Ermmaasa Zilaassaa 2:4 - Wolaytta Bible

⁴ Morkkiyaadan i ba wonddafiyaa eta bolli dafiis. Huqqunniyaageetudan i ba kushiyaa minttidi, xeellin lo77iya asaa ubbaa woriis. Xiyoone keettatu bolli ba hanqquwaa suuluwaa tamaadan qoliis.

Ermmaasa Zilaassaa 2:4 ပူးပေါင်းရင်းမြစ်များ

Hanidabaa Odiya Naa77antto Maxaafaa 34:21

“Biite; biidi ta gishshaanne Israa7eelaaninne Yihudan attidaageetu gishshaa, ha beettida maxaafaa qaalaabaa ane GODAA oichchite. Aissi giikko, ha maxaafan xaafettida ubbabaa oottanau, nu maizza aawati GODAA qaalaa naagibeenna gishshau, nu bolli tigettida GODAA hanqqoi keehippe daro” yaagiis.

Hanidabaa Odiya Naa77antto Maxaafaa 34:25

Eti tana aggidi, hara xoossatuyyo ixaanaa cuwayidosona; yaatidi eti bantta kushiyan oottidoban ubban tana hanqqetissidosona. Hegaa gishshau, ta hanqqoi ha sohuwaa bolli tigettana; i mulekka teqettenna' yaagees.

Iyyooba Maxaafaa 19:11

A hanqqoi ta bolli eexxi kiyiis; i tana ba morkkedan qoodees.

Iyyooba Maxaafaa 6:4

Ubbaa Danddayiya Xoossaa wonddafiyaa zubbeti tana caddidosona; ta bollaikka eta yiishshaa uyees. Xoossaa dagamai ta bolli salppiis.

Mazamure Maxaafaa 37:14

Iita asati hiyyeesatanne metootanchchata ongganaunne suuretettan hemettiyaageeta woranau, bantta bisuwaa shoddidosonanne bantta wonddafiyaa dafidosona.

Mazamure Maxaafaa 7:13

I ba woriya ola miishshata giigissees; tamaa lacuwaadan pol77attiya ba zubbiyaa giigissees.

Isiyaasa 42:25

Hegaa gishshau, i eta bolli ba hanqquwaa suuluwaanne yashshiya olaa gussiis; i eta yuushuwan tamaa eettiis, shin eti eribookkona; i eta xuuggiis; shin eti akeekibookkona.

Isiyaasa 63:10

SHin eti makkalidosona; a Geeshsha Ayyaanaakka azzanissidosona. Hegaa gishshau, i simmidi, etau morkke gidiis; etaarakka olettiis.

Isiyaasa 63:6

Taani ta hanqquwan kawotettata yedhdhaas; ta yiilluwankka eta mentterettaas; eta suuttaakka taani biittan gussaas” yaagana.

Ermmaasa 10:20

Ta dunkkaanee qoletti xayiis; a wodoroi ubbai duuxerettiis. Ta naati ubbai taappe shaahettidi biichchidosona; eti baawa. Ta dunkkaaniyaa zaaridi tolanau woikko ta magalashuwaa kaqqanau ha77i issi asinne attibeenna.

Ermmaasa 21:12

Inttenoo, Daawita zaretoo, GODAI inttena hagaadan yaagees; “Wonttin wonttin suure pirddite; bonqqettidaageeta huqqunniyaageetu kushiyaappe ashshite. Hinna xayikko, intte iita oosuwaa gaasuwan ta hanqqoi tamadan eexxi kiyana; ooninne a toissenna” yaagees' yaaga” yaagiis.

Ermmaasa 21:5

Taani ta huuphen yeddido kushiyan, wolqqaama qesiyan, yiilluwan, hanqquwaaninne gita teegan nena olana.

Ermmaasa 30:14

Intte siiqoti ubbati inttena dogidosona; eti inttebaa wudokkona. Taani inttena morkkedan shocaas; meqetti bainna asi qaxxayiyoogaadan qaxxayaas. Aissi giikko, intte mooroi dalggiis; intte nagaraikka dariis.

Ermmaasa 36:7

Ha asaa bolli GODAI awaajjido hanqqoinne yiilloi hanttaara gidiyo gishshau, ooni erii, eti bantta iita oosuwaappe simmidi, GODAA woossanaakkonne” yaagiis.

Ermmaasa 4:4

Inttenoo, Yihudaa asatoo, Yerusalaamen de7iyaageetoo, intte intte huuphen Xoossaayyo qaxxarettite; intte wozanaa shoohuwaa diggite. Hegee xayikko, intte oottido iitatettaa gishshau, ta hanqqoi tamaadan eexxi kiyana. A ooninne toissanau danddayenna” yaagees.

Ermmaasa 42:18

“Ubbaappe Wolqqaama GODAI, Israa7eela Xoossai hagaadan yaagees; 'Yerusalaamen de7iyaageetu bollan ta hanqqoinne ta yiilloi gukkidoogaadan, intte Gibxxe geliyo wode intte bollankka ta hanqqoi hegaadan gukkana. Intte dagama, cashsha, qanggettanne qilliicciyoobaa gidana; ha sohuwaa naa77antto mulekka be7ekketa' yaagees.

