Ermmaasa Zilaassaa 2:19 - Wolaytta Bible

¹⁹ Dendda; qammi poo7oora denddada waassa. Godaa sinttan ne wozanaa haattaadan gussa. Ogiyaa doonan ubban namisettidi, labbanida ne naatu shemppuwaassi ne kushiyaa akko pude denttada woossa!

Ermmaasa Zilaassaa 2:19 ပူးပေါင်းရင်းမြစ်များ

Iyyooba Maxaafaa 3:24

Qumaa miyoogaa gishshaa oolais; ta oolee aggennan goggiya haattaa mala.

Mazamure Maxaafaa 119:55

Abeet GODAU, taani qammi ne sunttaa qoppais; ne higgiyaakka naagais.

Mazamure Maxaafaa 134:2

Beeta Maqidasiyan intte kushiyaa miccidi, GODAA galatite.

Mazamure Maxaafaa 141:2

Ta woosai ixaanaa cuwaadan ne sintti shiiqo; taani ta kushiyaa micciyoogee neeyyo omarssa yarshsho mala gido.

Mazamure Maxaafaa 142:2

Ta qohuwaa ubbaa ayyo magannais; ta metuwaa ubbaa ayyo yootais.

Mazamure Maxaafaa 142:3

Taani hitido wode, neeni ta ogiyaa eraasa. Taani hemettiyo ogiyan taayyo gitiyaa qotti wottidosona.

Mazamure Maxaafaa 28:2

“Maaddo” gaada taani nena xeesiyo wodenne ne geeshsha Beeta Maqidasiyaakko zaarada ta kushiyaa micciyo wode, neeni ta watiwatuwaa siya.

Mazamure Maxaafaa 42:3

Asati ubbatoo, “Ne Xoossai awan de7ii?” yaagiyo wode, taayyo gallassinne qammi ta afuttai quma gidiis.

Mazamure Maxaafaa 42:4

Taani eta baalaa bonchchanau shiiqida daro asaa giddoora salppiyan hombbocishiininne galata yettaa yexxishin, Xoossaa keetti kaalettidoogaa qoppiyo wode, ta wozanai azzanidi, giddon seerees.

Mazamure Maxaafaa 42:8

Gallassi GODAI aggenna ba siiquwaa taayyo kiittees. Qammikka a yettai tanaara de7ees; he yettaikka taani taayyo de7uwaa immiya Xoossaa woossiyo woosaa.

Mazamure Maxaafaa 62:8

Asau, Xoossan ubba wode ammanettite; i nuuyyo qato gidiyo gishshau, intte metuwaa ayyo yootite.

Mazamure Maxaafaa 63:4

Ta de7uwaa laittan taani nena galatana; ta kushiyaa miccada, taani nena woossana.

Isiyaasa 26:9

Qamman taani nena laamotais; ta giddon de7iya ta ayyaanai tumuppe nena minttidi koyees. Aissi giikko, ne pirddai sa7an de7iyo wode, sa7an de7iya asai xillotettaa tamaarees.

Isiyaasa 51:20

Ne naati labbanidosona; eti gitiyaa giddon gelida genesseedan, oge ubbaa gaxan kunddidosona. Eti GODAA hanqquwaaninne ne Xoossaa seeran kumidosona.

Ermmaasa 14:18

Taani dembbaa biikko, bisuwan siifettidaageeta be7ais. Katamaa gelikko, qassi koshan gilqqidaageeta be7ais. Hananabaa yootiyaageetinne qeeseti, “Nuuni paci bainnan oottoos” goosona; shin eti bantta oottiyoobaa erokkona' yaaga” yaagiis.

Ermmaasa 9:20

Inttenoo, maccaasatoo, GODAA qaalaa siyite! Intte haittai a doonaappe kiyiya qaalaa ezggo. Intte macca naata zilaassaa tamaarissite; shooriyaa shooriyo koissaa tamaarissu.

Hizqqeela 5:10

Hegaappe denddidaagan, intte giddon aawati bantta naata maana; qassi naatikka bantta aawata maana. Taani intte bolli pirddaa ehaana; intteppe attidaageetakka carkko ubbau laalana.

Hizqqeela 5:16

Taani intte bolli woriyaanne xaissiya koshaa wonddafiyaa dukkiyo wode, inttena xaissanau dukkana. Taani intteyyo koshaa yaa yaa darissana; Yerusalaame katamaa kattai gelennaadan, taani teqqana.

Mikiyaasa 1:16

Inttenoo, Yihudaa asatoo, intte siiqiyo naati intteppe omoodettidi baanau de7iyo gishshau, intte huuphiyaa meedettite; intte huuphiyaakka ankkuwaa huuphiyaadan bo77ayite.

Naahooma 3:10

Gidikkonne, a omoodettada baasu; in de7iya guutta naatikka darxxettidi, ogiyaa gaxan ubban kunddidosona. I bonchchettida asatu bollan saamai yegettiis; i gita asati ubbaikka sanssalatan qashettidosona.

Maatiyoosa 14:25

Baira kuttoi waassi simmin, Yesuusi abbaa bolli hemettiiddi, etakko yiis.

Marqqoosa 1:35

Yesuusi maallado wonttimaattan denddidi, sooppe kiyidi, asi bainnasaa biis; biidi yaani Xoossaa woossiis.

Marqqoosa 13:35

“Hegaa gishshau, minnite; aissi giikko, keettaawai omarssa gidin, woi qamma bilahe gidin, woi kuttoi waassiyo wode gidin, woi maallado guuraara gidin aude yaanaakko, intte erekketa.

Luqaasa 6:12

He wodiyan Yesuusi Xoossaa woossanau deree de7iyoosaa biis. Biidi qamma ubban Xoossaa woossiiddi aqiis.

Koiro Ximootiyoosa 2:8

Hegaa gishshau, ubbasan de7iya attumaasai hanqqoinne palami bainnan, ba geeshsha kushiyaa pude denttidi, Xoossaa woossanaadan, taani koyais.

Daannatu Maxaafaa 7:19

Qammau giddo shaaho gidanau guuttai attidaashin, naagiya olanchchati laamettidoogaappe guyyiyan, Geedooninne aara de7iya xeetu asati biidi, Midiyaamati dunkkaanidosaa mati gakkidosona; gakkidi bantta malkkataa punnidosona; bantta oiqqido xaaro ubbaakka menttidosona.

Sameela Maxaafaa Koiruwaa 1:15

Yaagin Haanna hagaadan yaagada ayyo zaaraasu; “CHii, ta godau, taani keehi metootanchcha maccaasa; taani ta shemppuwaappe GODAA woossaisippe attin, woine eessaa woikko mattoyiya ushshaa uyabeikke.

Sameela Maxaafaa Koiruwaa 7:6

Yaagin eti Mixiphpha shiiqidosona. SHiiqidi haattaa duuqqidi, GODAA sinttan tigidosona; he gallassi eti xoomidosona; xoomiiddi he sohuwan, “Nuuni GODAA bolli nagaraa oottida” yaagidi paaxidosona. Mixiphphan Sameeli Israa7eela asaa bolli daannatiis.