Ermmaasa Zilaassaa 2:17 - Wolaytta Bible

¹⁷ GODAI ba halchchidoogaa oottiis; beni wode i awaajjido ba qaalaakka poliis. Yerusalaamissi qarettennan o qoliis. I morkketakka ufaissiis; o huqqunnidaageetu wolqqaakka xoqqu xoqqu oottiis.

Ermmaasa Zilaassaa 2:17 ပူးပေါင်းရင်းမြစ်များ

Kawotu Maxaafaa Koiruwaa 9:7

yaatikko, Israa7eela asaa taani kase etayyo immido biittaappe xoqollana; taani ta sunttaayyo geeshshido ha Beeta Maqidasiyaakka aggaagana. Aggin Israa7eelati asaa ubbaa giddon haiseyiyoobaanne qilliicciyoobaa gidana.

Mazamure Maxaafaa 35:24

Abeet GODAU, ta Xoossau, ne xillotettan tana shatintta; ta morkketa ufaissoppa.

Mazamure Maxaafaa 35:26

Ta waayiyan ufaittiyaageeti mule yeellatonanne kauyyona. Ta bollan otorettiyaageeti yeellaanne kaushshaa maayona.

Mazamure Maxaafaa 38:16

Taani GODAA, “Ta gedee xubettin, eti, 'Ayyo hashshu' gaanaadaaninne ta bolli ceeqettanaadan oottoppa” yaagais.

Mazamure Maxaafaa 89:42

Neeni a morkketuyyo xoonuwaa immada, eta ubbaa ufaissadasa.

Mazamure Maxaafaa 89:43

Neeni a bisuwaa xeeraa qalam77adasa; neeni olan a maaddabaakka.

Isiyaasa 14:29

“Inttenoo Pilisxxeema asatoo ubbatikka, inttena shocida xam77ai meqqido gishshau ufaittoppite; aissi giikko, he shooshshaa zariyaappe hasoi kiyana; a zerettaikka qassi paalliya shooshshaa gidana.

Ermmaasa 18:11

“Hegaa gishshau, ha77i Yihudaa asatuyyoonne Yerusalaamen de7iyaageetuyyo hagaadan yaaga; 'GODAI yaagees; “Be7ite, taani intte bolli iitabaa medhdhaisinne halchchais. Intte ubbaikka intte iita ogiyaappe simmite; intte ogiyaanne intte oosuwaa laammite” yaagees' yaaga.

Ermmaasa 4:28

Hegaa gishshau, sa7ai yeekkana; salotikka bollan xumana. Aissi giikko, taani garggaas; marssettikke. Taani qofaa qachchaichchaas; aggikke” yaagees.

Ermmaasa 40:3

Giidoogaadan ha77i ehiis; GODAA bollan intte nagaraa oottido gishshaunne ayyo azazettennan ixxido gishshau, hagee ubbai haniis.

Ermmaasa Zilaassaa 1:5

I morkketi iyyo goda gididosona; etau injjetin de7idosona. Aissi giikko, i nagaraa daruwaa gaasuwan GODAI o tuggayiis; i guutta naati morkkiyan omoodettidi biidosona.

Ermmaasa Zilaassaa 2:8

GODAI Xiyooni gimbbiyaa qolanau qachchiis; o likkiyo wodoruwaa micciis; o xaissennan de7iiddi, ba kushiyaa zaarenna. Hegaa gishshau, gimbbeenne qatoi issippe kunddanaadan oottiis.

Ermmaasa Zilaassaa 3:43

Ne maaarotettaikka ne hanqquwan kamettiis; qassi neeni nuussi qarettennan nuna siifadasa.

Ermmaasa Zilaassaa 4:11

GODAA hanqquwaa xuu7ai kumiis; i ba suulliya hanqquwaa tigiis. Tigidi Yerusalaame katamaa baasuwaara miida tamaa eetti kessiis.

Hizqqeela 5:11

“Hegaa gishshau, taani Ubbaa Haariya GODAI ta de7uwan caaqqais: Intte intte sheneyiya eeqatuuninne tuna oosotun ta Beeta Maqidasiyaa tunissido gishshau, taanikka inttena xaissana. Taani intteyyo qarettikkenne intteppe issuwaanne ashshikke.

Hizqqeela 8:18

Hegaa gishshau, taani etaara hanqquwan gaittana. Taani etayyo qarettikkenne etappe issuwaanne ashshikke. Eti bantta cenggurssaa xoqqu oottidi, ta haittan waassinkka, taani etau siyikke” yaagiis.

Hizqqeela 9:10

Hegaa gishshau, taani etayyo qarettikkenne etappe issuwaanne ashshikke. Taani etayyo eta oosuwaadan oottana” yaagiis.

Daaneela 9:12

Qassi nu bollinne nuna kaalettiyaageetu bolli gita bashshaa ehaanau neeni haasayido qaalaa nu bolli poladasa. Aissi giikko, Yerusalaame bolli gakkidabaa mali saloppe garssan hara biittaa bolli mulekka gakkibeenna.

Mikiyaasa 2:3

Hegaa gishshau, GODAI hagaadan yaagees; “Be7ite, taani intte bollan iitabaa ehaanau halchchais; hegaappe intte kessi ekkanau danddayekketa. Hegee iita wode gidiyo gishshau, intte otorettiiddi simerettanau danddayekketa.

Sofonaasa 1:2

GODAI hagaadan yaagees; “Taani biittaa bollan de7iyaabaa ubbaa mulxxu oottada xaissana.

Zakkaariyaasa 1:6

Gido shin, hananabaa yootiya ta ashkkaratu baggaara taani yootido qaalatinne higgeti ubbai intte maizza aawatu bollan gakkibookkonaa? Yaatin, etikka azzanidi, “Ubbaappe Wolqqaama GODAI nu ogiyaadaaninne nu oosuwaadan nuussi immana giidoogaadan, ba giidoogaa oottiis” yaagidosona' yaaga” yaagiis.