Ermmaasa 7:20

Hegaa gishshau, Ubbaa Haariya GODAI hagaadan yaagees; “Be7ite, ta yiilloinne ta hanqqoi ha sohuwaa bolli, asaa bollinne mehiyaa bolli, gaden de7iya mittaa bollinne biittan de7iya kattaa bolli gukkana. Gukkidi eexxana; to77anaukka danddayenna” yaagees.

Ermmaasa Zilaassaa 1:13

GODAI bolla xoqqaappe tamaa duge yeddiis; he tamai ta meqettaa giddo geliis. Ta gediyaa oiqqanau piriyaa wottiis; tana guyye zaariis. I tana gallassa ubban labbanttidi, yeggi bayiis.

Ermmaasa Zilaassaa 2:5

Godai morkkedan hanidi, Israa7eela xaissiis. I kawo keettatanne qatota ubbaa qoliis. Yihudaa asaa bollan kayyuwaanne yeehuwaa gujjiis.

Ermmaasa Zilaassaa 3:3

I zaari zaaridikka gallassa muliyaa tana shocanau ba kushiyaa ta bollan denttiis.

Ermmaasa Zilaassaa 4:1

PHooliya worqqai ba meraa laammidi tasiis. Beeta Maqidasee keexettido shuchchai katamatu oge ubbaa doonan laaletti uttiis.

Ermmaasa Zilaassaa 4:11

GODAA hanqquwaa xuu7ai kumiis; i ba suulliya hanqquwaa tigiis. Tigidi Yerusalaame katamaa baasuwaara miida tamaa eetti kessiis.

Hizqqeela 13:13

“'Hegaa gishshau, Ubbaa Haariya GODAI hagaadan yaagees; “Taani ta hanqquwan hanttaara gotiyaa yeddana; qassi biittaa bashshanau ta yiilluwan ordde shachchaanne wolqqaama iraa suulliya hanqquwaara kiittana.

Hizqqeela 20:34

Kawotettatu giddoppe taani inttena kessana; intte laalettido biitta ubbaappe ta mino qesiyan, ta yeddido kushiyaaninne ta gussido hanqquwan taani inttena shiishshana.

Hizqqeela 22:22

Birai coociyan seeriyoogaadan, intte Yerusalaamen seerana. He wode taani GODAI ta hanqquwaa intte bolli gussidoogaa intte erana' yaagees” yaagiiddi yiis.

Hizqqeela 24:25

“'GODAI tana hagaadan yaagiis; “Laa asa na7au, taani eta ufaissaanne bonchchuwaa, eta aifiyau lo77iyaabaanne eta wozanai amottiyoobaa, qassi eta attuma naatanne eta macca naata etappe wotta ekkana.

Hizqqeela 36:18

Eti biittan suuttaa gussido gishshaunne bantta eeqan biittaa tunissido gishshau, ta hanqquwaa eta bollan gussaas.

Hizqqeela 5:13

“Ta yiilloi wurana; taani eta bolli hanqqettido hanqqoikka wodhdhana; yaatobare tau irxxi gaana. Taani eta bollan hanqqettido hanqquwaa wurssiyo wode, taani GODAI qanaatiyan haasayidoogaa eti erana.

Hizqqeela 6:12

Haahuwan de7iyaagee boshan haiqqana; matan de7iyaagee olan haiqqana; qassi paxa attidaagee koshan haiqqana. Hegaadan oottada, taani ta hanqquwaa eta bolli wurssana.

Hizqqeela 7:14

Ta hanqqoi asaa ubbaa bolli de7iyo gishshau, eti olau xurumbbaa punnidi, ubbabaa giigissikkokka, ooninne olau kiyenna.

Wogaabaa 26:17

Taani ta som77uwaa intte bolli tukkana; intte morkketu sinttan intte kunddana; inttena ixxiyaageeti inttena haarana; qassi ooninne yedettennan intte baqatana.

Naahooma 1:2

GODAI qanaatiyaanne haluwaa kessiya Xoossaa; GODAI haluwaa kessiyaagaanne hanqquwan kumidaagaa; GODAI banaara eqettiyaageetussi haluwaa kessees; qassi ba morkketa qaxxayanau ba hanqquwaa giigissi wottiis.

Naahooma 1:6

A hanqquwaa sinttan eqqanai oonee? A hanqquwaa suuluwaakka danddayanai oonee? A hanqqoi tamaadan bukkiyo wode, zaallati za77idi phalqqettoosona.

Zaarettido Wogaa 32:22

Ta hanqqoi tamaadan eexxidi, biittan de7iyaaba ubbaa xuuggana. He tamai Si7ooliyan de7iyaagaarakka gattidi xuuggana; deriyaa baasuwaa gakkanaashin, he tamai maana.

Sameela Maxaafaa Koiruwaa 28:16

Yaagin Sameeli, “GODAI shaahettidi ne morkke gidiichchaappe attin, tana aibissi zoretaa bessai?