aggenna ta siiquwaa appe ekkikke; woikko taani au ammanettiyoogaa aggikke.

Kessaabaa 34:6

GODAI Muuse sinttaara hagaadan yaagidi awaajjiiddi kanttiis; “Taani GODAA; taani GODAA; qaretainne maarotai kumido Xoossaa, danddayanchchaa, aggenna siiqoi daridoogaanne daro ammanettiyaagaa.

Isiyaasa 33:2

Abeet GODAU, nuna maara; nuuni nena naagoos; maallado maallado nuussi wolqqa gida; metuwaa wodekka nuna ashshiyaagaa gida.

Sofonaasa 3:5

SHin a giddon de7iya GODAI xillo; i balabaa oottenna; wonttin wonttinkka i ba xillo pirddaa pirddees; ai wonttankka aggi erenna. Gidikkonne, yan de7iya makkalanchchai ainne yeella erenna.

Tiitu 1:2

Worddotenna Xoossai nuuyyo ha merinaa de7uwaa daro wodiyaappe kase immana giis.

Ibraawe 10:23

Nuuyyo immana giida Xoossai ammanttiyo gishshau, nuuni demmana giidi ufaissan naagi uttidoogaa mintti oiqqoos.

Ibraawe 6:18

Xoossai worddotanau danddayenna ha naa77u laamettenna yohotun, i immana giido nu sinttan de7iyaagaa oiqqanau baqatida nuuyyo gita minttettoi de7ees.